محکمۂ خوراک و عوامی تقسیم (ڈی ایف پی ڈی) اور اس کے ماتحت دفاتر و سرکاری شعبے کے ادارے ’’زیرِ التوا معاملات کے نمٹارے کے لیے خصوصی مہم 6‘‘ چلا رہے ہیں، جس کا مرکزی موضوع ’’صفائی کو ادارہ جاتی شکل دینا اور زیرِ التوا معاملات میں کمی لانا‘‘ ہے۔

اس مہم کا مقصد صفائی، ریکارڈ کے مؤثر انتظام، شکایات کے ازالے، ناکارہ اشیا بشمول ای-ویسٹ کو ٹھکانے لگانے اور دفتری امور کو مزید منظم بنانا ہے، تاکہ مؤثر اور شہری مرکوز حکمرانی کو فروغ دیا جاسکے۔

صفائی مہم کے تحت محکمہ اور اس کے دفاتر میں 949 مقامات کی صفائی کے لیے نشان دہی کی گئی ہے۔ محکمہ ناکارہ اشیا، بشمول ای-ویسٹ، کی نشان دہی اور انہیں ٹھکانے لگانے کا کام بھی انجام دے رہا ہے، تاکہ جگہ کا بہتر استعمال یقینی بنایا جاسکے اور آمدنی حاصل کی جاسکے۔

زیرِ التوا معاملات میں کمی لانے کی مشق کے ایک حصے کے طور پر، ڈی او ایف اینڈ پی ڈی نے فوری طور پر نمٹائے جانے کے لیے ممبرانِ پارلیمنٹ کی جانب سے 13 حوالہ جات، 691 عوامی شکایات، ریاستی حکومتوں کے 5 حوالہ جات اور عوامی شکایات سے متعلق 17 اپیلوں کی نشان دہی کی ہے۔

ریکارڈ کے جامع انتظام کی مشق بھی جاری ہے۔ جائزے کے لیے 31,117 فزیکل فائلوں اور 13,058 ای-فائلوں کی نشان دہی کی گئی ہے، جن میں سے 3,875 غیر ضروری فائلوں کا پہلے ہی جائزہ لیا جاچکا ہے اور انہیں تلف کرنے کے لیے نشان زد کردیا گیا ہے۔

اس وقت مہم کے تحت وزیر اعظم کے دفتر (پی ایم او) کے کوئی زیرِ التوا حوالہ جات، قواعد و ضوابط/عمل کو آسان بنانے سے متعلق کوئی زیرِ التوا معاملات یا بین الوزارتی حوالہ جات موجود نہیں ہیں۔ تاہم، نئے معاملات سامنے آنے کی صورت میں ان شعبوں کی مسلسل نگرانی کی جارہی ہے۔

محکمہ خصوصی مہم 6 کے تحت تمام اہداف کو مقررہ مدت کے اندر حاصل کرنے اور اپنے دفاتر میں کارکردگی، صفائی اور بہتر حکمرانی کو مزید مستحکم کرنے کے لیے پُرعزم ہے۔

 

******

ش ح۔ م ش ۔ م ر

U-NO. 4524

(ریلیز آئی ڈی: 2318218) وزیٹر کاؤنٹر : 9