نمستے اسکیم کی سوچھتا ادیمی یوجنا (ایس یو وائی) جزو کے تحت دی جانے والی امداد نے آندھرا پردیش کے گنٹور میں کچرا چننے والے جناب چیووری انجانیولو کو اضافی آمدنی حاصل کرنے اور اپنے اہلِ خانہ کی مالی تحفظ کو بہتر بنانے میں مدد کی ہے۔ انھوں نے اپنی اہلیہ اور دو بچوں کی کفالت کے لیے سات سال تک کام کیا۔

شیڈولڈ ٹرائب کمیونٹی کے 25 سالہ رکن، جناب انجانیولو نے کم عمری میں ہی اپنے والدین کے ساتھ کچرا چننے کا کام شروع کر دیا تھا۔ مالی مشکلات کی وجہ سے وہ اسکول نہیں جا سکے۔ انھیں سماجی بھید بھاو کا بھی سامنا کرنا پڑا اور بنیادی سہولیات اور خدمات تک محدود رسائی کے ساتھ زندگی گزاری۔

امداد ملنے سے پہلے، کچرا چننے سے ہونے والی ان کی آمدنی سے گھر کے اخراجات پورے کرنا اور اپنے بچوں کے مستقبل کے لیے منصوبہ بندی کرنا مشکل تھا۔ وہ اپنے اہلِ خانہ کے رہن سہن کے حالات کو بہتر بنانے اور اپنے بچوں کو اچھی تعلیم فراہم کرنے کی خواہش رکھتے تھے۔

19 جون 2023 کو، جناب انجانیولو اور تین دیگر ارکان کو نیشنل صفائی کرمچاریز فنانس اینڈ ڈیولپمنٹ کارپوریشن کے ذریعے ایس یو وائی کے تحت ایک گروپ پروجیکٹ کے لیے امداد ملی۔ پروجیکٹ کی کل لاگت 35 لاکھ روپے تھی، جس میں 17.5 لاکھ روپے کا قرض اور 17.5 لاکھ روپے کی پیشگی سرمائے کی سبسڈی شامل تھی۔

اس امداد نے انھیں اپنی روزی روٹی کو مضبوط بنانے کے قابل بنایا۔ اب وہ اس اسکیم کے ذریعے ماہانہ تقریباًًً 10,000 روپے زیادہ کماتے ہیں، جس سے اہلِ خانہ کو اپنے اخراجات زیادہ آسانی سے پورے کرنے میں مدد ملتی ہے۔

ان کے دو بچے ایک انگریزی میڈیم پرائیویٹ اسکول میں پڑھ رہے ہیں۔ اضافی آمدنی نے انھیں ان کی تعلیم میں مدد کرنے اور ان بہتر مواقع کے لیے کام کرنے میں مدد کی ہے جنھیں وہ طویل عرصے سے فراہم کرنے کی امید کر رہے تھے۔

جناب انجانیولو کے لیے، اس امداد کا مطلب زیادہ اقتصادی استحکام اور ان کے اہلِ خانہ کے لیے زیادہ محفوظ مستقبل ہے۔ ان کا تجربہ ظاہر کرتا ہے کہ روزی روٹی کی امداد تک رسائی کس طرح کچرا چننے والوں کو اپنی آمدنی بہتر بنانے اور اپنی خواہشات کی تکمیل میں مدد کر سکتی ہے۔

***

(ش ح - ع ا)

U.No. 4050

(ریلیز آئی ڈی: 2314558) وزیٹر کاؤنٹر : 9