ঐহাক্কী নুংশিজরবা ইরৈচাশিং, খুরুমজরি

‘মন কি বাত’গী সেপ্তেম্বরগী ইদিসনগীদমক অমুক হন্না অদোমগা উনবগী তাঞ্জা অমা ফংজরে । ঐহাক্না লৈবাক অসিগী মীয়াম পুম্নমকপু তরাম্না ওকচরি। ‘মন কি বাত’দা ঐখোয়না ঐখোয়গী লৈবাক মিয়ামগী পোজিতিব ওইবা হোত্‍‌নরিবশিংগীদমক প্লেৎফোরম অমা পিরি... জাতি অসিগী মায়পাকপশিং খন্নরি। ভারতকি অসিগুম্বা অচৌবা, পুৱারি ওইরবা এচিবমেন্ত অমদি নুমিৎ অদুমক্তদা মসিগী চহি ১০ সুবগী থৌরম পাঙথোক্কদৌরি – মসিগী এচিবমেন্ত অসি ‘সর্জিকেল স্ত্রাইক’নি। চহি ১০গী মমাঙদা ২০১৬কি সেপ্তেম্বর ২৮-২৯দা ভারতকি আর্মীনা পকিস্তানদা তেরোরিস্তশিংগী লোৎসিল্লবা মফমশিংদা সর্জিকেল স্ত্রাইক তৌখি। ঐখোয়গী থৌনা ফবা লান্মিশিংনা তেরোরিজমগী মায়োক্তা থবক পায়খৎনবা লাইন ওফ কন্ত্রোল (এল.ও.সি.) লান্থোকখিবা মওং অদু উবদা মালেম অসি ঙকখি।

সর্জিকেল স্ত্রাইক অসিনা ভারতকি তেরোরিজম থেংননবা থৌসিলগী অনৌবা খুদম অমা মালেম পুম্বদা থৌনা ফনা উৎখি। ‘সর্জিকেল স্ত্রাইক’ অসি তেরোরিস্তশিংগী এতেকশিংনা মরম ওইদুনা ভারতনা মতম শাংনা থেংনরকপা অৱা-অনাশিংগী মতাঙদা ঐখোয়গী ৱারেপ লৌখিবা পাউখুম ওইখি। হৌখিবা চহি তরাগী খুজিং কয়াদগী – বালাকোত এয়রস্ত্রাইক্তগী হৌরগা ‘ওপরেসন সিন্দুর’ ফাওবা – ভারতনা হঞ্জিন হঞ্জিন ময়েক শেংবা পাওজেল অমা পিখ্রে: করিগুম্বা তেরোরিস্তশিংনা ভারত্তা ফত্তবা মিত্‍‌য়েং থম্নবা থৌনা লৈরবদি মখোয়গা চুনবা পাউখুম অমা পিগনি।

মরুপশিং,

ভারতনা মতম কয়াগী মমাঙদগী তেরোরিস্ত এতেকশিংনা শোকহল্লবা অশোক-অপনশিং থেংনদুনা লাক্লি। লৈবাক অসিদা সিরিয়েল ব্লাস্ত অসি কমন ওইবা থৌদোক অমা ওইরকপা মতম অমা লৈরম্মি। সেপ্তেম্বর থা অসিমক্তদা – মরুওইনা ২০০৮গী সেপ্তেম্বর ১৩দা – দিল্লিদা থোকখিবা সিরিয়েল ব্লাস্তশিংদা মরাল লৈজদ্রবা মীওই কয়াগী পুন্সি মাংখি। নুমিৎ খরনিগী মতুংদা মুম্বাইদা ২৬/১১গী অচৌবা এতেক্তা অদু থোকখি। মরুপশিং, মমাঙদসু তেরোরিস্ত এতেক খুদিংমক্কি মতুংদা পকিস্তানগী মায়োক্তা এক্সন লৌখৎনবা দিমান্দ তৌরম্মি, অদুবু অসিগুম্বা কোলশিং অসি অয়াম্বনা মতিক চানা মিত্‍‌য়েং চংলমদে; চৎকদবা মতম অদু সুপ্নতগী ঙায়দুনা লৈরম্মি। ঙসি ভারতনা তেরোরিজমগী মায়োক্তা জিরো-তোলরেন্স পোলিসি অমা চত্থরি, মদুগী মহৈ ঐখোয়না উবা ফংলি।

মরুপশিং,

চহি অসিদসু ৯/১১গী তেরোরিস্ত এতেক অসি চহি ২৫ সুরে। য়ু.এস.কি ৱার্ল্দ ত্রেদ সেন্তরদা থৱায় থাখ্রবা মরাল লৈজদ্রবা মীওইশিংগী মনুংদা খ্বাইদগী য়াম্না শোকহল্লবা মীওইশিংদি – অমেরিকাগী মথংদা – ভারত মচাশিংনি। ঐহাক্না নিংশিংলি মদুদি ২০১৪দা প্রধান মন্ত্রি ওইরবা মতুংদা ঐহাক্না য়ু.এস.তা চৎখিবা মতমদা ঐহাক্না ন্যু য়োর্কতা য়ৌরকখিবা অদুগুম্বা মরাল লৈজদ্রবা নাগরিকশিংদা ঐহাক্কি ইকায় খুম্নবা উৎপা। ঙসি অমুক হন্না ভারতকি নাগরিক কোতি কয়াগী মায়কৈদগী শোক্লবা ইমুং মনুংগী অৱাবদা শরুক য়াজরি।

ঐহাক্কী নুংশিজরবা ইরৈচাশিং,

জাতি অসিগী অচৌবা পিকচর অমা হৌজিক থোরক্লি। মসিগী পিকচর অসিদা অদোম, অদোমগী ইমুং মনুং অমসুং অদোমগী য়ুম্লোন্নবশিং ফাওবা য়াওরি। ঐহাক্না ভারতকি সেন্সসকি মতাঙদা পনজরি। এক্সরসাইজ অসিগী অহানবা ফেজ অসি রাজ্য অমসুং য়ুনিয়ন তেরিতোরি পুম্নমক্তা চাওরাক্না মপূঙ ফারে;

ইমুং কোতি ৩২ হেনবগী দেতা হান্ননা রেকোর্দ তৌখ্রে। হৌজিক লদাখ, হিমাচল প্রদেশ, জম্মু অমসুং কশ্মির, অমদি উত্তরাখন্দগী মনুং হঞ্জিনবা, উনখত্না কুপশিনবা লমদমশিংদসু থবক চত্থরি। হায়রিবা হিরমশিং অসিদগী পুক্নিং থৌগৎনিংঙায় ওইবা এক্সপরিয়েন্স কয়া থোরক্লে। উত্তরাখন্দদা সেন্সসকি থৌওং অসি চমোলিগী মানা খুঙ্গংদগী হৌখি; মানা লৈবাক অসিগী অহানবা খুঙ্গং হায়না খঙনৈ। মফম অদুগী থৌওং অসি চহি ৮৩ শুরবি পুর্নিমা রাৱতজিদগী হৌখিবনি। উত্তরকাসিগী বাগোরি খুঙ্গংদা হারদেবা সিংহ রানা জি – হোমস্তে অমা চলায়রিবা – মশামক্না দিজিতেলগী পাম্বৈ শিজিন্নদুনা মহাক্কী মতাংদা অকুপ্পা মরোলশিং য়াওহনখি।

মরুপশিং,

সেন্সস অসি ঐখোয় পুম্নমক্কি নেস্নেল রেসপোন্সিবিলিতিনি। ওগস্ত ১৫দসু ঐহাক্না ঐহাক্কি লৈবাক মিয়ামদা মদুগীদমক মতম কায়থোক্নবা হায়জরম্মী। নহাক্কী সেন্সসকি অকুপ্পা মরোলশিং মশানা রেজিস্তর তৌবগী খুদোংচাবা অসি য়াম্না খুদোংচাবা অমনি। নহাক্কী মোবাইলমক্তগী নহাক্কী অমসুং নহাক্কী ইমুং-মনুংগী মরমদা ই-পাও রেজিস্তর তৌবা য়াই। হিন্দী লোলগা লোয়ননা মসিগী খুদোংচাবা অসি লোল ১৬তা ফংহল্লি।

মরুপশিং,

মসি তৌনবগীদমক্তা নহাক্না সেন্সস ওনলাইন পোরতেলদা চৎপা মথৌ তাই। পোরতেল অসি se.census.gov.in... দা নহাক্কী মোবাইল নম্বর শিজিন্নদুনা লোগ ইন তৌ, নহাক্কী লোকেসন অদু এন্তর তৌ, নহাক্কী ইমুং-মনুংগা মরি লৈনবা অকুপ্পা মরোলশিং অদু মেনশিল্লু অমসুং ই-পাও অদু পিশিল্লু। থৌওং পুম্নমক অসি চাওরাক্না মিনিৎ ১৫দগী ২০ ফাওবা চংই। অমসুং মদুগীদমক অদোম্না দোকুমেন্ত অমত্তা অপলোদ তৌবগী মথৌ তাদে। ই-পাও অদু পিশিল্লবা মতুংদা, নহাক্না অখন্নবা আই.দি. মখোয়না নহাক্কী য়ুমদা লাকপা মতমদা সেন্সস ইনুমেরেতর্গা লোয়ননা আই.দি. নহাক্না পিরকপা ই-পাও অদু ভেরিফাই তৌরবা মতুংদা, মসি সেন্সস রেকোর্দকি শরুক অমা ওইরগনি।

মরুপশিং,

হৌজিক ফাওবদা মীওই ক্রোর ২ লাখ ৬০ হেনবনা মখোয়গী অকুপ্পা মরোলশিং অদু মোবাইলগী খুত্থাংদা সেন্সস পোর্তেলদা হান্নদগী এন্তর তৌখ্রে - শেলফ-ইনুমরেসন মপূঙ ফাহনখ্রে। মসিদা অদোমগী মতম খরা চংগনি, অদুবু মসি জাতিগীদমক্তদি মরু ওই, মরমদি অদোম অমসুং অদোমগী ইমুং মনুংগী মরমদা অচুম্বা ইনফোরমেসন্না লৈবাক অসিগী তুংগী ফিবমগী অকক্নবা ৱাফম অমা শেম্বদা মতেং পাংই।

ঐহাক্কী নুংশিজরবা ইরৈচাশিং,

ঙসি – সেপ্তেম্বর ২৭কি তাং অসি অখন্নবা মরম অমগীদমক হেন্না অখন্নবা ওইরে। ঙসিদি মহাক্কী পুন্সি পুম্বা কলচর, খুন্নাই অমসুং জাতিগীদমক কত্থোকখিবা অথোয়বা পর্সোনেলিতি অমগী মপোক চহি ১০০ শুবনি। ঐহাক্না বিস্ব হিন্দু পরিশদকি হান্নগী ইন্তর্নেস্নেল ৱার্কিং প্রসিদেন্ত ওইরম্বা ইকায় খুম্নজরবা লৈখিদ্রবা অশোক সিংহালজিগী মরমদা হায়জরি। মহাক নুমিৎ অসিমক্তদা – সেপ্তেম্বর ২৭, ১৯২৬তা – আগ্রাদা পোকখি। খুন্নাইগী মরক্তা হিংদুনা মহাক্না তপস্যাগী মওংদা পুন্সি হিংখি। মহাক্না রাম জন্মভুমিগী খোঙজংদা পিখিবা মায়কৈ অমসুং ইনর্জি অদুনা তশেংনা ঙসি অয়োধ্যাদা লৈরিবা অঙকপা লাইশঙ অসিগী শাক্ষি ওইহনখি। ঐহাক য়াম্না লাইবক ফবনি... মহাক্কী পুন্সিবু নিংথিনা য়েংশিনবতা নত্তনা মিসন অসিদা মহাক্কা লোয়ননা চৎমিন্নবগী খুদোংচাবসু ​​ফংজরে। রাম মন্দিরদা পাঙথোক্কদৌরিবা প্রান প্রতিশ্থাগী থৌরমদা শরুক য়ারিঙৈদা অশোকজিগী মরমদা হঞ্জিন হঞ্জিন নিংশিংলকপা অসি ঐঙোন্দা মহৌশানি।

মরুপশিং,

অশোকজিগী মতাঙদা অসুক য়াম্না মিত্‍‌য়েং চংলুদবা মতাং কয়া অমা লৈরি। রাম মন্দির মুবমেন্তকা লোয়ননা মহাক্না খুন্নাইগী খেন্নবা অমসুং মান্নবা লৈতবগী মায়োক্তা অচৌবা লানফম অমসু চত্থখি। মহাক য়াম্না শেল য়াম্না ইনাক খুনবা ইমুং অমদা পোকখি; মহাক্কী মপা সিভিল সর্ভিসকি ওফিসিএল ওইরম্মী, অমসুং মহাক্কী মরুপ অয়াম্বনা অৱাংবা থাক্কী ফমশিংদা লৈরম্মি। মহাক মশামক আই.আই.তি.বি.ঐচ.য়ু. অদুবু মদু পুম্নমক লৈরবসু মহাক্না মহাক্কী পুন্সি অদু খুন্নাই অমসুং কলচরদা কত্থোকখি - মসি অথোয়বা মীওইশিংগী মশক্নি। ঙসি মহাক্কী মপোক কুমওনগী থৌরম অসিদা মহাক্কী থাগত্‍‌পা মীওই লাখ কয়াগী মায়কৈদগী ঐহাক্না মহাকপু খুরুমজরি... ঐহাক্কি মায়কৈদগী ঐহাক্না থম্মোয় শেঙনা ইকায় খুম্নবা উৎচরি৷

ঐহাক্কী নুংশিজরবা ইরৈচাশিং,

ঐখোয়না চহি অসি জাতিগী চাওথোকচবগী অচৌবা থৌরম অমদগী হৌদোকখি – কুম্মৈ অসি "সোমনাথ স্বাভিমান পারব" ওইখি। চহি লিশিং অমগী মমাঙদা ইং ১০২৬তা ঘজনিগী মহমুদনা অহানবা ওইনা সোমনাথ লাইশঙ হুরানখি। অদুম ওইনমক, সোমনাথপু মাংহন তাকহনবা অমসুং ভারতকি মশক-মওং মুত্থৎনবা লাকখিবশিং অদু ঙসিদি অমত্তা ওইনা লৈতে, অদুগা সোমনাথ লাইশঙ অসি অচৌবা শমুদ্রগী মনাক্তা মশাগী অথোয়বা পুম্নমক্তা লেপ্লি, ভারত্তা অসিবা লৈবগী থৌজাল পিরি। মরম অসিনা ঐখোয়না চহি অসিদা ‘সোমনাথ স্বাভিমান পারব’ অসি অচৌবা চাওথোকচবগা লোয়ননা পাংথোকখি।

মরুপশিং,

করিগীদমক ঐনা ঙসি ‘মন কি বাত’দা মসি অমুক হন্না পুথোক্লিবনো - মদুগী অখন্নবা মরম অমা লৈরি। খৃস্তগী মতুং ১০২৬ দা সোমনাথপু ঘাজনিনা মাংহন তাকহনখিবা মতমদা; চহি অদুমক্তদা গুজরাতকি মোধেরাদা লৈবা মমিং লৈরবা সন তেম্পলবুসু লান্দাদুনা মাংহন তাকহনখি। মসিনা তাকপদি মোধেরা লাইশঙ অসিসু মাংহন তাকহনখিবা চহি লিশিং অমা সুরে, অদুগা মতম অদুদা লাইশঙ অসি চহি অমগী মমাঙদা শাখিবনি। নিংথৌ ভিমদেবনা মসি ১০২৫দা শাখিবনি।

মরুপশিং,

মতম অদু খনবিয়ু; অচৌবা লানফম অমা থোকখি, সোমনাথ লাইশঙগুম্বা থাজবগী অচৌবা সেন্তর অমা থুগাইখি, অমসুং মফম কয়াদা এতেক তৌরকখি - খুন্নাই নত্রগা এদমিনিস্ত্রেসন অমত্তনা মখোয়গী থৌনা অদু শোকহল্লকপা য়াই। অদুবু নিংথৌ ভিমদেব দ ফর্স্তনা ঘাজনিগী ফোর্সশিংগা থেংনবতা নত্তনা মোধেরা সন তেম্পলসু অতেনবা মতমগী মনুংদা অমুক হন্না শাগৎহনখি। মসিগী য়াম্না লান্থেংনরিবা অসিনা মরম ওইদুনা সোমনাথ লাইশঙসু, হঞ্জিন হঞ্জিন মাংহন তাকহনবা থেংনরবসু মতম খুদিংদা অমুক হন্না শেমগৎখি।

মরুপশিং,

মোধেরা সন তেম্পলদা চত্থখিবা এতেক্তশিং অদু তুংগী মতমদসু লেপখিদে। অলাওদ্দিন খিলজিনা মতুংদা লাইশঙ অসিবু মাংহন তাকহনখি, অঙকপা আরকিতেকচরগী অঙকপা অদু অমুক হন্না মাংহনখি। অদুম ওইনমক, ইচিল-ইনাওশিং, ঐখোয়, ভারতকি মীয়াম, আরকিতেকচর অমসুং লাইশঙগী খুত্থাংদা খক্তানা নুমিৎপু খুরুমজদে; ঐখোয়গীদমক্তদি নুমিৎপু খুরুমজবনা মঙাল, ইনর্জি, শাইন্স অমসুং লেপ্তনা চত্থনবগী ইন্সপিরেসনসু তাকই। মরম অসিনা মোধেরা অসি ঙসিদি মসিগী নুমিৎকি মন্দির খক্তা নত্তনা খঙনরে; গুজরাতকি খুঙ্গং অসি লৈবাক অসিগী অহানবা ‘সুরয় গ্রাম’ ‘সোলর ভিলেজ’ ওইরে।

মোধেরা অসি হৌজিক মপূঙ ফানা সোলর ইনর্জিরোমদা চঙশিল্লি, মসিনা জাতিগীদমক সস্তেনেবিলিতিগী খুদম অমা পিরি। মোধেরাদা লমকোয়বশিংগী পুক্নিং চিংশিন্নিংঙায় ওইবা অমসুং খুদোংচাবশিং কয়া অমসু পুরকখ্রে। মফম অদুদা মোধেরা দান্স ফেস্তিবেল অসি মকর সঙ্ক্রান্তীগী মতুং জনুৱারিদা পাংথোকই, মসিদা ভারতকি কলচরেল অমদি ক্লাসিকেল দান্সশিংগী অঙকপা মওংগী পর্ফোমেন্সশিং য়াওরি। ঐহাক্না ময়াম পুম্নমকপু য়ামদ্রবদা অমুকখক মোধেরাদা চত্তুনা মসিগী মশক নাইবা ভারতকি হেরিতেজ অসি অমুক্তং য়েংনবা হায়জরি।

ঐহাক্কী নুংশিজরবা ইরৈচাশিং,

নুমিৎ খরনিগী মনুংদা ওক্তোবরগী তাং ২নি – ইকায় খুম্নজরবা বাপুগী মপোক কুমওন। বাপুনা ঐখোয়দা পুনসিগী লমজিং-লমতাক কয়া পিবিরে... শেংদোকপা অসি মদুগী মনুংদা অমনি। ঐখোয়না অয়াম্বনা ঐখোয়গী অকোয়বদা শেংদোকপগা মরি লৈনবা হোৎনবা কয়া উবা ফঙই। হোত্‍‌নরিবশিং অসি য়াম্না পুক্নিং থৌগৎনিংঙায় ওই অমসুং পুক্নিং থৌগৎনিংঙায় ওই। অসিগুম্বা ফোতো, ভিদিও, রিলশিং অসিনা সোসিয়েল মিদিয়াদসু ঐখোয়গী পুক্নিং চিংশিল্লি। হন্দক্কী মতম অসিদা অসিগুম্বা ইনিসিয়েতিব কয়া অমা ঐহাক্না উবা ফংজরে। মধ্য প্রদেশকি মফম অমদা নহাশিংনা তুরেল অমা শেংদোক্নবা থবক তৌরি; মখোয়গী অপিকপা হোত্‍‌নজমল অসিদা খুন্নাই পুম্বনা শরুক য়ারি। মতৌ অসুম্না অন্ধ্র প্রদেশতা নহাশিংনা অরিবা স্তেপৱেলশিং অমসুং ৱেলশিং শেংদোকলি, মদুনা ঐখোয়গী অরিবা হেরিতেজ অদু অমুক হন্না শেমগৎপদা মতেং পাংলি। মুম্বাইদা নহা খরনা শমুদ্র খোঙবালশিং শেংদোক্নবা ইনিসিয়েতিব লৌরি; নুমিৎ খুদিংগী নহা ওইরিবা মরুপ লিশিং কয়ানা শমুদ্র খোঙবাল অমদা নতৎরগা অমদা থুংলদুনা ক্লিন্লিনেস দ্রাইবকি খুত্থাংদা সেবা তৌই... শ্বচতা সে সেৱা। মফম অসিদা দিল্লিদা অঙাংশিং অমসুং নহারোলশিংনা অমোৎপা তোখায়না থম্বা অমসুং মখোয়গী অকোইবা শেংদোকপগী মতাঙদা এৱেয়রনেস পিরি। ৱেস্ত বেঙ্গলদা নহা ওইরিবা মহৈরোয়শিংনা মফম অদুগী মিয়ামগা খুৎশম্নদুনা পিক্নিক স্পোৎ‌শিংদা কৈথেলগী মফমশিং শেংদোক্লি।

মরুপশিং,

হোত্‍‌নরিবা পুম্নমক অসিগী মরক্তা, মশক অমা ফজনা উবা ফঙই... মফম অমদা মসি মীওই অমখক্তদগী হৌরকই, অতোপ্পা মীওইশিং য়াওই, অমসুং খোঙজং অসি হেনগত্‍‌লকই - মসি তশেংনা ‘জান-ভাগীদারি’ হায়বসিনি। তশেংনমক, শেংদোকপা হায়বসি ঐখোয়না বাপুদা পিবা য়াবা খ্বাইদগী ফজবা ইকায় খুম্নবা অদুনি।

ঐহাক্কী নুংশিজরবা ইরৈচাশিং,

ঐখোয়না অকোয়বগী ফিবম ঙাক-শেনবা মতমদা ঐখোয়না পাম্বী নতরগা শা-শন কনবা খক্তমক তৌদে; ঐখোয়না অদুগুম্বা ইকোসিস্তেম পুম্নমক মপাঙ্গল কনখৎহল্লি। লৈবাক অসিগী তোঙান তোঙানবা মফমশিংদা পায়খৎলিবা ইনিসিয়েতিব খরনা মসিগী সেন্তিমেন্ত অসি ফজনা ফোঙদোক্লি।

মরুপশিং,

অসামদা সোনাই রুপায় ৱাইল্দলাইফ সেন্ত্রেলসু লৈ। মফম অসিদা হান্নদি শামুশিংনা লৈরমবা মতম অমা লৈরম্মি, অদুবু উমংগী লমদা মীওইবগী ইন্তরফেস হেনগত্‍‌লকপগা লোয়ননা শামুশিং অদু লাপ্না চৎখি। চহি অহুমগী মমাঙদা লম অসি মিহাৎ-মিপুন তৌবদগী শেংদোকখি, অমসুং মসিগী ফলশিং অসি শিংথানিংঙায় ওইখি - মফম অসিদা শামুশিং অমুক হন্না হল্লক্লে। চহি কয়াদগী এক্তিব ওইদনা লৈরম্বা মফমশিংদা শামুশিংগী লম্পাক অমুক হন্না উবা ফংলি। ইচিল-ইনাওশিং, অসাম মশামক্তদা অতোপ্পা অঙকপা ইনিসিয়েতিব অমা থোকখ্রে - মসিগী হোৎনবা অসি অপিকপা জিবা অমা ওইরিবা পিগমি হোগা কন্নবনি। মতম অমদা, মসিগী লৈরিবা অসি য়াম্না খুদোংথিবা নংলম্মী; মতম অদুদা সুপ্নতগী পিগমি হোগা ৬ খক্তগা লোয়ননা কঞ্জরবেসন প্রোগ্রাম অমা হৌদোকখি, অমসুং মখোয়বু লমদম অসিদা অমুক হন্না পুরকখি। মখোয়গী হিংনবগীদমক গ্রেশলেন্দশিংসু ক্য়ুরেৎ তৌখি। ঙসিদি প্রোগ্রাম অসিনা মরম ওইদুনা পিগমি হোগকি মিশিং অসি ১৯০ হেন্না হেনগত্‍‌লে।

মরুপশিং,

মহৌশাগা ঐখোয়গী মরি অসি মসিবু ঙাক্তুনা থম্বখক্তদা থমখিবা নত্তে; অয়াম্বা মতমদা ঐখোয়না মহৌশাবু য়েংশিনবিবা মতমদা ঐখোয়গী ইশাগী পুন্সিগী হিংনবগী লম্বি অমা ওইরকই। ৱেস্ত বেঙ্গলগী সুন্দরবনশিংদা নুপি খরনা মসিগী য়াম্না মরি অসিগী পুক্নিং থৌগৎনিংঙায় ওইবা খুদম অমা পিরি। ঝারখালিদগী নুপিশিং অসিনা মেনগ্রোব উমং শেমগত্‍‌লি।

মখোয় অয়াম্বাদি তাইগর এতেক্তশিংনা মখোয়গী মপুরোয়বা লৈখিদ্রবা নুপিশিংনি। মপুরোয়বা লৈখিদ্রবা মতুংদা মখোয়না সুন্দরবনগী মনুংমক্তদা হিংনবগী পাম্বৈ অমা ফংখি। মখোয়না থারিবা মেংগ্রোবশিং অসি হৌজিক্তি মখোয়গী খুঙ্গংশিংগীদমক মহৌশাগী ওইবা ঙাকথোকপা ঙম্বা ঙাকশেনবা অমা ওইনা থবক তৌরি, মসিগা লোয়ননা মখোয়দা শেন্থোক লম্বি অমসু পিরি। ইচিল-ইনাওশিং, ঐখোয়না অকোয়বগী ফিবম ঙাক-শেনসি, মহৌশাগী বেলেন্স ইকায়খুম্নবা উৎলসি, অমসুং মসিগী তোপ তোপ্পা মওং মতৌশিং ঙাক-শেনসি। ঐখোয়গী অসিগুম্বা হোৎনবা খুদিংমক তুংগী মীরোলশিংদা ঐখোয়না লৌগদবা থৌদাং অমনি।

ঐহাক্কী নুংশিজরবা ইরৈচাশিং,

লৈবাক শিনবা থুংনা লৈরিবা নহা লাখ কয়ানা হন্দক্তা সবসতেন্স এব্যুজ অমসুং দ্রগকি মায়োক্তা মশক থোকপা ৱারেপ অমা লৌখ্রে। মখোয়না মশামক দ্রগশিংদগী লাপ্না লৈনবা ৱাশক লৌখ্রে অমসুং পাওজেল অসি অতোপ্পশিংদা শন্দোক্নবগী থৌদাংসু লৌখৎখ্রে - পুম্নমক অসি ‘নশা মুক্ত য়ুবা অভিয়ান’গী মখাদা লৈরি। কেম্পেন অসি নুমিৎ ১০০নি চত্থগনি... মসিদা ‘মায় ইন্দিয়া’গী ভোলুন্তিয়রশিং য়াওরি। এন.এস.এস.কা মরি লৈনবা ঐখোয়গী নহারোলশিং অসি মসিগী শরুক অমনি; স্কুল, কোলেজ, অমসুং য়ুনিভর্সিতিশিংনা য়াওরে; অমসুং মশিং য়ামলবা সোসিএল অমসুং স্পিরিচুএল ওর্গনাইজেসনশিংসু য়াওরি। হৌখিবা নুমিৎ খরনি অসিদা লৈবাক শিনবা থুংনা ৱাশক লৌবগী থৌরম অমসুং এৱেয়রনেস প্রোগ্রাম লিশিং কয়া পাংথোকখ্রে। ইচিল-ইনাওশিং, খোঙজং অসিগী মতাঙদা ঐহাক্না অখন্ননা থাগত্‍‌পা য়াবা মশক অমা লৈরি মদুদি ‘নশা-মুক্তি কা সন্দেশ’।ঐখোয়গী নহারোলশিংনা পাওজেল অসি মখোয়গী লোন্দাা অমসুং মশাগী ওইবা মওংদা শন্দোকলি।

ঐহাক্না ‘মন কি বাত’তা লৈরিবা নহাশিংদসু তকশিনখি, মখোয়গী ক্রিয়েতিবিতি শিজিন্নদুনা কেম্পেন অসিদা শরুক য়াবিয়ু, অমসুং কৌরকপা অসিগী পাউখুম ওইনা নহা লিশিং কয়ানা মাংলোমদা চঙশিল্লকপা অসিদা ঐহাক নুংঙায়বা ফাওই। তোঙান-তোঙানবা কম্পিতিসনশিং - হায়বদি এনথম - স্লোগান ইবা, অমসুং স্ত্রিৎ প্লেশিং - ‘মাই ইন্দিয়া’ প্লেৎফোর্মদা পাংথোকখ্রে। মতৌ অসুম্না নহাশিংনা সোসিয়েল মিদিয়াদা ‘#NashaMuktYuva’ হায়বা হেসতেগ শিজিন্নদুনা ক্রিয়েতিব কন্তেনত সেয়র তৌরি; তশেংবদি পাওজেল, মেদিয়ম অমসুং মসিগী মতুংদা লৈরিবা দ্রাইভিং ইনর্জি অসি পুম্নমক অসি নহাশিং মশামক্তগী লাকই। লাক্কদৌরিবা নুমিৎশিং অসিদা হেলথ চেক-অপ অমসুং মেদিতেসন কেম্পকুম্বা থবক থৌরমশিংসু কেম্পেন অসিগী শরুক অমা ওইনা পাঙথোক্লগনি।

মরুপশিং,

ঐখোয়গী কুম্মৈ কয়া অথুবা মতমদা লাক্কদৌরিবনি। হন্দক্কী মতম অসিদা কুম্মৈগী থৌরমশিংগী মরক্তা ঐখোয়গী অকোইবদসু য়েংশি। করিগুম্বা নহা ওইরিবা মীওই অমনা অশোক-অপন থোকহনবা য়াবা লমচৎ-শাজৎ অমগী মায়কৈদা চৎলবদি মখোয়গা ৱারি শানবিয়ু। করিগুম্বা কনাগুম্বা অমনা নিশাদগী লাপথোক্নবা হোত্‍‌নরবদি মখোয়বু শৌগৎপিয়ু। দ্রগ-ফ্রী ওইবা নহা অমদি বিকসিত ভারতকি রিজোলবা অদু মাংলোমদা পুখৎনবা ঐখোয় পূম্নমক্নাা পুন্নাা থবক তৌমিন্নসি।

ঐহাক্কী নুংশিজরবা ইরৈচাশিং,

ঐহাক্না হন্দক্কী মতম অসিদা রেদ ফোর্ত্তগী মশান্নগী ওইবা তেলেন্ত হন্ত কেম্পেন অমা লাওথোকখি। ভারতনা মখা তানা অফবা মওংদা থবক তৌবা ঙম্নবা, শান্ন-খোৎনবগী তেলেন্ত খঙদোক্নবা খুঙ্গংশিং অমসুং সহরশিংদা য়ৌবা অসি য়াম্না মরু ওই। মতম অদুমক্তদা, মসিগী থবক অসিগীদমক মশানা মশাবু কত্থোকচবা মীওই কয়া অমসু লৈরি। মখোয়গী অমত্তা ঙায়রবা পামজবা অসি তেলেন্ত থিদোকপা অমসুং মদুবু মওং মতৌ শেম্বানি।

ঐখোয়গী পঞ্জাবতা রাজিন্দর সিংহজিনা চপ মান্নবা থবক অসি তৌরি। রাজিন্দর সিংহজি অসি অসিগুম্বা মীওই অমনি অমসুং মহাক্কী মিংগী শরুক অমা ওইনা ‘সেনিয়র’ হায়বা মিংথোল অসিসু পুদুনা চৎলি। মহাক ১৯৮০গী ওলেম্পিক্সতা হোকিদা সনাগী তকমান লৌখিবা তিম অদুগী শরুক অমা ওইখি। ১৯৮২গী ৱর্ল্দ কপতা মহাক মঙাল পিখি। ২০০১দা ভারতনা অহানবা ওইনা মেন্স জুনিয়র ৱারল্দা কপকি চেম্পিয়ন ওইখি, অদুগা ২০০৩দা লৈবাক অসিনা সেনিয়র এসিয়া কপকি চেম্পিয়নসিপ লৌখি। তুর্নামেন্ত অনীমক্তা মহাক্না কোচকি থৌদাং লৌখি। হৌজিক্তি মহাক্না মহাক্কী পামজবা অদু রাওন্দ গ্লাশ হোকি একাদমিগী খুত্থাংদা চত্থরি। মহাক্না হোত্‍‌নখিবশিং অদুনা মরম ওইদুনা খুঙ্গংশিংদা অনৌবা হোকি এস্ত্রো-তর্ফশিং থম্লি । রাজিন্দর জিনা য়াম্না ময়েক শেংবা মিত্‍‌য়েং অমা থম্লি: অফবা কোচিংগী খুদোংচাবা ফংদবা খুঙ্গংশিংদা লৈবা অঙাংশিং খঙদোকপা। অসিগুম্বা ইনিসিয়েতিবশিংগী খুত্থাংদা শান্নরোয় কয়ানা ভারতকি জুনিয়র অমসুং সেনিয়র লেভেলদা স্পোত‌শিং শোয়দনা ফংলি। রাজিন্দর সিংহজিগী কত্থোকপা অসি কয়া য়াম্না থাগত্‍‌লবসু, মসি মতিক চাদে।

ঐহাক্কী নুংশিজরবা ইরৈচাশিং,

হৈক্রু অসি ভারতকি গুজরাত অসি ঐখোয় পূম্নমক্না য়াম্না হৈনবা অমনি। অকংবা অমসুং প্রিজর্ব তৌরবা হায়বদি মসিদগী শেম্বা মুরব্বা অসি অয়াম্বা য়ুমথোঙশিংদা শিজিন্নৈ। হৈক্রু মহি অমসুং চৱনপ্রাশকুম্বা মীওই কয়ানা নিংথমথাগী মতমদা ঐখোয়গী নুংতিগী চৎনবিগী তঙায়ফদবা শরুক অমা ওইরকই। ঐখোয়গী অহলশিংনা মীরোল কয়াগী মমাঙদগী অম্লাগী মগুনশিংগী মতাঙদা মতম কয়াগী মমাঙদগী ৱারি শানদুনা লাক্লি। মরুপশিং, মসিগী অম্লা অসি হৌজিক উত্তর প্রদেশকি প্রতাপগরদা অনৌবা ওইথোকপা য়াবশিংগী হৌরকফম অমা ওইরক্লি। প্রতাপগর অমসুং অম্লাগী মরক্তা লৈরিবা মরি অসি য়াম্না অরিবা অমনি; মফম অসিদা লৈরিবা লৌমিশিংনা মীরোল কয়াদগী মসি থাদুনা লাক্লি।

হৈক্রুনা প্রতাপগরদা অচেৎপা মশক অমা পিরে, অমসুং হৌজিক, মতম শাংনা লৈরক্লবা মশক অসিনা মফম অদুগী লৌমিশিং অমসুং নুপিশিংগীদমক অনৌবা খুদোংচাবা কয়া পুরকই। ‘ৱান দিস্ত্রিক্ত ৱান প্রদক্ত’ (ও.দি.ও.পি.)না মফম অদুদা হৈক্রু ত্রেদতা শরুক য়ারিবা লোকেল ওন্ত্রপ্রিনরশিংদা থৌনা হাপ্লে। ঙসিদি প্রতাপগরদা অম্লা প্রোসেশিংগা মরি লৈনবা য়ুনিৎ ১০০ রোম থবক পায়খৎলি, মসিদা শেলফ-হেল্পা গ্রুপশিংগা শম্নরিবা নুপিশিংনা মরুওইবা থৌদাং লৌরি। অসিগুম্বা কাঙলূপ অমদি দেবগর কামাসি খুঙ্গংদগীনি; শাবিৎরি ফুলে শেলফ-হেল্পা গ্রুপকা মরি লৈনবা নুপিশিংনা অম্লা কেন্দিদেত, প্রিজর্ তৌরবা অমসুং জুশ পুথোক্লি। ও.দি.ও.পি.গী স্কীমগী খুত্থাংদা অনৌবা কৈথেলশিং ফংহনবদসু মখোয়গী শেন্থোক হেনগৎহনখ্রে।

মতৌ অসুম্না খুঙ্গং অমদা ‘বিন্ধ্য়বসিনি শেলফ-হেল্পা গ্রুপ’ অমা লৈ। কাঙলূপ অসিগী নুপিশিংনা হৈক্রু আচার অমসুং দাইজেস্তিব পাওদরগুম্বা অসিগুম্বা পোৎলম কয়া পুথোক্লি। হায়রিবা নুপিশিং অসিনা প্রোসেশিং অমসুং লোনগী খুদোংচাবশিং ফঙনবা মেছিনরি ফংখি। মখোয়না মফম অদুগী ললোন-ইতিক্কী মেলাশিংদসু শরুক য়াবগী খুদোংচাবসু ফংখি, অমসুং মতম খরগী মনুংদা মখোয়গী শেন্থোক য়াম্না হেনগত্‍‌লকখি।

মরুপশিং,

ঐখোয়গী লৈবাক্কি লমদম খুদিংমক্তা অসিগুম্বা অখন্নবা স্পিসিএলিতি খরা শোয়দনা লৈরি - অকক্নবা মহৈ অমা ওইরবসু, ত্রেদিস্নেল আরতকি মওং অমা ওইরবসু, নতরগা অখন্নবা হৈশিংবা অমা ওইরবসু। ‘ৱান দিস্ত্রিক্তা, ৱান প্রদক্ত’ কেম্পেন অসিনা য়াম্না স্পিসিএলিতিশিং অসি প্রমোত তৌনবা পান্দম থম্লি।

ঐখোয়গী হোৎনবা অসি ঐখোয়গী খুঙ্গংশিং অমসুং অপিকপা সহরশিংগী মশক-মওং অসি মফম অদুগী কৈথেলশিংদা খক্তা থমদনবা ওইগদবনি; হায়রিবা পোত্‍‌থোকশিং অসি লৈবাক অসিগী অতোপ্পা মফমশিংদা য়ৌহনগদবনি অমসুং মালেমগী কৈথেলশিং ফাওবা য়ৌহনগদবনি। মসিনা ‘ভোকেল ফোর লোকেল’ কেম্পেনসু মপাঙ্গল কনখৎহল্লি... মসিনা জাতি অসিবু মশানা মশাবু থাজজবা ঙম্নবা ইথিল পিরি। লাক্কদৌরিবা কুম্মৈগী মতমদসু ঐখোয়না ‘ভোকেল ফোর লোকেল’ মন্ত্র অসি কৈদৌঙৈদা কাওরোয়দবনি।

ঐহাক্কী নুংশিজরবা ইরৈচাশিং,

সেপ্তেম্বর থা অসি মচি ওইবা চিঞ্জাক ফংদবগী মায়োক্তা লান্থেংননবা কত্থোক্লি। ন্য়ুৎরিসনগী থা অসিদা তোঙান তোঙানবা সেক্তারশিংদগী মীওই অমদি ওর্গনাইজেসনশিংনা মসিগী অফবা থবক অসিগীদমক পুন্না লাকমিন্নৈ।

মচি ওইবা চিঞ্জাক ফংদবা থেংননবা চহি অসিদা থাগৎনিংঙায় ওইবা ইনিসিয়েতিব কয়া অমা হৌদোকখ্রে। খুদম ওইনা সত্তিছগরনা ‘হর ঘর মুঙ্গা - ঘর ঘর মুঙ্গা’ কেম্পেন হৌদোকখ্রে... মসিগী খুত্থাংদা মীয়াম্না মচি ওইবা চিঞ্জাক হায়বদি মোরিঙ্গা অসি মখোয়গী দাইত্তা য়াওহন্নবা পুক্নিং থৌগত্‍‌লি। গুজরাতনা ‘ভঙ্গি স্পর্ধা’ – মহৈ-মরোংদগী শেম্বা এঞ্জাং মথেলশিং য়াওবা কম্পিতিসন অমসু হৌদোকখ্রে। খোঙথাং অসিনা মমল হোঙবা অমসুং মচি ওইবা লম লমগী ওইবা এঞ্জাং মথেলশিং য়োকখৎলি। হৌজিক ফাওবদা কন্তেস্ত অসিদা মীওই লাখ অনি হেন্না শরুক য়াখ্রে। মহারাস্ত্রনসু মায়কৈ অসিদা থাগৎনিংঙায় ওইবা থবকশিং পায়খৎলি; ওজাশিং, অঙ্গনৱাদিগী শিন্মিশিং, অমসুং মমা-মপাশিংনা মফম অদুদা এৱেয়রনেস কেম্পেনশিংদা শরুক য়ারি। মিজোরামদসু চহি অসিদা মীয়াম পুন্না থোরক্তুনা ‘পোসন বতিকা’শিং ঙাক-শেনবগী খোঙজং অমা হৌদোকখ্রে। মসিনা মশাগী ওইজবা থিদনা সেবা তৌবা অমসুং অতোপ্পশিংবু মতেং পাংবদা মতম পুম্নমক্তা মাংজিল থানা লৈবা হায়বসি ’তালো-মদ-য়ানা’ হায়বা মিজোগী চৎনবিগা মান্নৈ।

অসিগুম্বা হোত্‍‌নরিবশিং অসি তশেঙনা থাগৎনিংঙায়নি। অসিগুম্বা ইনিসিয়েতিবশিংগী শরুক অমা ওইরিবা অঙ্গনৱাদি সেন্তরশিংগা মরি লৈনবা মীপুম খুদিংমকগীদমক্তসু ঐহাক্না চাওথোকচৈ। হায়রিবা অঙ্গনৱাদি সেন্তরশিং অসি হৌজিক ‘পোসন ত্রেকর’গী খুত্থাংদা ডিজিতেল ওইনা শম্নহল্লে, প্লেৎফোরম অসিদা চাওরাক্না বেনিফিশরি কোতি অনি রেজিস্তর তৌখ্রে। মসিনা অঙাংশিং, মীরোল্লিবি নুপিশিং অমসুং খোমলাং পিথকপা মমাশিংবু হেন্না ফবা য়েংশিনবা ঙমহল্লে। ঐখোয়না মচি ওইবা চিঞ্জাক ফংদবগী মায়োক্তা লান্থেংনরিবা অসি চপ মান্নবা ৱাখল্লোনগা লোয়ননা মখা চত্থগদবনি; ঐখোয়না ঐখোয়গী খুন্নাই অসি মপূঙ ফানা মচি ওইবা চিঞ্জাক ফংদবদগী নান্থোকহনগদবনি।

মরুপশিং,

ঐখোয় পূম্নমক্না থা অসিদা গনেশ উতসব অসি য়াম্না নিংথিজনা অমসুং থৱায় য়াওনা পাংথোকখ্রে। গনপতি বপ্পাবু লৈবাক শিনবা থুংনা অচেৎপা ইকায় খুম্নবগা লোয়ননা তরাম্না ওকখি। মসিগী শেংলবা থৌরম অসিনা এতমোসফিয়র পুম্বা হরাওবা অমসুং নুংঙায়বা ফোঙদোকই। ইচিল-ইনাওশিং, বিঘ্নহর্তা ভগবান শ্রী গনেশনা গ্যান, লৌশিং, অমসুং হোৎনবা অমা হেক্তগী য়াইফ-থৌরাংগী মমি তারি। মহাকপু য়াম্না ইকায় খুম্নবা অসি ভারত খক্তাদা নত্তনা; শ্রীমন পন্থোন থিরখানন জিগী খুদম লৌবিয়ু - মহাক থাইলেন্দদগীনি। মফম অদুদা ভগবান শ্রী গনেশপু ‘ফ্রা ফিকানেৎ’ হায়না লাৎলি। চহি ১৯ সুরকপদা মহাক্কী মপানা মহাকপু ভগবান শ্রী গনেশকি ফোতো অমা পিবিরম্মী। মতম অদুদা মহাক্কী মনুংদা য়াম্না লুবা ভক্তিগী ৱাখল্লোন অমা পোকখি। মহাক্না চহি তরাগী খুজিং মরি হেন্না ভগবান শ্রী গনেশকা মরি লৈনবা চৎনবিশিং তমদুনা লাক্লি। মহাক্না ভারত অমসুং নেপাল য়াওনা এসিয়াগী লৈবাক কয়াদা চৎখ্রে। মহাক্না মহারাস্ত্রগীদমক অখন্নবা নুংশিবা অমা থম্লি।

অস্তবিনায়ক চৎনবিগী মরমদা খঙলবা মতুংদা মহাক্না লমদম অসিগী মফম কয়াদা চৎখ্রে। মহাক্কী হোত্‍‌নজমন্না অস্তাবিনায়ক য়াত্রা অসি থাইলেন্দদসু ভক্তশিংগী মরক্তা মীয়াম্না পাম্নবা ওইরে। ২০০২দা মহাক্না নোংপোক থংবা থাইলেন্দগী চিয়াং মায়দা গনেশ হিমাল ম্য়ুজিয়ম লিংখৎখি। ঙসিদি মসিদা গনেশকি মুরতি ১০,০০০ হেন্না লৈরি। ম্যুজিয়ম অসিদা ভারত্তা চৎপা ঙমদবা ভক্তশিংগীদমক অস্তবিনায়ক মুরতিশিংসু লৈরি। মফম অসিদা নুমিৎ খুদিংগী অয়ুক পূং ১০ রোম তাবদা গনেশ জিগী লাই খুরুমবগী থৌরমশিং পাংথোকই। মসিদসু নত্তনা গনেশকা মরি লৈনবা অখন্নবা থৌরমশিংদা সেলেব্রেসনশিং পাংথোকই। মসিনা ভারতকি থাজবা, কলা, কলচরগী চৎনবিশিং অসি অতোপ্পা লৈবাকশিংদসু মীয়াম্না পাম্নবা ওইরক্লি হায়বা উৎলি। গনপতি বপ্পাগী থৌজাল মতম পুম্নমক্তা মীপুম খুদিংমক্কা লোয়ননা লৈমিন্ননবা ঐনা য়াইফ-পাওজেল পিজরি।

মরুপশিং,

‘মন কি বাত’গী এপিসোদ খুদিংমক্কি মতুংদা ঐহাক্না অদোমদগী হীরম কয়াগী মতাঙদা পাওজেলশিং ফঙই। অসিগুম্বা পুক্নিং থৌগৎনিংঙায় ওইবা ৱারিশিং অসি মখা তানা সেয়র তৌবিয়ু। অদোমগী অকোইবদা চত্থরিবা থৌরাংশিং অসি অদোম্না থাগত্‍‌পা ফোঙদোকপা মতমদা মরি লৈনবা মীওইশিংগী থৌনা অদু হেন্না হেনগত্‍‌লকই। ‘মন কি বাত’কি খুত্থাংদা হোত্‍‌নরিবশিং অসিগী মরমদা খঙবনা লৈবাক অসিগী অতোপ্পা মফমশিংদসু ইথিল পিরি। খোঙচৎ অসি অদোমগী তেংবাংগা লোয়ননা মখা তানা মাংলোমদা চঙশিনবা ওইরসনু। লাক্কদৌরিবা কুম্মৈশিং অসি অদোমগী ইমুং-মনুং অমসুং ইচিল-ইনাওশিংগা লোয়ননা য়াম্না হরাওবা অমসুং থৱায় য়াওনা পাংথোকপিয়ু। ঐহাক্না ময়াম পুম্নমকপু অমুক্কা হন্না য়াইফ-পাওজেল পিজরি।

অদোম্বু য়াম্না থাগৎচরি.

খুরুমজরি৷

*****