سماجی انصاف اور تفویض اختیارات کی وزارت کے مرکزی سکریٹری جناب سدھانش پنت نے آج یہاں مرکز کے زیر انتظام علاقے دادرا اور نگر حویلی اور دمن اور دیو (ڈی این ایچ اور ڈی ڈی) کے تعلیمی مرکز کیوڈی دیو میں بزرگ افراد کی دیکھ بھال سے متعلق پانچ روزہ تربیتی پروگرام کا افتتاح کیا ۔

اس پروگرام کا اہتمام سماجی انصاف اور تفویض اختیارات کی وزارت ، حکومت ہند کے تحت نیشنل انسٹی ٹیوٹ آف سوشل ڈیفنس (این آئی ایس ڈی) کے ذریعے کلکٹر آفس ، دیو ، مرکز کے زیر انتظام علاقہ انتظامیہ دادر  اور نگر حویلی اور دمن اور دیو (ڈی این ایچ اور ڈی ڈی) کے تعاون سے کیا جا رہا ہے ۔

وزارت کے جوائنٹ سکریٹری ڈاکٹر سندیپ آر راٹھور ، جناب سجیش کمار این اور این آئی ایس ڈی کے ڈائریکٹر جناب گورو سنگھ راجوت نے بھی افتتاحی اجلاس میں شرکت کی ۔  دیو کے کلکٹر جناب راہول دیو بورا نے معززین اور شرکاء کا باضابطہ طور پر خیر مقدم کیا ۔

اس موقع پر اظہار خیال کرتے ہوئے جناب پنت نے کہا کہ اس پہل کا مقصد تربیت یافتہ ، حساس اور مقامی طور پر دستیاب فرنٹ لائن کارکنوں کا ایک پول بنانا ہے، جو  معمر افراد کی صحت کی بنیادی دیکھ بھال فراہم کرنے ، دیکھ بھال کی ابھرتی ہوئی ضروریات کی نشاندہی کرنے ، مناسب سرکاری اسکیموں اور خدمات تک رسائی کو آسان بنانے اور کمیونٹی کی سطح پر بزرگ شہریوں کو جذباتی اور نفسیاتی مدد فراہم کرنے کے قابل ہوں ۔

انہوں نے کہا کہ دیو  ڈسٹرکٹ میں بزرگ شہریوں کی مخصوص ضروریات کو پورا کرنے اور دیگر کاموں میں مدد کرنے کے لیے تربیت کو مناسب طریقے سے سیاق و سباق کے مطابق بنایا گیا ہے ، جس میں مقامی طور پر دستیاب سپورٹ سسٹم کو مضبوط کرنے پر توجہ دی گئی ہے ۔

سکریٹری نے کہا کہ یہ پروگرام عمر رسیدہ آبادی کی بدلتی ہوئی ضروریات کے پیش نظر خاص اہمیت رکھتا ہے ، جن میں اکیلے رہنے والے بزرگ شہری ، جن کو روزانہ کی زندگی کی سرگرمیوں (اے ڈی ایل) میں مدد کی ضرورت ہوتی ہے اور خاندان پر مبنی دیکھ بھال تک محدود رسائی والے بوڑھے افراد شامل ہیں ۔

جناب پنت نے مزید کہا کہ تربیت ایک عملی ، شراکت دار اور فیلڈ پر مبنی نقطہ نظر اپنائے گی ، جس سے شرکاء کو حاصل کردہ علم اور مہارتوں کو اپنی متعلقہ برادریوں میں موثر مدد میں تبدیل کرنے کے قابل بنائے گا ۔

سکریٹری پنت نے کہا کہ 5 روزہ تربیتی پروگرام ،شرکاء کو بڑھاپے کی جسمانی ، نفسیاتی ، جذباتی اور سماجی جہتوں کی سمجھ فراہم کرے گا ، جبکہ انہیں بزرگ افراد کی محفوظ ، باوقار اور رحم دلانہ دیکھ بھال کے لیے عملی صلاحیتوں سے آراستہ کرے گا ۔

مرکزی سکریٹری نے کہا کہ توقع ہے کہ اس پروگرام سے دیو ڈسٹرکٹ میں تقریبا 50 تربیت یافتہ اور حساس آنگن واڑی کارکنوں ، صف اول کے کارکنوں اور نچلی سطح کے کارکنوں کا ایک پول تشکیل کیا جائے گا اور اس طرح بزرگ افراد کو بنیادی دیکھ بھال اور مدد فراہم کرنے کی ان کی صلاحیت میں اضافہ ہوگا۔

انہوں نے کہا کہ توقع  ہے کہ اس پروگرام کی مدد سے اضافی دیکھ بھال یا ریفرل کی ضرورت والے بزرگ شہریوں کی جلد شناخت میں بہتری آئے گی ، سرکاری اسکیموں اور سپورٹ میکانزم کے بارے میں بیداری کو تقویت ملے گی ، اور اکیلے رہنے والے یا محدود خاندانی مدد کے ساتھ بزرگ افراد کے لیے کمیونٹی کی سطح پر مدد میں بہتری آئے گی ۔

جناب پنت نے کہا کہ یہ پروگرام دیو ڈسٹرکٹ میں بزرگوں کی دیکھ بھال کے مقامی ماحولیاتی نظام کو مضبوط بنانے کے لیے صلاحیت سازی پر مرکوز مداخلت کی نمائندگی کرتا ہے ۔  انہوں نے کہا کہ تربیت یافتہ اور حساس اہلکاروں کا مقامی طور پر دستیاب پول تیار کرکے ، اس پہل کا مقصد بزرگ شہریوں کے لیے زیادہ ذمہ دار ، جامع اور معاون ماحول کو فروغ دینا اور ان کے وقار ، حفاظت ، آزادی ، سماجی شمولیت اور معیار زندگی میں مدد فراہم کرنا ہے ۔

سکریٹری نے مزید کہا کہ اس پروگرام کا مقصد بزرگ شہریوں کے لیے کمیونٹی پر مبنی سپورٹ سسٹم کو مضبوط کرنا اور آخری میل تک خدمات کی فراہمی میں مصروف اہلکاروں کی صلاحیت میں اضافہ کرنا ہے ۔

ان اہم شعبوں میں، عمر بڑھنے کے عمل اور بزرگ شہریوں کی بدلتی ہوئی ضروریات ؛ بزرگ افراد کے حقوق ، وقار اور فلاح و بہبود ؛ خاندانوں ، برادریوں اور صف اول کی دیکھ بھال کرنے والوں کے رول ؛ عمر رسیدہ افراد کی بنیادی دیکھ بھال کے اصول ؛ معمول کی سرگرمیوں اور اے ڈی ایل کے ساتھ مدد ؛ ذاتی حفظان صحت ؛ غذائیت اور ہائیڈریشن ؛ ادویات سے متعلق مدد ؛ نقل و حرکت میں مدد ؛ محفوظ منتقلی کی تکنیک ؛ گرنے سے بچنے اور گھر کی حفاظت جیسے معمولات شامل ہوں گے۔

اس پروگرام میں بنیادی ابتدائی طبی امداد اور عام ہنگامی صورتحال ، مواصلاتی مہارت ، نفسیاتی مدد ، تنہائی اور سماجی طورپر الگ تھلگ ہونا، جذباتی تندرستی ، اور یادداشت متاثر ہونے کے بارے میں بیداری اور دیکھ بھال کے بنیادی طریقوں کا بھی احاطہ کیا جائے گا ۔

پروگرام کے دوران رازداری ، وقار ، احترام اور رحم دلانہ دیکھ بھال کے اصولوں کو تقویت دیتے ہوئے بزرگ شہریوں کی غفلت ، بدسلوکی اور استحصال کی روک تھام ، شناخت اور رپورٹنگ پر مخصوص توجہ دی  جائے گا ۔

شرکاء کو سرکاری اسکیموں ، پروگراموں ، ادارہ جاتی میکانزم اور بزرگ شہریوں کے لیے دستیاب معاون خدمات پر بھی توجہ دی جائے گی ، جس سے وہ متعلقہ فوائد اور خدمات تک بروقت رسائی کو آسان بنا سکیں گے ۔

یہ پروگرام تکنیکی اجلاس، انٹرایکٹو لیکچرز ، مظاہرے ، عملی مشقیں ، کیس اسٹڈیز اور فیلڈ پر مبنی مثالوں کو یکجا کرے گا ۔  گروپ کی سرگرمیاں ، تجربے کا اشتراک اور سوال و جواب کے سیشن شرکاء کو تربیت سے حاصل معلومات  کو اپنے فیلڈ کے تجربے سے جوڑنے اور بوڑھے افراد کی متنوع ضروریات کے لیے عملی کارروائی تیار کرنے کا موقع فراہم کریں گے ۔

دیکھ بھال کی بنیادی تکنیکوں کی عملی نمائش پروگرام کا ایک اہم جزو بنے گی ، جس میں معلومات کو مؤثر کمیونٹی سطح  میں تعاون دینے کے طرز پر ڈھالنے پر  زور دیا جائے گا ۔

این آئی ایس ڈی ، سماجی انصاف اور تفویض اختیارات کی وزارت ، حکومت ہند ، اور مرکز کے زیر انتظام علاقے دادرا اور نگر حویلی اور دمن اور دیو کی انتظامیہ کے درمیان کلکٹر ، دیو کے دفتر کے ذریعے تعاون ، بنیادی سطح پر معمر افراد کی دیکھ بھال اور کمیونٹی پر مبنی معاون  نظام کو مضبوط بنانے کے لیے ایک مربوط نقطہ نظر کی عکاسی کرتا ہے ۔

جناب پنت نے بعد میں شرکاء کو بزرگ شہریوں کی فلاح و بہبود کا عہد دلایا ۔

این آئی ایس ڈی کے سینئر سٹیزن ڈویژن کی کورس کوآرڈی نیٹر محترمہ آشا شرما اور جونیئر کنسلٹنٹ محترمہ ریتو ڈانڈریال پروگرام کا انعقاد کر رہی ہیں ۔

ڈپٹی ڈائریکٹر (ٹریننگ) اور سربراہ ، سینئر سٹیزن ڈویژن ، این آئی ایس ڈی ، موثر تعلیمی ، انتظامی اور لاجسٹک انتظامات کے لیے دیو کے کلکٹر کے دفتر اور دیگر متعلقہ فریقین کی مشاورت سے پروگرام کو مربوط کر رہے ہیں ۔

یہ بات قابل ذکر ہے کہ وزارت کی سطح پر این آئی ایس ڈی بزرگ شہریوں کی دیکھ بھال ، فلاح و بہبود اور تحفظ کے لیے تربیت یافتہ انسانی وسائل کی دستیابی کو مستحکم کرنے کی اپنی مسلسل کوششوں کے حصے کے طور پر معمر افراد کی دیکھ بھال  اور متعلقہ شعبوں میں صلاحیت سازی اور تربیتی پروگرام انجام دے رہا ہے ۔

***

ش ح ۔ ش ب ۔ ق ر

UN-No-4908

(ریلیز آئی ڈی: 2321429) وزیٹر کاؤنٹر : 9