گوا کے گورنر جناب پسوپتی اشوک گجپتی راجو نے آج گوا اسمبلی کی عمارت کے 25 سال مکمل ہونے کے موقع پر منعقدہ سلور جوبلی تقریب کا افتتاح کیا۔

افتتاحی تقریب سے خطاب کرتے ہوئے لوک سبھا اسپیکر جناب اوم برلا نے زور دیا کہ مضبوط جمہوریت مکالمے، متنوع خیالات اور بامعنی عوامی شراکت داری سے پروان چڑھتی ہیں -انہوں نے کہا کہ قانون ساز ادارے بحث، مکالمے، مباحثے اور متنوع خیالات کے تبادلے کے پلیٹ فارم ہیں۔ انہوں نے کہا کہ جمہوریت اس وقت مزید مضبوط ہوتی ہے، جب اتفاق رائے کے ساتھ ساتھ اختلاف رائے کے لیے بھی جگہ ہو اور قانون سازی کے عمل میں مختلف نقطہ ہائے نظر کو شامل کیا جائے۔ انہوں نے کہا کہ ہندوستان کی جمہوری طاقت مختلف خیالات اور نقطہ ہائے نظر کو اپنے اداروں میں سمو لینے کی صلاحیت پر استوار ہوئی ہے۔

عالمی سطح پر ہندوستان کے بڑھتے ہوئے قد کا ذکر کرتے ہوئے جناب برلا نے کہا کہ ہندوستان کے جمہوری تجربے اور آئینی اقدار سے وابستگی نے دنیا میں ملک کی آواز کو مضبوط کیا ہے۔ وزیر اعظم جناب نریندر مودی کی قیادت میں ہندوستان ’وسودھیو کٹم بکم‘ کی تہذیبی اقدار کو اپناتے ہوئے عالمی چیلنجوں کے حل تلاش کرنے میں اپنا کردار ادا کر رہا ہے۔ انہوں نے کہا کہ جمہوریت کی طاقت کا حقیقی اظہار اس بات سے ہونا چاہئے کہ عوام کی توقعات اور امنگوں کو پالیسیوں، قوانین اور موثر حکمرانی میں کس طرح تبدیل کیا جاتا ہے۔ انہوں نے گوا جیسی چھوٹی ریاستوں میں منتخب نمائندوں کی خصوصی ذمہ داری کو بھی اجاگر کیا، جہاں نمائندوں اور شہریوں کے درمیان براہ راست مکالمہ ہوتا ہے۔ انہوں نے عوامی نمائندوں پر زور دیا کہ وہ اپنے ووٹروں کی امنگوں، مشکلات اور چیلنجوں کے تئیں حساس رہیں اور ان کے بروقت حل کے لیے کام کریں۔

ٹیکنالوجی قانون سازی کے عمل سے متعلق عوامی سمجھ بوجھ کو نمایاں طور پر بہتر بنا سکتی ہے، کیونکہ اس کے ذریعے شہری ضابطے، قوانین، پالیسیوں، قانون ساز مباحثوں اور کمیٹیوں کے کام سے متعلق معلومات تک رسائی حاصل کر سکتے ہیں۔ لوک سبھا اسپیکر نے مزید شفافیت اور آسان رسائی کی ضرورت پر زور دیا، جس سے قانون ساز اداروں اور عوام کے درمیان تعلق مزید مضبوط ہو سکتا ہے۔ جناب برلا نے ریاستی قانون ساز اداروں کے درمیان اختراعات  کواپنانے میں صحت مند مسابقت کی ضرورت پر زور دیتے ہوئے کہا کہ قانون ساز اداروں کو ایک دوسرے سے سیکھنا چاہئے اور ٹیکنالوجی، قانون سازی کے طریقہ کار اور ادارہ جاتی اصلاحات جیسے شعبوں میں بہترین طور طریقوں کا تبادلہ کرنا چاہئے۔ انہوں نے کہا کہ مقصد قانون ساز اداروں کے درمیان ’ صحت مند مسابقت‘پیدا کرنا ہونا چاہئے، تاکہ جمہوری اداروں کو مضبوط بنایا جا سکے۔

لوک سبھا اسپیکر نے جمہوری اداروں میں نوجوانوں کی زیادہ سے زیادہ شمولیت پر بھی زور دیا۔ انہوں نے کہا کہ ہندوستان کے نوجوان ٹیکنالوجی، تعلیم، تحقیق اور اختراع کے میدان میں سب سے آگے ہیں اور قانون سازی کے عمل میں ان کی شرکت بہتر پالیسیوں اور قوانین کی تشکیل میں معاون ثابت ہوگی۔ انہوں نے گوا قانون ساز اسمبلی کی جانب سے چار روزہ پروگرام منعقد کرنے کی پہل کا خیرمقدم کیا، جس میں گوا کی تحریک آزادی کی تاریخ اور ریاست کے قانون سازی کے سفر کو اجاگر کیا جائے گا۔ انہوں نے کہا کہ اس طرح کے اقدامات نوجوانوں کو قانون ساز اداروں سے جوڑنے اور جمہوری عمل کے بارے میں ان کی سمجھ کو بہتر بنانے میں مددگار ثابت ہوں گے۔

جناب برلا نے کہا کہ گوا کی ایک منفرد شناخت ہے، جو نہ صرف اپنی قدرتی خوبصورتی، ساحلی علاقے اور مالا مال ثقافتی ورثے کے لیے مشہور ہے بلکہ اپنے ہم آہنگ طرز زندگی کے لیے بھی جانی جاتی ہے۔ انہوں نے گزشتہ 25 برسوں کے دوران ریاست کی سماجی و اقتصادی ترقی میں تعاون دینے والے موجودہ اور سابق وزرائے اعلیٰ، اسپیکروں، وزرا، ارکان پارلیمنٹ اور گوا قانون ساز اسمبلی کے ارکان کو مبارکباد دی۔ انہوں نے ان تمام منتخب نمائندوں کے تعاون کو بھی تسلیم کیا، جنہوں نے اپنی بحث، خیالات اور قانون سازی سے متعلق اقدامات کے ذریعے اسمبلی کےعزت و وقار کو مضبوط کیا ہے۔جناب برلا نے کہا کہ گوا کا ترقیاتی سفر منفرد رہا ہے، کیونکہ ریاست کو اپنے مالا مال ورثے اور قدرتی ماحول کے تحفظ کے ساتھ ساتھ صنعت، تجارت، سیاحت اور تعلیم کو بھی بیک وقت فروغ دینا پڑا۔ انہوں نے کہا کہ اس توازن کو برقرار رکھنا ایک چیلنجنگ لیکن اہم ذمہ داری رہی ہے۔ انہوں نے کہا کہ گوا نے آج سیاحت، صنعت اور تعلیم کے شعبوں میں اپنی ایک منفرد شناخت قائم کی  ہے اور ساتھ ہی اپنے عوام کے وقار اور بہترمعیار زندگی کو بھی برقرار رکھا ہے۔ انہوں نے یکے بعد دیگرے آنے والی حکومتوں اور منتخب نمائندوں کی کوششوں کو سراہا، جنہوں نے پالیسیوں، قانون سازی اور عوامی مفاد پر مبنی اقدامات کے ذریعے اس سفر میں اپنا تعاون دیا ہے۔

جناب برلا نے کہا کہ سلور جوبلی محض اسمبلی کی گزشتہ 25 برسوں کی کامیابیوں کا جشن منانے کا موقع نہیں ہونا چاہئے، بلکہ اسے اگلے 25 برسوں کے لیے مستقبل کا تصور پیش کرنے کا موقع بھی بننا چاہئے۔ انہوں نے گوا قانون ساز اسمبلی پر زور دیا کہ وہ وکست بھارت کے وژن سے ہم آہنگ مستقبل کے لیے ایک روڈ میپ تیار کرے، جس میں شہریوں، نوجوانوں اور خواتین کی زیادہ سے زیادہ شمولیت ہو۔ انہوں نے کہا کہ ہر شہری، خصوصاً آخری صف میں موجود شخص کو یہ محسوس ہونا چاہئے کہ قانون ساز اسمبلی ایک ایسا فورم ہے جو اس کی امنگوں اور توقعات کی نمائندگی کرتا ہے اور ان کا جواب دیتا ہے۔انہوں نے زور دیا کہ اگلے 25 برسوں میں جمہوری اداروں کو مزید مضبوط، زیادہ قابل رسائی، جواب دہ، عوامی ضروریات کے تئیں حساس اور نتائج پر مبنی بنانے پر توجہ مرکوز کی جانی چاہئے۔ انہوں نے کہا کہ قانون ساز اداروں کے کام کاج میں عوام کی زیادہ سے زیادہ شمولیت سے جمہوری ادارے شہریوں کے تئیں مزید جواب دہ اور ذمہ دار بنیں گے۔

موجودہ عمارت میں 25 برس مکمل کرنے پر گوا قانون ساز اسمبلی کو مبارکباد پیش کرتے ہوئے جناب برلا نے اعتماد ظاہر کیا کہ اسمبلی ریاست کی منفرد ثقافت، ورثے اور قدرتی ماحول کے تحفظ کے ساتھ ساتھ گوا کی اقتصادی اور سماجی ترقی میں اپنا تعاون جاری رکھے گی۔ انہوں نے گوا کی ترقی اور ریاست کے جمہوری اداروں کو مضبوط بنانے میں تعاون دینے والے تمام موجودہ اور سابق ارکان، اسپیکروں، وزرائے اعلیٰ اور دیگر عوامی نمائندوں کو مبارکباد پیش کی۔

اس موقع پر جناب برلا نے گوا قانون ساز اسمبلی اور سیکریٹریٹ کی عمارت سے متعلق ’ ’کسٹمائزڈ مائی اسٹیمپ اینڈ اسپیشل کور ود اسپیشل کینسلیشن‘‘جاری کیا اور ممتاز شخصیات کو بھی اعزاز سے نوازا۔

گوا کے وزیر اعلیٰ جناب پرمود ساونت، گوا قانون ساز اسمبلی کے اسپیکر ڈاکٹر گنیش گوانکر، گواحکومت میں قانون ساز امور  کے وزیرجناب موون گوڈینو، گوا قانون ساز اسمبلی میں قائد حزب اختلاف جناب یوری الیماو اور دیگر معززین نے بھی اس موقع پر خطاب کیا۔

گوا قانون ساز اسمبلی کے اسپیکر ڈاکٹر گنیش گوانکر نے استقبالیہ خطاب کیا، جبکہ گوا قانون ساز اسمبلی کے ڈپٹی اسپیکر جناب جوشوا پیٹر ڈی سوزا نے اظہار تشکر پیش کیا۔

Goa Assembly Complex, Porvorim के 25 वर्ष पूर्ण होने के उपलक्ष्य में आयोजित ‘Silver Jubilee Celebration’ कार्यक्रम के लिए गोवा पहुँचने पर एयरपोर्ट पर गोवा विधान सभा के अध्यक्ष @DrGaneshGaonkar जी, उपाध्यक्ष श्री @Joshua_De_Souza जी एवं राज्य के मंत्री श्री @MauvinGodinho द्वारा भावपूर्ण स्वागत किया गया। #GoaLegislativeAssembly

— Om Birla (@ombirlakota) October 6, 2026

Goa Assembly Complex, Porvorim के 25 वर्ष पूर्ण होने के उपलक्ष्य में आयोजित ‘Silver Jubilee Celebration’ के उद्घाटन समारोह को संबोधित करना अत्यंत सुखद रहा। गोवा की प्राकृतिक सुंदरता, समृद्ध संस्कृति और जीवंत परंपराओं के साथ-साथ इसकी लोकतांत्रिक यात्रा भी प्रेरणादायी है। पिछले 25 वर्षों में यह Assembly Complex गोवा के विकास और लोकतांत्रिक यात्रा के अनेक महत्वपूर्ण अध्यायों का साक्षी रहा है। उद्योग, व्यापार, पर्यटन के विकास के साथ गोवा की विरासत और प्राकृतिक व्यवस्था का संरक्षण इस राज्य के लिए चुनौती है, मगर यह सराहनीय है कि गोवा ने सभी पक्षों को ध्यान में रखकर प्रगति की है। मेरा मानना है कि technology के बढ़ते उपयोग से लोकतंत्र लगातार मजबूत हो रहा है, जवाबदेही और पारदर्शिता बढ़ रही है। इस अवसर पर सभी राज्यों के विधानमंडलों का आह्वान किया कि आपस में एक-दूसरे की best practices से सीखें, उन्हें अपनाएं। परस्पर प्रतिस्पर्धा हो कि किस तरह टेक्नोलॉजी के उपयोग और नवाचारों से लोकतांत्रिक व्यवस्था को और अधिक सशक्त बनाया जा सकता है। युवाओं का आह्वान किया कि हमारे Democratic Institutions से जुड़ें, policy making में अपना इनपुट दें; ताकि विधायी संस्थाएं अधिक सशक्त हो, अधिक प्रभावी क़ानूनों का निर्माण हो सकें। इसके लिए गोवा सहित संपूर्ण देश के विधानमंडल ऐसा रोडमैप बनाएं, ताकि लोकतांत्रिक संस्थाओं में जनभागीदारी अधिक से अधिक हो सकें। निश्चित ही, गोवा विधायी परिसर की रजत जयंती का यह अवसर इस खूबसूरत प्रदेश को अपने गौरवशाली इतिहास से सीखने, उससे प्रेरणा लेने और विकास की नई दिशा में आगे बढ़ने का अवसर प्रदान करेगा। आने वाले समय में ‘विकसित भारत’ और ‘विकसित गोवा’ के संकल्प को साकार करने की राह हमारे विधायी सदनों के सशक्तिकरण और उन्हें अधिक जनोन्मुख बनाने से प्रशस्त होगी। #GoaLegislativeAssembly

— Om Birla (@ombirlakota) October 6, 2026

****

ش ح ۔م ع ن۔  ف ر

U. No.4739

(ریلیز آئی ڈی: 2319933) وزیٹر کاؤنٹر : 9