ٹیکسٹائل  کی وزارت فخر کے ساتھ ‘‘سوچھتا ہی سیوا-2026’’ مہم کے آغاز کا اعلان کرتی ہے، جو روزمرہ کی زندگی میں صفائی ستھرائی کے عزم کو مزید مضبوط کرنے کے لیے ایک ملک گیر پہل ہے۔ اس  مہم کا اہتمام 17 ستمبر سے 2 اکتوبر 2026 تک ٹیکسٹائل  کی وزارت کے تمام اداروں میں کیا جا رہا ہے۔

رواں سال کا موضوع، ‘سوچھتا میں سہ بھاگ، سوچھ بھارت وکست بھارت’، صفائی کو ایک اجتماعی کوشش اور کمیونٹی کی شمولیت کے جشن کے طور پر منانے پر زور دیتا ہے۔ اس موضوع کے تحت، وزارت اور اس کے منسلک ادارے صفائی، ماحولیاتی تحفظ اور شہری بیداری پر مرکوز متعدد اقدامات انجام دیں گے۔ دفتری احاطوں، تعلیمی اداروں کے کیمپس اور عوامی مقامات پر صفائی کی مہم چلائی جائے گی، جس میں ملازمین، طلباء، سول سوسائٹی کے گروپوں، مقامی طبقوں  اور عام عوام کی فعال شرکت کی حوصلہ افزائی کی جائے گی۔

مہم کے آغاز کے ساتھ ہی وزارت نے درج ذیل سرگرمیاں انجام دی ہیں۔

• وزارت ٹیکسٹائل نے 18.09.2026 کو جی پی او اے-3، نیتا جی نگر، نئی دہلی میں موضوعاتی آرٹ پوسٹر سازی کے مقابلے کا انعقاد کیا۔ وزارت کے تمام ڈویژنوں کے سربراہان نے بھی مختلف شعبوں کا دورہ کرکے صفائی ستھرائی کا جائزہ لیا اور ملازمین کو سوچھتا ہی سیوا-2026 کے تحت حفظان صحت کے طور  طریقوں کو اپنانے کی ترغیب دی۔

• سوچھتا ہی سیوا کا بینر وزارت اور اس کے تمام اداروں کی ویب سائٹس کے ڈیش بورڈ پر اپ لوڈ کیا گیا ہے۔

• وزارت اور دیگر اداروں کی دفتری عمارتوں میں نمایاں مقامات پر اسٹینڈیز نصب کر دیے گئے ہیں۔
• وزارت اور دیگر اداروں کی دفتری عمارتوں میں نمایاں مقامات پر سیلفی پوائنٹس بنائے  گئے ہیں۔

سینٹرل کاٹیج انڈسٹریز کارپوریشن آف انڈیا لمیٹڈ

سینٹرل کاٹیج انڈسٹریز کارپوریشن آف انڈیا لمیٹڈ نے 17 ستمبر 2026 کو ایک سوچھتا بیداری سیشن کا انعقاد کیا تاکہ تمام شہریوں کو زندگی میں صفائی کی اہمیت سے آگاہ کیا جا سکے۔

18 ستمبر 2026 کو شو روم کے اندر مختلف مقامات پر صفائی ستھرائی اور پانی کے تحفظ سے متعلق پوسٹرز / وال میسجز آویزاں کیے گئے۔

کاٹن کارپوریشن آف انڈیا لمیٹڈ

سوچھتا ہی سیوا (ایس ایچ ایس) مہم کے تحت، کارپوریشن نے عوامی مقامات کو صاف، پرکشش اور خوش آئند ماحول میں تبدیل کرنے کے لیے جامع سائٹ کو خوبصورت بنانے کے اقدامات کیے۔ شہریوں کو مہم میں حصہ لینے، تصاویر لینے اور سوشل میڈیا پر اپنے تجربات شیئر کرنے کی ترغیب دینے کے لیے خصوصی سیلفی پوائنٹس اور تخلیقی تنصیبات متعارف کرائی گئیں۔ اس پہل نے صفائی ستھرائی سے متعلق بیداری کو فروغ دیا، شہریوں کی شرکت کو بڑھایا اور ایس ایچ ایس مہم کو مزید مقبول بنایا۔

ٹیکسٹائل کمیٹی

سنگل یوز پلاسٹک کو نہ کہنے اور تمام شہریوں کو قدرتی وسائل کے تحفظ کے بارے میں بیدار کرنے کے لیے بیداری مہم کا انعقاد کیا گیا۔

۔۔۔۔۔۔۔۔۔۔۔

ش ح۔ک ح۔ ر ب۔

U-3913

                          

(ریلیز آئی ڈی: 2313439) وزیٹر کاؤنٹر : 12