سماجی انصاف اور تفویضِ اختیارات کے محکمے نے آج یہاں قومی راجدھانی میں سماجی انصاف کی وزارت کے منن کانفرنس ہال میں سوچھتا ہی سیوا مہم 2026 کے ایک حصے کے طور پر ’سوچھتا‘ کے موضوع پر ایک فی البدیہہ تقریری مقابلہ منعقد کیا۔

یہ مقابلہ صفائی اور حفظانِ صحت کے بارے میں بیداری کو فروغ دینے اور ایک صاف ستھرا اور صحت مند معاشرہ بنانے کے لیے اجتماعی کارروائی کی اہمیت کو اُجاگر کرنے کے مقصد سے منعقد کیا گیا تھا۔

اِس تقریب میں محکمے کے سینئر اہلکاران نے جوش و خروش سے شرکت کی، جنھوں نے سوچھتا کے مختلف پہلوؤں پر اپنے خیالات اور نقطہ نظر کا اظہار کیا۔

مقررین نے روزمرہ کی زندگی میں صفائی کی اہمیت کو اُجاگر کیا اور صفائی اور شہری ذمہ داری کے کلچر کو فروغ دینے میں ہر فرد کے کردار پر زور دیا۔

اِس مقابلے نے اہلکاران کو سوچھتا پر اپنے خیالات کا اظہار کرنے اور صفائی ستھرائی کے لیے مسلسل کوششوں کی اہمیت پر غور کرنے کا ایک پلیٹ فارم فراہم کیا۔

یہ پہل مہم کے تحت محکمے کی سرگرمیوں کا حصہ ہے جس کا مقصد اہلکاران اور اسٹیک ہولڈروں کے درمیان فعال شرکت کی حوصلہ افزائی کرنا اور صفائی، وقار اور سماجی ذمہ داری کے جذبے کو مضبوط کرنا ہے۔

یہ تقریب سوچھتا ہی سیوا مہم 2026 میں اہلکاران کی پُر جوش شرکت اور فعال شمولیت کی ستائش کے ساتھ اختتام پذیر ہوئی۔

***

(ش ح - ع ا)

U.No. 4256

(ریلیز آئی ڈی: 2316211) وزیٹر کاؤنٹر : 8