ایک تاریخی پیش رفت کے طور پر، مرکز زیر انتظام علاقہ جموں و کشمیر (یو ٹی) میں دو معدنی بلاک کو حکومت ہند کی وزارت کان کنی کے ذریعے مرکزی حکومت کے معدنی نیلامی کے عمل کے تحت کامیابی کے ساتھ نیلام کیا گیا ہے۔ کامیاب نیلامی جموں و کشمیر کی معدنی صلاحیت سے استفادہ کرنے اور مرکز کے زیر انتظام علاقے میں منظم معدنی ترقی کے ایک نئے مرحلے کے آغاز کی جانب ایک اہم قدم ہے۔

یہ پیش رفت ایسے وقت میں ہوئی ہے جب دفعہ 370 کی منسوخی کے بعد جموں و کشمیر میں بنیادی ڈھانچے، سرمایہ کاری اور اقتصادی ترقی پر زیادہ توجہ دی جا رہی ہے۔ ان معدنی بلاکس کی نیلامی نے منظم طریقے سے مرکز کے زیر انتظام علاقے کے معدنی وسائل کی کھوج اور ترقی کو ممکن بنا کر اس ترقیاتی سفر میں ایک نئی جہت کا اضافہ کیا ہے۔

حکومت جموں و کشمیر (یو ٹی) نے معدنی بلاک کی نیلامی کی ذمہ داری حکومت ہند کی وزارت کان کنی کو سونپی تھی۔ نیلامی کی کامیاب تکمیل معدنی وسائل کی منظم ترقی کے لیے شفاف اور مسابقتی معدنی نیلامی کے عمل کے استعمال کی عکاسی کرتی ہے۔

بلاکس کی تفصیلات

کوٹ–کپرن لائم اسٹون بلاک، اننت ناگ

اننت ناگ ضلع کی دورو تحصیل کے کوٹ اور کپرن گاؤں میں واقع کوٹ–کپرن لائم اسٹون بلاک 22.43 ہیکٹیئر رقبے پر محیط ہے اور اس میں 4.75 ملین ٹن چونے کے پتھر کے تخمینی وسائل موجود ہیں۔ اس بلاک کی G-4 مرحلے تک کھوج کی جا چکی ہے، جس سے مزید تفصیلی کھوج اور ترقی کی گنجائش موجود ہے۔

وان ترگ لائم اسٹون بلاک، اننت ناگ

وان ترگ لائم اسٹون بلاک 5.36 ہیکٹیئر رقبے پر محیط ہے اور اس میں 10.853 ملین ٹن چونے کے پتھر کے تخمینی وسائل موجود ہیں۔ اس بلاک کی جی-3 مرحلے تک کھوج کی جا چکی ہے، جس میں 159 میٹر ڈرلنگ بھی شامل ہے، جو مزید کھوج اور ترقی کے لیے ایک اہم ارضیاتی بنیاد فراہم کرتی ہے۔

ان دونوں چونے کے پتھر کے بلاک کی نیلامی سے مرکز کے زیر انتظام علاقے میں نئی سرمایہ کاری اور اقتصادی سرگرمیوں کو فروغ ملنے کی توقع ہے۔ کان کنی اور اس سے متعلقہ سرگرمیوں کے فروغ کے ساتھ براہِ راست اور بالواسطہ روزگار کے بڑی تعداد میں مواقع پیدا ہونے اور مقامی کاروباروں، کاروباری افراد، خدمات فراہم کرنے والوں اور متعلقہ صنعتوں کے لیے نئے امکانات پیدا ہونے کی توقع ہے۔

معدنی شعبے کی ترقی جموں و کشمیر کے معدنی وسائل سے زیادہ قدر پیدا کرنے اور ابھرتے ہوئے کان کنی کے ماحولیاتی نظام میں مقامی شراکت کے لیے نئے مواقع پیدا کرنے میں بھی معاون ثابت ہوگی۔ یہ وکست جموں و کشمیر کی اقتصادی بنیادوں کو مضبوط بنانے کی جانب ایک اور قدم ہے۔

وزارت کان کنی حکومت جموں و کشمیر کے ساتھ تال میل میں کام جاری رکھے گی تاکہ مرکز کے زیر انتظام علاقے کے معدنی وسائل کی شفاف، پائیدار اور ذمہ دارانہ ترقی کو آسان بنایا جا سکے۔

************

 

ش ح۔ ف ش ع

                                                                                                                                       U: 4552 

(ریلیز آئی ڈی: 2318437) وزیٹر کاؤنٹر : 10