بھارتی ریلوے نے گجرات کے بھوج اور بہار کے برونی کے درمیان نئی تین روزہ امرت بھارت ایکسپریس شروع کرنے کی منظوری دی ہے۔ نئی ٹرین سروس 2532 کلومیٹر کا فاصلہ طے کرے گی اور گجرات، راجستھان، اتر پردیش اور بہار کے اہم مقامات کو آپس میں جوڑے گی۔

ہفتے میں تین دن چلائی جائے گی

ٹرین نمبر 19427 بھوج-برونی امرت بھارت ایکسپریس بھوج سے 17:30 بجے روانہ ہوگی اور 04:05 بجے برونی پہنچے گی۔ واپسی میں ٹرین نمبر 19428 براونی-بھوج امرت بھارت ایکسپریس براونی سے 23:55 بجے روانہ ہوگی اور 13:15 بجے بھوج پہنچے گی۔

بھوج-برونی سروس پیر، بدھ اور ہفتہ کو چلائی جائے گی، جبکہ براونی-بھوج سروس منگل، جمعرات اور ہفتہ کو چلائی جائے گی۔

اہم اسٹیشنوں کو جوڑا جائے گا

نئی ٹرین سروس کے راستے میں کئی اہم اسٹیشنوں پر تجارتی ٹھہراؤ ہوگا، جن میں سماکھیالی، احمد آباد، رتلام، کوٹا، سوائی مادھوپور، گنگاپور سٹی، بھرت پور، متھرا، ہاتھرس، بریلی، عزت نگر، پیلی بھیت، لکھیم پور، گونڈا، گورکھپور، سیوان، چھپرا، حاجی پور، مظفر پور اور سمستی پور سمیت دیگر اسٹیشن شامل ہیں۔

نئی ٹرین سروس ملک کے مغربی اور مشرقی حصوں کے درمیان ریل سفر کا ایک اضافی متبادل فراہم کرے گی اور گجرات، راجستھان، اتر پردیش اور بہار کے درمیان سفر کرنے والے مسافروں کے لیے رابطے کو مزید بہتر بنائے گی۔

۔۔۔۔۔۔۔۔۔۔۔

ش ح۔ع  و۔ن م۔

U-4077

(ریلیز آئی ڈی: 2314790) وزیٹر کاؤنٹر : 7