بھارت سرکار کی زراعت اور کسانوں کی بہبود کی وزارت (ڈی اے اینڈ ایف ڈبلیو) 15 اکتوبر 2026 کو ڈاکٹر بی آر امبیڈکر انٹرنیشنل سینٹر، نئی دہلی میں یومِ کسان خواتین 2026 کا قومی سطح پر جشن منعقد کر رہی ہے۔ اس پروگرام کا مقصد بھارتی زراعت میں خواتین کسانوں کی اہم شراکت کو تسلیم کرنا اور ان کا اعزاز کرنا ہے اور زرعی ترقی کو آگے بڑھانے اور وِکست بھارت کی تعمیر میں ان کے کردار کو اجاگر کرنا ہے۔ یہ دن دیہی خواتین کے بین الاقوامی دن کے ساتھ بھی منایا جاتا ہے، جسے اقوام متحدہ کی جنرل اسمبلی نے 2007 میں قائم کیا تھا، جو زرعی اور دیہی ترقی میں دیہی خواتین کی شراکت کو اجاگر کرتا ہے۔

خواتین بھارت کے زرعی نظام کا ایک لازمی حصہ ہیں۔ بوائی، پودے لگانے اور کٹائی سے لے کر مویشیوں کے انتظام، بیجوں کے تحفظ، قدرتی وسائل کے انتظام اور ویلیو ایڈیشن تک، خواتین زرعی ویلیو چین میں نمایاں طور پر حصہ ڈالتی ہیں۔ ان کا روایتی علم، حیاتیاتی تنوع کے تحفظ میں کردار، کاروباری اقدامات اور پائیدار زرعی طریقوں کو اپنانا دیہی معاش کو مضبوط بنانے اور زرعی لچک کو بڑھانے کے لیے اہم ہیں۔ این ایس او، ایم او ایس پی آئی کے ذریعے جنوری-دسمبر 2025 کے دوران کیے گئے پیریوڈک لیبر فورس سروے (پی ایل ایف ایس) کے مطابق، زرعی سرگرمیوں میں مصروف کل افرادی قوت کا 59.8 فیصد خواتین تھیں۔

سال 2026 کو اقوام متحدہ نے یومِ کسان خواتین کا بین الاقوامی سال (آئی وائی ڈبلیو ایف 2026) قرار دیا ہے، جو زرعی غذائی نظام میں خواتین کسانوں کی شراکت کو تسلیم کرنے اور ان کی تفویضِ اختیارات کو فروغ دینے کے لیے ایک اہم عالمی پلیٹ فارم فراہم کرتا ہے۔ یہ مشاہدہ زراعت میں خواتین کے لیے مواقع بڑھانے اور وسائل، ٹیکنالوجی اور ادارہ جاتی مدد تک ان کی رسائی کو مضبوط بنانے کی ضرورت کو مزید اجاگر کرتا ہے۔

یومِ کسان خواتین 2026 کا موضوع ”ترقی یافتہ زراعت اور وِکست بھارت کی تعمیر میں خواتین کسانوں کا کردار“ ہے۔ یہ موضوع جدید زرعی ٹیکنالوجیز کو اپنانے، فصلوں میں تنوع، مویشیوں کے انتظام، قدرتی وسائل کے تحفظ اور زراعت پر مبنی کاروباری اداروں کی ترقی کے ذریعے وِکست بھارت کے وژن کو حاصل کرنے میں خواتین کی قیادت کو اجاگر کرتا ہے۔ خواتین کسان زراعت کو مزید پیداواری، پائیدار اور خود کفیل بنانے میں اپنا حصہ ڈال رہی ہیں۔

یہ پروگرام مختلف ریاستوں اور مرکز کے زیر انتظام علاقوں سے نمایاں خواتین کسانوں کو، خواتین زرعی افسران، زرعی توسیع کے اہلکاران اور ڈی اے اینڈ ایف ڈبلیو کے افسران اور اہلکاران کے ساتھ یکجا کرے گا۔ یہ ان کی کام یابیوں کو تسلیم کرنے، تجربات اور کام یاب طریقوں کا اشتراک کرنے اور زرعی شعبے میں خواتین کی زیادہ شرکت اور قیادت کی حوصلہ افزائی کرنے کے لیے ایک پلیٹ فارم فراہم کرے گا۔

اس سال یومِ کسان خواتین ریاستوں/مرکز کے زیر انتظام علاقوں، توسیع تعلیمی اداروں (ای ای آئیز)، سمیتیز اور مینج میں بھی منایا جا رہا ہے۔ ہر مقام پر منتخب نمائندوں، افسران، سائنس دانوں، توسیع کارکنوں اور دیگر اسٹیک ہولڈروں کے ساتھ 50-100 خواتین کسانوں کی شرکت ہے۔ قبائلی علاقوں سے خواتین کسانوں کی شرکت کو یقینی بنانے پر خاص زور دیا گیا ہے۔

خواتین زرعی افسران اور توسیع کے اہلکاران زرعی تحقیق کو کاشتکاری برادریوں سے جوڑنے میں بھی اہم کردار ادا کرتے ہیں۔ سائنسی کاشتکاری کے طریقوں کی تشہیر، جدید ٹیکنالوجیز کو فروغ دینے، تربیت اور سرکاری اسکیموں کے بارے میں بیداری پیدا کرنے کے ذریعے، وہ کسانوں کو علم تک رسائی حاصل کرنے اور زرعی طریقوں کو بہتر بنانے میں مدد کرتے ہیں۔

یومِ کسان خواتین 2026 کا جشن زرعی ترقی اور دیہی خوشحالی کے حصول میں خواتین کی تفویضِ اختیارات کی اہمیت کی تصدیق کرتا ہے۔ خواتین کسانوں کو تسلیم کرنا، مساوی مواقع کو یقینی بنانا اور جدید ٹیکنالوجی اور ضروری وسائل تک ان کی رسائی کو مضبوط بنانا ترقی یافتہ زراعت اور وِکست بھارت کی تعمیر کی طرف اہم اقدامات ہیں۔

***

(ش ح - ع ا)

U.No. 6104

 

(ریلیز آئی ڈی: 2323584) وزیٹر کاؤنٹر : 6