नागपूर, 24 सप्‍टेंबर 2026

 

अखिल भारतीय आयुर्वेद संस्था (एम्स), नागपूरच्या आयुष विभागातर्फे संस्थेच्या औषधी वनस्पती उद्यानात विशेष औषधी वनस्पती लागवड कार्यक्रमाचे आयोजन करून ‘आयुर्वेद दिन 2026’ साजरा करण्यात आला.

या कार्यक्रमाला एम्स, नागपूरचे कार्यकारी संचालक डॉ. (प्रा.) प्रशांत पी. जोशी प्रमुख पाहुणे म्हणून उपस्थित होते. यावेळी उपसंचालक (प्रशासन)  विजय नायक आणि उप-वैद्यकीय अधीक्षक डॉ. रौनक दुबे यांच्यासह प्राध्यापक, कर्मचारी आणि नागरिक मोठ्या संख्येने उपस्थित होते.

उपस्थितांना संबोधित करताना कार्यकारी संचालक डॉ. (प्रा.) प्रशांत पी. जोशी यांनी आधुनिक आरोग्य संवर्धनात आयुर्वेद आणि औषधी वनस्पतींचे महत्त्व अधोरेखित केले. पारंपरिक भारतीय वैद्यकीय पद्धतींचे जतन, स्थानिक ज्ञानाचे संवर्धन आणि आधुनिक आरोग्य सेवेसाठी सर्वसमावेशक आणि एकात्मिक दृष्टिकोन स्वीकारण्याची गरज त्यांनी स्पष्ट केली.

आरोग्यसेवा व्यावसायिक आणि समाजात, औषधी वनस्पतींचे संरक्षण आणि त्यांच्या उपचारात्मक गुणधर्मांविषयी जागरूकता वाढवणे हा या वृक्षारोपण मोहिमेचा मुख्य उद्देश होता. आयुर्वेद, पर्यावरण संवर्धन आणि प्रतिबंधात्मक आरोग्य यांच्यातील परस्परसंबंध अधिक दृढ करण्याचा प्रयत्नही या उपक्रमातून करण्यात आला.

आयुष वैद्यकीय अधिकारी (आयुर्वेद) डॉ. रजनी कचोळे यांच्या नेतृत्वाखाली या कार्यक्रमाचे आयोजन करण्यात आले. या उपक्रमात संपूर्ण आयुष चमू, कर्मचारी आणि उपस्थितांनी उत्साहाने आणि सक्रिय सहभाग नोंदवला.

 

* * *

पीआयबी मुंबई | सुषमा काणे/आशुतोष सावे/दर्शना राणे

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2315608) अभ्यागत कक्ष : 28