પર્યાવરણ, વન અને આબોહવા પરિવર્તન મંત્રાલય (MoEFCC) એ સરકારી કચેરીઓમાં સ્વચ્છતાને સંસ્થાકીય બનાવવા અને પેન્ડન્સી ઘટાડવાના ઉદ્દેશ્યો સાથે, 02.10.2026 થી 31.10.2026 દરમિયાન ઉજવવામાં આવી રહેલા ખાસ ઝુંબેશ 6ના અમલીકરણ તબક્કાની આજે શરૂઆત કરી છે. આ ઝુંબેશ મંત્રાલયમાં, તેની અધિનસ્થ કચેરીઓ, સ્વાયત્ત સંસ્થાઓ, પ્રાદેશિક કચેરીઓ અને અન્ય ક્ષેત્રીય અને આઉટસ્ટેશન કચેરીઓ સહિત હાથ ધરવામાં આવી રહી છે, જેમાં જાહેર ઈન્ટરફેસ ધરાવતી અથવા જાહેર સેવાઓ પૂરી પાડતી કચેરીઓ પર ખાસ ભાર મૂકવામાં આવ્યો છે.

વિશેષ ઝુંબેશ 6 અડમિનિસ્ટ્રેટિવ રિફોર્મ્સ એન્ડ પબ્લિક ગ્રીવન્સીસ વિભાગ (DARPG)ની માર્ગદર્શિકા અનુસાર હાથ ધરવામાં આવી રહી છે. આ વર્ષના અભિયાન અંતર્ગત ઝુંબેશના સ્થળોની સ્વચ્છતા, પડતર બાબતોનો નિકાલ, રેકોર્ડ મેનેજમેન્ટ, સ્પેસ મેનેજમેન્ટ, પ્રક્રિયાઓનું સરળીકરણ અને બિનજરૂરી વસ્તુઓ તથા ફર્નિચરના નિકાલ સાથે "ઈ-વેસ્ટના અસરકારક એકત્રીકરણ, પૃથક્કરણ અને નિકાલ" પર ધ્યાન કેન્દ્રિત કરે છે.

મંત્રાલયે તેની તમામ સંસ્થાઓ અને કચેરીઓને ઈ-વેસ્ટના વૈજ્ઞાનિક નિકાલ માટેની ઝુંબેશની માર્ગદર્શિકા અને સ્ટાન્ડર્ડ ઓપરેટિંગ પ્રોસિજર (SOP)ની પણ જાણ કરી છે.

તૈયારીના તબક્કાના ભાગરૂપે, MoEFCC એ સ્વચ્છતા, પેન્ડન્સી નિવારણ અને રેકોર્ડ મેનેજમેન્ટ સહિતના વિવિધ પરિમાણો હેઠળ લક્ષ્યાંકો નિર્ધારિત કર્યા છે. લક્ષ્યાંકોમાં સમાવેશ થાય છે.

સંસ્થાઓ અને કચેરીઓ દ્વારા ઓળખવામાં આવેલા ઈ-વેસ્ટની પ્રક્રિયા લાગુ નિયમો અને DARPG દ્વારા આખરી કરવામાં આવેલ SOP માર્ગદર્શિકા અનુસાર કરવામાં આવશે.

વિશેષ ઝુંબેશ 6નો અમલીકરણ તબક્કો તમામ અધિનસ્થ કચેરીઓ, સ્વાયત્ત સંસ્થાઓ અને પ્રાદેશિક કચેરીઓમાં પણ શરૂ થઈ ગયો છે. પ્રવૃત્તિઓનું સંકલન અને નિરીક્ષણ કરવા, સમયસર રિપોર્ટિંગ સુનિશ્ચિત કરવા અને નિર્ધારિત લક્ષ્યાંકોની પ્રાપ્તિને સરળ બનાવવા માટે નોડલ અધિકારીઓની નિમણૂક કરવામાં આવી છે. મંત્રાલય DARPGના સ્પેશિયલ કેમ્પેઈન ફોર ડિસ્પોઝલ ઓફ પેન્ડિંગ મેટર્સ (SCDPM) પોર્ટલ દ્વારા પ્રગતિનું નિરીક્ષણ કરવાનું ચાલુ રાખશે, જેને આ તબક્કા દરમિયાન નિયમિતપણે અપડેટ કરવામાં આવશે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad