માર્ગ વાહનવ્યવહાર અને રાજમાર્ગ મંત્રાલય (MoRTH) 2 થી 31 ઓક્ટોબર 2026 દરમિયાન વિશેષ ઝુંબેશ 6.0 હાથ ધરશે, જેમાં રાષ્ટ્રીય રાજમાર્ગો (NHs) અને ટોલ પ્લાઝાની સ્વચ્છતા અને જાળવણીમાં સુધારો કરવા પર ખાસ ધ્યાન આપવામાં આવશે. આ ઝુંબેશ મંત્રાલયના વહીવટી નિયંત્રણ હેઠળની સંસ્થાઓમાં બાકી કામગીરી ઘટાડવા, રેકોર્ડ મેનેજમેન્ટ મજબૂત કરવા, ઈ-કચરાના જવાબદાર નિકાલને પ્રોત્સાહન આપવા અને ઓફિસ જગ્યાનો શ્રેષ્ઠ ઉપયોગ સુનિશ્ચિત કરવા પર પણ ધ્યાન કેન્દ્રિત કરશે.

આ ઝુંબેશ બે તબક્કામાં અમલમાં મૂકવામાં આવી રહી છે. 15 થી 30 સપ્ટેમ્બર 2026 દરમિયાન હાથ ધરવામાં આવી રહેલ પ્રારંભિક તબક્કો, સ્વચ્છતા ડ્રાઇવ માટેના લક્ષ્યાંકોની ઓળખ અને પ્રારંભિક પ્રવૃત્તિઓ, બિન-ઉપયોગી વસ્તુઓનો નિકાલ અને 2 ઓક્ટોબર 2026 થી શરૂ થતા મુખ્ય ઝુંબેશના સમયગાળા દરમિયાન હાથ ધરવામાં આવનાર અન્ય પ્રવૃત્તિઓ પર ધ્યાન કેન્દ્રિત કરે છે.

વિશેષ ઝુંબેશ 6.0 હેઠળ, રાષ્ટ્રીય રાજમાર્ગો પર ખાસ કરીને શહેરી વિસ્તારોમાં કચરો હટાવવા; ટોલ પ્લાઝા અને NHs પર અન્ય સ્થળોએ શૌચાલય બ્લોક્સનું નવીનીકરણ; કાર્યાત્મક શૌચાલયોની સફાઈ અને જાળવણી; અને ટોલ પ્લાઝાની જાળવણીમાં એકંદર સુધારા માટે કેન્દ્રિત પ્રયાસો હાથ ધરવામાં આવશે. આ ઝુંબેશમાં અન્ય પ્રવૃત્તિઓ ઉપરાંત ટોલ પ્લાઝાની સફાઈ, પેઇન્ટિંગ, સુધારેલી લાઇટિંગ અને સોલરાઇઝેશન, રોડ સાઇનેજ સ્થાપિત કરવા અને સુધારવા, રોડ માર્કિંગની દ્રશ્યતા વધારવી અને રાષ્ટ્રીય રાજમાર્ગોને ખાડા મુક્ત કરવાનો પણ સમાવેશ થશે.

આ ઝુંબેશના ભાગરૂપે, મંત્રાલયે કેન્દ્રિત હસ્તક્ષેપ માટે એક ટોલ પ્લાઝા સહિત રાષ્ટ્રીય રાજમાર્ગના 50-કિમીના પટ્ટાની ઓળખ કરી છે. ઓળખાયેલા પટ્ટાઓની તપાસ કરવા અને સ્વચ્છતા તથા સુધારણાના પગલાંની અસરનું મૂલ્યાંકન કરવા માટે હેડક્વાર્ટરના અધિકારીઓને ડેપ્યુટ કરવામાં આવશે. નામાંકિત અધિકારીઓ ફાળવવામાં આવેલા પટ્ટાઓની મુલાકાત લેશે, ત્રુટિઓની ઓળખ કરશે અને જીઓ-ટેગ કરશે, તથા સુધારણા કાર્યોની પ્રગતિનું સતત નિરીક્ષણ કરશે. તેઓ ઝુંબેશ સમયગાળા દરમિયાન ઓળખાયેલી ત્રુટિઓનો સમયસર ઉકેલ અને રાષ્ટ્રીય રાજમાર્ગની સ્વચ્છતા, સુરક્ષા અને એકંદર જાળવણીમાં સુધારો સુનિશ્ચિત કરશે.

મંત્રાલયે વિશેષ ઝુંબેશ 6.0ના અસરકારક અમલીકરણ માટે અને દ્રશ્યમાન તથા ટકાઉ પરિણામો સુનિશ્ચિત કરવા માટે હેડક્વાર્ટર, પ્રાદેશિક કચેરીઓ, પ્રોગ્રામ ઇમ્પ્લીમેન્ટેશન યુનિટ્સ, પ્રોગ્રામ ડિરેક્ટર્સ અને અન્ય ફિલ્ડ ઓફિસો સહિતની તમામ કેમ્પેઇન ઓફિસોને સંકલિત પ્રયાસો કરવા માટે સંવેદનશીલ બનાવી છે.

મંત્રાલયના વહીવટી નિયંત્રણ હેઠળની સંસ્થાઓ માટે નોડલ ઓફિસર નામાંકિત કરવામાં આવ્યા છે જેથી તેઓ તેમની સંબંધિત સંસ્થાઓમાં ઝુંબેશના અમલીકરણનું સંકલન અને સુપરવિઝન કરી શકે અને મંત્રાલયને નિયમિતપણે પ્રગતિનો અહેવાલ આપી શકે. જોઈન્ટ સેક્રેટરી (સંકલન) ને મંત્રાલય અને તેની સંસ્થાઓમાં વિશેષ ઝુંબેશ 6.0 ના એકંદર સંકલન માટે નોડલ ઓફિસર તરીકે નામાંકિત કરવામાં આવ્યા છે.

વિશેષ ઝુંબેશ 6.0 ની પ્રગતિની સમીક્ષા જોઈન્ટ સેક્રેટરી (સંકલન) દ્વારા કેમ્પેઇન ઓફિસોના નોડલ ઓફિસરો સાથે નિયમિતપણે કરવામાં આવી રહી છે. સચિવ, MoRTH પણ સાપ્તાહિક સિનિયર ઓફિસર્સ બેઠકો દરમિયાન પ્રારંભિક તબક્કાની પ્રગતિની નિયમિત સમીક્ષા કરી રહ્યા છે.

વિશેષ ઝુંબેશ 6.0 દ્વારા, મંત્રાલય તેની સંસ્થાઓમાં કાર્યક્ષમતા, રેકોર્ડ મેનેજમેન્ટ અને કાર્યસ્થળની પદ્ધતિઓને મજબૂત બનાવવાની સાથે વધુ સ્વચ્છ, સુરક્ષિત અને વધુ સારી રીતે જાળવવામાં આવતા રાષ્ટ્રીય રાજમાર્ગો અને ટોલ પ્લાઝા સુનિશ્ચિત કરવાનો પ્રયાસ કરી રહ્યું છે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad