યુવા બાબતો અને રમતગમત મંત્રાલય હેઠળનો યુવા બાબતોનો વિભાગ 2 થી 31 ઓક્ટોબર 2026 દરમિયાન સ્પેશિયલ કેમ્પેઇન 6.0 હાથ ધરવા માટે સજ્જ થઈ રહ્યો છે. સરકારી કચેરીઓમાં સ્વચ્છતાને સંસ્થાકીય બનાવવાનો, પડતર બાબતો ઘટાડવાનો, રેકોર્ડ મેનેજમેન્ટને મજબૂત કરવાનો, ઇ-કચરાના જવાબદાર નિકાલને પ્રોત્સાહન આપવાનો અને ઓફિસ સ્પેસનો મહત્તમ ઉપયોગ સુનિશ્ચિત કરવાના ઉદ્દેશ્ય સાથે 2021 થી વાર્ષિક ધોરણે પડતર બાબતોના નિકાલ માટે સ્પેશિયલ કેમ્પેઇનનું આયોજન કરવામાં આવે છે.

સ્પેશિયલ કેમ્પેઇન 6.0 "ઇ-કચરાના અસરોકારક સંગ્રહ, પૃથક્કરણ અને નિકાલ" પર વિશેષ ભાર મૂકશે. આ ઝુંબેશ બે તબક્કામાં હાથ ધરવામાં આવી રહી છે, જેમાં 15 થી 30 સપ્ટેમ્બર 2026 સુધી પ્રારંભિક તબક્કો, અને ત્યારબાદ 2 થી 31 ઓક્ટોબર 2026 સુધી અમલીકરણ તબક્કો રહેશે.

પ્રારંભિક તબક્કા દરમિયાન, વિભાગ પ્રધાનમંત્રી કાર્યાલય (PMO), VIPs, રાજ્ય સરકારો તરફથી મળેલા પડતર સંદર્ભો અને સંસદની ખાતરીઓ સંબંધિત બાબતોની ઓળખ કરી રહ્યો છે. વિભાગ નકામી સામગ્રીના જથ્થાનું પણ આંકલન કરી રહ્યો છે જેનો નિકાલ કરવાનો છે અને તેના નિકાલ માટેની પ્રક્રિયાઓને અંતિમ સ્વરૂપ આપી રહ્યો છે. ઝુંબેશના મુખ્ય ધ્યાન સાથે સુસંગત રહીને, પર્યાવરણ, વન અને આબોહવા પરિવર્તન મંત્રાલય (MoEFCC) ની માર્ગદર્શિકા અનુસાર ઇ-કચરાના અસરોકારક સંગ્રહ અને પૃથક્કરણ માટેના પગલાં પણ લેવામાં આવી રહ્યા છે, જેમાં અમલીકરણ તબક્કા માટેના લક્ષ્યોને અંતિમ સ્વરૂપ આપવામાં આવી રહ્યું છે.

પ્રારંભિક તબક્કો વિભાગ અને તેની સંસ્થાઓમાં રેકોર્ડ મેનેજમેન્ટ અને સ્પેસ મેનેજમેન્ટ પદ્ધતિઓને મજબૂત કરવા પર પણ ધ્યાન કેન્દ્રિત કરી રહ્યો છે. આ પગલાંનો ઉદ્દેશ્ય નકામી સામગ્રીનો પદ્ધતિસરનો નિકાલ, ઉપલબ્ધ ઓફિસ સ્પેસનો કાર્યક્ષમ ઉપયોગ અને સ્વચ્છતા તથા સંસાધન સંચાલન સંબંધિત સંસ્થાકીય પદ્ધતિઓને મજબૂત કરવાનો છે.

વિભાગે અસરકારક ઇ-કચરા વ્યવસ્થાપન અને રેકોર્ડના ડિજિટાઇઝેશન તરફ અગાઉથી જ પગલાં લીધાં છે. શાસ્ત્રી ભવનમાંથી નીકળેલા ઇ-કચરાનું ડિસેમ્બર 2025 માં હરાજી કરવામાં આવ્યું હતું, જેનાથી ₹2,35,100 ની આવક થઈ હતી. વધુમાં, ભૌતિક ફાઇલો અને રેકોર્ડ્સનું સ્કેનિંગ અને ડિજિટાઇઝેશન જાન્યુઆરી 2026 માં પૂર્ણ કરવામાં આવ્યું હતું.

અગાઉના વર્ષોની સિદ્ધિઓને આગળ ધપાવતા, યુવા બાબતોનો વિભાગ, તેની જોડાયેલી ઓફિસ, ક્ષેત્રીય કચેરીઓ સહિતની ગૌણ કચેરીઓ અને સ્વાયત્ત સંસ્થા સાથે, સ્પેશિયલ કેમ્પેઇન 6.0 ને રોલ આઉટ કરવા માટે સંપૂર્ણ રીતે સજ્જ છે. વિભાગ સ્વચ્છતા પદ્ધતિઓને મજબૂત કરવા, પડતર બાબતો ઘટાડવા, રેકોર્ડ અને સ્પેસ મેનેજમેન્ટમાં સુધારો કરવા અને ઇ-કચરાના જવાબદાર વ્યવસ્થાપન અને નિકાલને સુનિશ્ચિત કરવા માટે કટિબદ્ધ રહે છે.

SM/DK/JD

(રીલીઝ આઈડી: 2317184) મુલાકાતી સંખ્યા : 17