دفاعی حسابات کے محکمے نے ’سوچھتا ہی سیوا 2026‘ مہم کے تحت ملک گیر شرمدان کا انعقاد کیا، جس میں فیلڈ دفاتر نے دو ہفتے طویل سوچھتا پکھواڑا میں حصہ لیا اور ’ایک پیڑ ماں کے نام‘ پہل کے تحت 25,000 سے زیادہ درخت لگائے۔

اس مہم کا اختتام ایم سی ڈی پرائمری اسکول، بگڈولا، دوارکا، نئی دہلی میں صفائی مہم کے ساتھ ہوا، جس کی قیادت کنٹرولر جنرل آف ڈیفنس اکاؤنٹس (سی جی ڈی اے) محترمہ الکا نانگیا اروڑا نے میونسپل کارپوریشن آف دہلی کے اشتراک سے کی۔ سی جی ڈی اے دفتر کے افسران اور عملے اور ایم سی ڈی کے اہلکاران نے اس مہم میں حصہ لیا، جس میں پودے لگانے کا کام بھی شامل تھا۔

خصوصی سوچھتا مہم 6.0 کے حصے کے طور پر، سی جی ڈی اے ہیڈکوارٹر نے 12 اکتوبر 2026 کو شجرکاری مہم چلائی۔ محکمے نے چھانٹنے کے لیے فزیکل فائلوں، بند کرنے کے لیے ای-فائلوں، اور ٹھکانے لگانے کے لیے کباڑ اور ای-ویسٹ کی نشان دہی کرنے کی مشقیں بھی شروع کیں۔

ملک گیر اقدامات دفاعی حسابات کے محکمے کے عزم کی توثیق کرتے ہیں جو اجتماعی شرکت اور جن بھاگیداری کے ذریعے صفائی، ماحولیاتی تحفظ، ذمہ دارانہ کچرا انتظام اور ’کم کریں، دوبارہ استعمال کریں اور ری سائیکل کریں‘ کے اصولوں کے تئیں ہے۔

***

(ش ح - ع ا)

U.No. 6106

(ریلیز آئی ڈی: 2323598) وزیٹر کاؤنٹر : 8