کوئلہ کی وزارت  میں آج سوچھتا ہی سیوا 2026 اور خصوصی مہم 6 کے تحت متعدد سرگرمیوں کا انعقاد کیا گیا، جس کے باعث یہ دن سرگرمیوں سے بھرپور اور بامعنی رہا۔ ان سرگرمیوں میں صفائی، ماحولیاتی ذمہ داری اور کمیونٹی کی فلاح و بہبود کے موضوعات کو یکجا کیا گیا۔ کوئلے کی وزارت کے سکریٹری جناب وکرم دیو دت، ایڈیشنل سکریٹری جناب سنوج کمار جھا اور ایڈیشنل سکریٹری محترمہ روپندر برار نے وزارت کے سینئر افسران اور اہلکاروں کے ساتھ ان سرگرمیوں میں حصہ لیا۔

دن کا آغاز جی پی او اے-3 کی مرکزی داخلی لابی میں کوئلے کی وزارت کے سکریٹری جناب وکرم دیو دت کے ذریعے ای-کچرا کیوسک کے افتتاح سے ہوا۔ یہ کیوسک ای-کچرا جمع کرنے میں سہولت فراہم کرے گا اور 31 اکتوبر 2026 تک فعال رہے گا۔ اس سے الیکٹرانک کچرے کو ذمہ دارانہ طریقے سے ٹھکانے لگانے کی حوصلہ افزائی ہوگی اور کچرے کے پائیدار انتظام کے طریقوں کے بارے میں بیداری کو فروغ ملے گا۔

افتتاح کے بعد میٹرو ایگزٹ گیٹ اور جی پی او اے-3 کے داخلی گیٹ کے قریب سروس روڈ کے ساتھ "ایک دن، ایک ساتھ، ایک گھنٹہ" صفائی مہم چلائی گئی۔ سینئر افسران اور اہلکاروں نے اس مہم میں فعال طور پر حصہ لیا، جس سے اس پیغام کو تقویت ملی کہ صفائی ایک اجتماعی ذمہ داری ہے اور اس کے لیے مسلسل شرکت ضروری ہے۔

اس دن کی سرگرمیوں میں انسانی خدمت کا پہلو شامل کرتے ہوئے جی پی او اے-3 کے داخلی دروازے کے قریب خون کے عطیہ کا کیمپ بھی لگایا گیا۔ افسران اور اہلکاروں نے کیمپ میں حصہ لیا اور ہمدردی، سماجی خدمت اور سماجی ذمہ داری کے جذبے کا مظاہرہ کرتے ہوئے خون کے عطیہ کے نیک مقصد میں تعاون کیا۔

وزارت کی سینئر قیادت، افسران اور اہلکاروں کی فعال شرکت نے سوچھتا ہی سیوا 2026 اور خصوصی مہم 6 کے مقاصد کو مزید تقویت دی۔ ان اقدامات کے ذریعے ماحولیاتی بیداری، صفائی اور کمیونٹی کی فلاح و بہبود کو یکجا کیا گیا اور اجتماعی ذمہ داری کے جذبے کو بامعنی عمل میں تبدیل کیا گیا۔

اس دن کی سرگرمیاں اجتماعی شرکت اور ذمہ دارانہ شہری رویے کے جذبے کی عکاسی کرتی ہیں، جہاں افسران اور اہلکار صفائی ستھرائی، ماحولیاتی پائیداری اور کمیونٹی کی فلاح و بہبود میں اپنا تعاون دینے کے لیے ایک ساتھ آئے۔ سوچھتا ہی سیوا 2026 اور خصوصی مہم 6 کے تحت کیے گئے اقدامات صفائی، پائیداری اور سماجی ذمہ داری کے کلچر کو فروغ دینے کے لیے کوئلے کی وزارت کے عزم کی عکاسی کرتے ہیں اور ایک صاف ستھرے، سرسبز اور صحت مند ہندوستان کے لیے مسلسل اقدامات کی ترغیب دیتے ہیں۔

***

 

 

UR-4497

(ش ح۔اس ک  )

 

 

(ریلیز آئی ڈی: 2318004) وزیٹر کاؤنٹر : 13