تیاری کے مرحلے کے دوران، یعنی 15 ستمبر سے 30 ستمبر 2026 تک، ایم ایچ آئی اور اس کے سی پی ایس ای /اے بی ایس  پرانی  (فزیکل) اور الیکٹرانک فائلوں کا جائزہ لے رہے ہیں، ناقابلِ استعمال اشیاء، سکریپ اور ای-ویسٹ کی نشاندہی کر رہے ہیں، اور انہیں مناسب طریقے سے تلف کرنے کے لیے اقدامات کر رہے ہیں۔ ان سرگرمیوں کا مقصد دفتر میں جگہ خالی کرنا، ریکارڈ کے انتظام کو بہتر بنانا اور کام کی جگہوں کو زیادہ صاف ستھرا اور منظم بنانا ہے۔

ای-ویسٹ (الیکٹرانک کچرے) کے انتظام پر خصوصی توجہ

اس سال کے مرکزی موضوع (تھیم) کے مطابق، ایم ایچ آئی کے تحت آنے والے دفاتر اور صنعتی یونٹس میں ای-ویسٹ کی مؤثر جمع آوری، درجہ بندی اور تلفی پر خصوصی توجہ دی جا رہی ہے۔ سی پی ایس ای /اے بی ایس  اپنے متعلقہ اداروں میں پیدا ہونے والے ای-ویسٹ کی نشاندہی کر رہے ہیں اور 'ای-ویسٹ (مینجمنٹ) رولز، 2022' کے مطابق اس کی درجہ بندی اور تلفی کے لیے اقدامات کر رہے ہیں۔

بی ایچ ای ایل  (ایم ایچ آئی کے تحت ایک سی پی ایس ای ) میں 'ای-ویسٹ (مینجمنٹ) رولز، 2022' کے مطابق ای-ویسٹ (الیکٹرانک کچرے) کی جمع آوری، درجہ بندی اور تلفی کے لیے اشیاء کی نشاندہی کی گئی ہے۔

یہ اقدام ای-ویسٹ کے مناسب انتظام کو یقینی بنانے اور وزارت کے تحت آنے والے سی پی ایس ای /اے بی ایس  میں ذمہ دارانہ ویسٹ مینجمنٹ (فضلہ کے انتظام) کے طریقوں کو فروغ دینے میں مددگار ثابت ہوگا۔

دفتری کیمپس اور صنعتی یونٹس میں صفائی مہمات کا بھی منصوبہ بنایا جا رہا ہے۔ ان سرگرمیوں کا مرکز کام کی جگہوں کو صاف، محفوظ اور منظم رکھنا ہوگا، ساتھ ہی صفائی، احتساب اور ذمہ دارانہ ویسٹ مینجمنٹ کے کلچر کی حوصلہ افزائی کی جائے گی۔

24 ستمبر 2026 تک کے تیاری کے مرحلے کے دوران جن اہم اہداف کی نشاندہی کی گئی ہے، وہ درج ذیل ہیں:

دفتری کیمپس اور صنعتی یونٹس میں بڑے پیمانے پر صفائی مہمات کے لیے 272 مقامات کی نشاندہی کی گئی ہے۔

بے ترتیبی اور ناکارہ/پرانے سامان کو ٹھکانے لگا کر 18,22,374 مربع فٹ جگہ خالی کرنے کی نشاندہی کی گئی ہے۔

ریکارڈ کو محفوظ رکھنے کے قواعد کے مطابق، جائزہ لینے اور غیر ضروری فائلوں کو تلف کرنے کے لیے 4,003 فزیکل فائلوں کی نشاندہی کی گئی ہے۔

ڈیجیٹل ریکارڈ مینجمنٹ کو بہتر بنانے کے لیے 51,582 ای-فائلز کو بند کرنے کی نشاندہی کی گئی ہے۔

'ای-ویسٹ (مینجمنٹ) رولز، 2022' کے مطابق ای-ویسٹ کی جمع آوری، درجہ بندی اور تلفی کے لیے 439 اشیاء کی نشاندہی کی گئی ہے۔

وزارت، مہم کی پیش رفت کی نگرانی اور اس کے مؤثر نفاذ کو یقینی بنانے کے لیے سی پی ایس ای /اے بی ایس  کے نوڈل افسران اور اعلیٰ حکام کے ساتھ باقاعدگی سے جائزہ اجلاس منعقد کر رہی ہے۔ ان اجلاسوں میں زیر التواء معاملات کو نمٹانے، صفائی، جگہ کے انتظام اور ای-ویسٹ کے مناسب انتظام پر توجہ مرکوز کی جاتی ہے۔

تیاری کے مرحلے کے دوران، سی پی ایس ای /اے بی ایس  فائل کے جائزے، صفائی مہمات، سکریپ (کباڑ) کو ٹھکانے لگانے، جگہ کے انتظام اور ای-ویسٹ مینجمنٹ سے متعلق اپنی روزانہ کی سرگرمیوں کا ریکارڈ رکھ رہے ہیں۔ 2 اکتوبر سے 31 اکتوبر 2026 تک عمل درآمد کے مرحلے کے لیے تیاریوں کو یقینی بنانے کے لیے وزارت کی طرف سے ان سرگرمیوں کی کڑی نگرانی کی جا رہی ہے۔

ش ح ۔ ال ۔ ع ر

UR-4137

(ریلیز آئی ڈی: 2315150) وزیٹر کاؤنٹر : 6