ہندوستان کی ٹیلی کام ریگولیٹری اتھارٹی (ٹرائی) نے عام ٹیلی کام صارفین کی معلومات کے لیے اگست 2026 کے دوران فاضلکا شہر اور اس سے ملحقہ علاقوں میں (پنجاب ایل ایس اےمیں)کیے گئے آزادانہ ڈرائیو ٹیسٹ (آئی ڈی ٹی) کے نتائج جاری کیے ہیں۔ اس ٹیسٹ کا مقصد ٹیلی کام خدمات فراہم کرنے والے اداروں (ٹی ایس پیز) کی جانب سے فراہم کی جانے والی موبائل نیٹ ورک خدمات، یعنی وائس اور ڈیٹا، کے معیار کا حقیقی وقت میں جائزہ لینا اور اس کی تصدیق کرنا ہے۔ آئی ڈی ٹی کے دوران ٹرائی خدمات کے معیار سے متعلق اہم پیمانوں، مثلاً نیٹ ورک کوریج، کال ڈراپ کی شرح (سی ڈی آر)، کال شروع ہونے کی کامیابی کی شرح (سی ایس ایس آر)، ڈیٹا پیکٹ ضائع ہونے کی شرح اور ڈیٹا ڈاؤن لوڈ (ڈی ایل) و اپ لوڈ (یو ایل) کی رفتار وغیرہ کے حوالے سے ٹی ایس پیز کی کارکردگی کا جائزہ لیتی ہے۔ ان نتائج کو صارفین کی معلومات کے لیے شائع کیا جاتا ہے تاکہ خدمات فراہم کرنے والے اداروں کو اپنی خدمات بہتر بنانے کی ترغیب دی جاسکے۔

ان آزادانہ ڈرائیو ٹیسٹوں (آئی ڈی ٹی) کو اس طرح ترتیب دیا گیا ہے کہ شہروں، اہم مقامات، عوامی نقل و حمل کے مراکز وغیرہ جیسے مختلف ماحول میں تمام ٹیلی کام خدمات فراہم کرنے والے اداروں (ٹی ایس پیز) کے موبائل نیٹ ورک کی حقیقی کارکردگی کا جائزہ لیا جاسکے۔ اس قسم کی جانچ کے دوران 2جی، 3جی، 4جی اور 5جی نیٹ ورکس پر تمام ٹی ایس پیز کے سم کارڈ استعمال کرتے ہوئے وائس اور ڈیٹا کی براہ راست آزمائشی نشستیں قائم کی جاتی ہیں۔ اس مقصد کے لیے متعدد جدید آزمائشی ہینڈ سیٹس استعمال کیے جاتے ہیں اور جدید سافٹ ویئر نظاموں کے ذریعے ان نشستوں کی حقیقی وقت میں نگرانی اور تجزیہ کیا جاتا ہے۔

ٹرائی نے اپنے مقرر کردہ ادارے کے ذریعے پنجاب ایل ایس اے کے تحت فاضلکا شہر اور اس سے ملحقہ علاقوں میں 5 اگست سے 7 اگست 2026 کے دوران ڈرائیو ٹیسٹ کرائے۔ ان میں شہر کے اندر 184.6 کلومیٹر کا ڈرائیو ٹیسٹ، 1.9 کلومیٹر کا واک ٹیسٹ اور 6 اہم مقامات پر جانچ شامل تھی۔ یہ ٹیسٹ ٹرائی کے علاقائی دفتر، جے پور کی نگرانی میں کیے گئے۔ ڈرائیو ٹیسٹ رپورٹ میں پیش کیے گئے مشاہدات، ٹیسٹ کے دن اور وقت کے دوران زیر جانچ علاقے یا راستے پر ٹی ایس پیز کی کارکردگی کی عکاسی کرتے ہیں۔

ڈرائیو ٹیسٹ کے راستے کا نقشہ: درج ذیل نقشے میں نقشے پر دی گئی علامات کے مطابق شہر کے اندر ڈرائیو ٹیسٹ، مختلف آپریٹروں کے درمیان کالنگ، اہم مقامات اور واک ٹیسٹ کے راستوں کا مجموعی خاکہ پیش کیا گیا ہے۔

 

زیر جائزہ اہم پیمانے

1. کوریج میں فرق: ان نمونوں کا فیصد جن میں متعلقہ ٹیکنالوجی (2جی/3جی/4 جی/5جی) کے لیے مقررہ کم از کم سگنل کی طاقت سے کم سگنل کی طاقت ریکارڈ کی گئی۔

2. وائس خدمات: کال شروع ہونے کی کامیابی کی شرح (سی ایس ایس آر)، کال ڈراپ کی شرح (ڈی سی آر)، کال شروع ہونے میں لگنے والا وقت، کال میں خاموشی کی شرح اور آواز کا معیار (ایم او ایس)۔

3. کال میں خاموشی کے واقعات: کال کے دوران پیش آنے والے خاموشی کے واقعات کی تعداد۔

4. ڈیٹا خدمات: ڈاؤن لوڈ اور اپ لوڈ کی رفتار، تاخیر، اتار چڑھاؤ اور پیکٹ ڈراپ ریٹ۔

پنجاب ایل ایس اے میں فاضلکا شہر اور اس سے ملحقہ علاقوں میں موبائل نیٹ ورک کی مجموعی کارکردگی کے اہم پیمانوں کا خلاصہ درج ذیل ہے:

1. کوریج میں فرق - آٹو سلیکشن موڈ (2جی/3جی/4 جی/5جی) میں ڈرائیو ٹیسٹ کے روٹ پر وائس ٹیسٹنگ کے دوران ریکارڈ کی گئی سگنل کی طاقت کو جانچا گیا۔ اس میں جمع کیے گئے کل نمونوں میں کمزور سگنل کی طاقت والے نمونوں کی تعداد ایئرٹیل کے لیے 178/31329، بی ایس این ایل کے لیے 1575/31183، آر جے آئی ایل کے لیے 295/30439 اور وی آئی ایل کے لیے 820/31163 رہی۔ کوریج میں فرق کی تفصیلات منسلک نقشے میں فراہم کی گئی ہیں۔

2. کال ڈراپ - کامیابی سے قائم کی گئی کالوں کی مجموعی تعداد میں سے ڈراپ ہونے والی کالوں کی تعداد کی بنیاد پر کال ڈراپ کی شرح ایئرٹیل کے لیے 0/279، بی ایس این ایل کے لیے 3/281، آر جے آئی ایل کے لیے 0/278 اور وی آئی ایل کے لیے 3/248 رہی۔ کال ڈراپ کے مقامات کی تفصیلات منسلک نقشے میں فراہم کی گئی ہیں۔

3. کال میں خاموشی کے واقعات - کامیابی سے قائم کی گئی کل کالوں میں 3 سیکنڈ سے زیادہ دیر تک ریکارڈ کیے گئے خاموشی کے واقعات کی مجموعی تعداد ایئرٹیل کے لیے 1/268، بی ایس این ایل کے لیے 4/273، آر جے آئی ایل کے لیے 3/272 اور وی آئی ایل کے لیے 6/272 رہی۔ کال میں خاموشی کے واقعات کے مقامات کی تفصیلات منسلک نقشے میں فراہم کی گئی ہیں۔

4. پیکٹ ضائع ہونے کی شرح (ڈاؤن لنک اور اپ لنک):

1. پیکٹ لاس شرح (ڈاؤن لنک): ڈاؤن لنک میں پیکٹ لاس شرح ایئرٹیل کے لیے 0.33 فیصد، بی ایس این ایل کے لیے 2.68 فیصد، آر جے آئی ایل کے لیے 0.76 فیصد اور وی آئی ایل کے لیے 0.32 فیصد ریکارڈ کی گئی۔

2. پیکٹ لاس شرح (اپ لنک): اپ لنک میں پیکٹ لاس شرح ایئرٹیل کے لیے 0.36 فیصد، بی ایس این ایل کے لیے 2.90 فیصد، آر جے آئی ایل کے لیے 0.42 فیصد اور وی آئی ایل کے لیے 0.43 فیصد ریکارڈ کی گئی۔

5. ڈیٹا ڈاؤن لوڈ اور اپ لوڈ کی رفتار:

3. ڈیٹا ڈاؤن لوڈ کی مجموعی کارکردگی: اوسط ڈاؤن لوڈ رفتار ایئرٹیل (5جی/4جی) کے لیے 204.39 ایم بی پی ایس، بی ایس این ایل (4جی/3جی/2جی) کے لیے 15.59 ایم بی پی ایس، آر جے آئی ایل (5جی/4جی)کے لیے 271.44 ایم بی پی ایس اور وی آئی ایل (5جی/4جی/2جی)کے لیے 17.19 ایم بی پی ایس ریکارڈ کی گئی۔ ڈاؤن لوڈ کی رفتار کی تفصیلات منسلک نقشے میں فراہم کی گئی ہیں۔

4. ڈیٹا اپ لوڈ کی مجموعی کارکردگی: اوسط اپ لوڈ رفتار ایئرٹیل (5جی/4جی) کے لیے 23.52 ایم بی پی ایس، بی ایس این ایل (4جی/3جی/2جی) کے لیے 6.39 ایم بی پی ایس، آر جے آئی ایل (5جی/4جی)کے لیے 20.86 ایم بی پی ایس اور وی آئی ایل (5جی/4جی/2جی) کے لیے 15.10 ایم بی پی ایس ریکارڈ کی گئی۔ اپ لوڈ کی رفتار کی تفصیلات منسلک نقشے میں فراہم کی گئی ہیں۔

ڈراپ ہونے والی کالوں اور کال میں خاموشی کے واقعات کے مقامات منسلک نقشے پر سرخ نقطے پر کلک کرکے دیکھے جا سکتے ہیں۔

آئی ڈی ٹی کے دوران طے کیے گئے ڈرائیو ٹیسٹ روٹ اور زیر احاطہ علاقے کی تفصیلات درج ذیل ہیں: -

شہر: ابوہر، گھلو، کھوئی کھیڑا، بن والا، سریش والا، فاضلکا، چہلا، چک کھیوالی، چمنے والا، چک پکھّی، چک ڈومل، بہمنی والا، جلال آباد، باگھے کے اتر، گھوبھایا، لدھوکا اور تھیہ قلندر وغیرہ، فاضلکا شہر میں۔

اس آئی ڈی ٹی رپورٹ کے نتائج متعلقہ ٹی ایس پیز کے ساتھ شیئر کیے گئے ہیں تاکہ ضرورت پڑنے پر وہ اپنی جانب سے مزید ضروری کارروائی کرسکیں۔ آئی ڈی ٹی کی تفصیلی رپورٹ ٹرائی کی ویب سائٹ پر دستیاب ہے۔ کسی وضاحت یا اضافی معلومات کے لیے جے پور میں ٹرائی کے علاقائی دفتر کو [adv.jaipur@trai.gov.in](mailto:adv.jaipur@trai.gov.in) پر ای میل بھیجا جاسکتا ہے۔ جے پور میں ٹرائی کے علاقائی دفتر سے ٹیلی فون نمبر 0141-2701919 پر بھی رابطہ کیا جاسکتا ہے۔

ضمیمہ دیکھنے کے لیے یہاں کلک کریں۔

*****

ش ح۔ ک ح۔ ج

U. No. 4835

(ریلیز آئی ڈی: 2320890) وزیٹر کاؤنٹر : 2