معزز وزیر اعظم جناب نریندر مودی کے اس تصور کے تحت جاری صفائی مہم کے ایک حصے کے طور پر، جس کا مقصد صفائی کو ایک مستقل اور عوامی قیادت والی تحریک میں تبدیل کرنا ہے، مہاراشٹر کے کارگنی میں اتپادی تعلقہ گرامین وکاس سنستھا کے زیر انتظام جے شری رام سینئر سٹیزن ہوم میں رہنے والے بزرگ شہریوں نے صفائی مہم میں فعال طور پر حصہ لیا۔ ان کی شرکت نے عوامی شمولیت کے جذبے اور معاشرے کو صاف اور صحت مند رکھنے میں اجتماعی ذمہ داری کی اہمیت کی تجدید کی۔

’سوچھتا ہی سیوا 2026‘ مہم ’’صفائی میں شمولیت، صاف بھارت، ترقی یافتہ بھارت‘‘ کے موضوع کے تحت منائی جارہی ہے، جس میں صفائی اور صحت کی دیکھ بھال  سے متعلق سرگرمیوں میں شہریوں، اداروں اور معاشروں کی فعال شرکت پر زور دیا گیا ہے۔

جوش و خروش اور شہری ذمہ داری کے مضبوط احساس کا مظاہرہ کرتے ہوئے بزرگ شہریوں نے آگے بڑھ کر اپنےسینئر سٹیزن ہوم اور اس کے آس پاس صفائی کی سرگرمیوں میں حصہ لیا۔ ان کی شرکت نے یہ مؤثر پیغام دیا کہ صاف ستھرے اور حفظان صحت کے مطابق ماحول کو برقرار رکھنے کی ذمہ داری معاشرے کے ہر طبقے کی مشترکہ ذمہ داری ہے۔

بزرگ شہریوں کی شرکت اس اہم کردار کو بھی اجاگر کرتی ہے جو وہ معاشرے کو متحرک کرنے اور سماجی بیداری پیدا کرنے میں ادا کرسکتے ہیں۔ اپنے تجربے، عزم اور شہری سرگرمیوں میں فعال شرکت کے ذریعے وہ وسیع تر معاشرے کے لیے تحریک کا ذریعہ بنتے ہیں اور یہ ثابت کرتے ہیں کہ اجتماعی فلاح و بہبود میں اپنا کردار ادا کرنے کی راہ میں عمر کوئی رکاوٹ نہیں ہے۔

یہ اقدام سوچھ بھارت کے مقاصد کے حصول میں خدمت، معاشرتی شمولیت اور سماجی ذمہ داری کی اہمیت کو مزید تقویت دیتا ہے۔ بزرگ شہریوں کی فعال شرکت صفائی کی اس تحریک کی ہمہ گیر نوعیت کی عکاسی کرتی ہے، جس میں ہر شہری صاف ستھرے اور صحت مند رہنے کے ماحول کی تشکیل میں بامعنی کردار ادا کرسکتا ہے۔

کارگنی، مہاراشٹر میں واقع جے شری رام سینئر سٹیزن ہوم میں منعقدہ صفائی مہم اس امر کی ایک بامعنی مثال ہے کہ اجتماعی اقدام عمر اور حالات کی حدود سے بالاتر ہوکر شہریوں کو صاف ستھرے، صحت مند اور زیادہ ذمہ دار معاشرے کے مشترکہ مقصد میں اپنا کردار ادا کرنے کی ترغیب دے سکتا ہے۔

یہ اقدام سماجی انصاف اور تفویض اختیارات  کے محکمے کی ان کوششوں کی بھی عکاسی کرتا ہے جن کا مقصد بزرگ شہریوں کی فعال شرکت، وقار اور سماجی شمولیت کی حوصلہ افزائی کرنا اور معاشروں میں اجتماعی ذمہ داری کے احساس کو فروغ دینا ہے۔

 

******

ش ح۔ ش آ۔ م ر

U-NO. 4185

(ریلیز آئی ڈی: 2315648) وزیٹر کاؤنٹر : 8