উত্তৰাখণ্ডৰ মুখ্যমন্ত্ৰী শ্ৰী পুষ্কৰ সিং ধামীয়ে ২০২৬ চনৰ ১২ অক্টোবৰত উত্তৰাখণ্ডৰ ডেৰাডুনত এটা অনুষ্ঠানত ১৭ জনীয়া ভাৰতীয় উপকূলৰক্ষী বাহিনী (আইচিজি)ৰ পৰ্বতাৰোহী দলটোক পতাকা দেখুৱাই আদৰণি জনায়। দলটোৱে ২০২৬ চনৰ ৭ অক্টোবৰত হিমালয়ান মাউণ্টেনিয়াৰিং ইনষ্টিটিউট (এইচএমআই), দাৰ্জিলিঙৰ বিশেষজ্ঞৰ তত্বাৱধানত ৭,০৪৫ মিটাৰ উচ্চতাৰ মাউণ্ট মুকুট শৃংগ সফলতাৰে আৰোহণ কৰে। ২০২৭ চনত আইচিজিৰ স্বৰ্ণ জয়ন্তী উদযাপনৰ সময়ৰ বাবে পৰিকল্পনা কৰা মাউণ্ট এভাৰেষ্ট আৰোহণৰ চূড়ান্ত প্ৰত্যাহ্বানৰ বাবে দলটোক প্ৰস্তুত কৰাৰ লক্ষ্যৰে এই অভিযান পঞ্চম পৰ্যায় আৰু ১৮ মাহৰ এক সবল প্ৰস্তুতিমূলক প্ৰশিক্ষণ কাৰ্যসূচীৰ চূড়ান্ত মাইলৰ খুঁটি হিচাপে পৰিগণিত হৈছে। ২০২৬ চনৰ ১৫ ছেপ্টেম্বৰত আৰম্ভ হোৱা  এই অভিযানত অংশগ্ৰহণ কৰা দলটোৱে শিখৰত উপনীত হ’বলৈ প্ৰতিকূল বতৰৰ পৰিস্থিতি অতিক্ৰম কৰাৰ পূৰ্বে ১ অক্টোবৰত প্ৰথমটো বেছ কেম্প স্থাপন কৰে।  এই সফল অভিযানৰ সময়ত লাভ কৰা কাৰ্য্যকৰী আৰু মূল্যৱান অভিজ্ঞতাই ২০২৭ চনত ঐতিহাসিক মাউণ্ট এভাৰেষ্ট অভিযানৰ বাবে দলটোৰ চূড়ান্ত প্ৰস্তুতিৰ ক্ষেত্ৰত এক গুৰুত্বপূৰ্ণ ভেটি হিচাপে কাম কৰিব। উত্তৰাখণ্ডৰ মুখ্যমন্ত্ৰীগৰাকীয়ে দলটোৰ ব্যতিক্ৰমী দৃঢ়তা আৰু সহনশীলতাক প্ৰশংসা কৰি কয় যে এই সাফল্য সাহস আৰু ৰাষ্ট্ৰীয় গৌৰৱৰ উদাহৰণ। ভাৰতীয় উপকূলৰক্ষী বাহিনীৰ অতিৰিক্ত সঞ্চালক প্ৰধান আনন্দ প্ৰকাশ বাদোলায়ো প্ৰত্যাহ্বানপূৰ্ণ হিমালয়ৰ ভূখণ্ড আৰোহণ কৰাৰ ক্ষেত্ৰত দৃষ্টান্তমূলক দলীয় ঐক্য প্ৰদৰ্শনৰ বাবে দলটোক অভিনন্দন জনায়।

*****

SR/Kamlesh/DD

(ৰিলিজ আই ডি : 2322550) অতিথি কক্ষ : 5