خصوصی مہم 6 کے تحت مرکزی وزیر کوئلہ و کانکنی جناب جی کشن ریڈی نے کول انڈیا لمیٹڈ (سی آئی ایل) کی خصوصی مہم 6 کے لیے تیاریوں اور پیش رفت کا جائزہ لیا۔ اس موقع پر کوئلہ سکریٹری، کول انڈیا لمیٹڈ کے چیئرمین، ذیلی کمپنیوں کے سی ایم ڈیز اور دیگر سینئر افسران بھی موجود تھے۔ اس مہم کا مقصد صفائی ستھرائی کو ادارہ جاتی شکل دینا اور زیر التوا معاملات کو نمٹانا ہے، جبکہ ’فضلہ سے دولت‘ اور ’ای-فضلہ کے انتظام‘ پر خصوصی توجہ دی جا رہی ہے۔

اہم نکات اور تیاری کے اقدامات

صفائی ستھرائی کے بارے میں بیداری کو فروغ دینا: ساؤتھ ایسٹرن کول فیلڈز لمیٹڈ (ایس ای سی ایل)

 

صفائی کے لیے مقامات کی نشاندہی: کوئلہ کی وزارت نے کول انڈیا لمیٹڈ اور کوئلہ کے شعبہ کی تمام سرکاری کمپنیوں کے ساتھ مل کر خصوصی مہم 6 کے تحت صفائی کے لیے 1,565 مقامات کی نشاندہی کی ہے۔ ان مقامات پر صفائی کا کام 2 اکتوبر سے 31 اکتوبر تک کیا جائے گا۔

فائلوں کا انتظام: انتظامی کارکردگی بہتر بنانے اور ریکارڈ تک فوری رسائی کو یقینی بنانے کے لیے 19,499 فزیکل فائلوں اور 40,094 ای-فائلوں کے جائزے کے لیے نشاندہی کی گئی ہے۔

کوئلہ کی وزارت خصوصی مہم 6 کے تحت مقررہ مدت میں تمام اہداف حاصل کرنے کے لیے پوری طرح تیار ہے، جس سے مؤثر حکمرانی اور شفافیت کے حکومت کے عزم کو مزید تقویت ملے گی۔

*****

ش ح – ظ الف –ش  ہ ب

UR No. 4413

(ریلیز آئی ڈی: 2317468) وزیٹر کاؤنٹر : 4