چھوٹی، بہت چھوٹی اور درمیانی درجے کی صنعتوں کی وزارت (ایم ایس ایم ای)، انتظامی اصلاحات اور عوامی شکایات کے محکمے (ڈی اے آر پی جی) کی نگرانی میں 2 سے 31 اکتوبر 2026 تک منعقد ہونے والی خصوصی مہم 6.0 کے لیے تیاریاں کر رہی ہے۔ اس مہم کا مقصد سرکاری دفاتر میں صفائی ستھرائی اور شہریوں کے تجربے کو بہتر بنانا ہے۔ اس مہم میں ای ویسٹ (بندوبست) ضوابط، 2022 کے مطابق ’’ای ویسٹ کو مؤثر طریقے سے جمع کرنے، الگ کرنے اور ٹھکانے لگانے‘‘ پر خصوصی توجہ دی جائے گی۔ اس کے علاوہ عوام سے براہ راست رابطے میں رہنے والے فیلڈ اور دور دراز کے دفاتر کے ساتھ ساتھ وزارتوں اور محکموں، ان کے منسلک اور ماتحت دفاتر، خود مختار اداروں اور سرکاری شعبے کے اداروں کو بھی مہم میں شامل کیا جائے گا۔

فی الحال تیاری کا مرحلہ (15 سے 30 ستمبر 2026) جاری ہے، جس کے دوران وزارت علاقائی سطح تک اپنے دفاتر کو مہم کے بارے میں آگاہ کر رہی ہے اور مہم کے لیے عملی منصوبہ تیار کر رہی ہے۔ اس کے بعد نفاذ کا مرحلہ (2 سے 31 اکتوبر 2026) شروع ہوگا، جس میں صفائی ستھرائی، ای ویسٹ کو ٹھکانے لگانے، دستاویزات کو ڈیجیٹل شکل دینے، غیر ضروری ریکارڈ کو ختم کرنے، جگہ کے بہتر انتظام اور زیر التوا ارکان پارلیمنٹ کے حوالوں، ریاستی حکومت کے حوالوں، پارلیمانی یقین دہانیوں، وزیر اعظم کے دفتر کے حوالوں اور عوامی شکایات کے ازالے پر توجہ دی جائے گی۔

خصوصی مہم 5.0 کے دوران وزارت اور اس سے وابستہ اداروں-ترقیاتی کمشنر (ایم ایس ایم ای) کا دفتر، کھادی و دیہی صنعت کمیشن، کوائر بورڈ، نیشنل سمال انڈسٹریز کارپوریشن، نیشنل انسٹی ٹیوٹ فار مائیکرو، سمال اینڈ میڈیم انٹرپرائزز اور مہاتما گاندھی انسٹی ٹیوٹ فار رورل انڈسٹریلائزیشن-نے 23,162 دفتری فائلوں کا جائزہ لیا، 4,280 فائلیں تلف کیں، 21,045 مربع فٹ دفتری جگہ خالی کرائی اور 22.89 لاکھ روپے مالیت کا اسکریپ ٹھکانے لگایا۔ اس دوران 1,045 صفائی مہمات کے تحت ارکان پارلیمنٹ کے 81 فیصد سے زیادہ حوالوں اور 99 فیصد عوامی شکایات کا ازالہ کیا گیا۔

مزید یہ کہ خصوصی مہم 5.0 کے تحت پیدا ہونے والی رفتار کو برقرار رکھنے کے لیے ڈی اے آر پی جی کی ہدایات پر عمل کرتے ہوئے وزارت نے اپنے اداروں کو مہم کے مختلف پیمانوں کے تحت سرگرمیاں انجام دینے کی ہدایت دی۔ اس کے نتیجے میں نومبر 2025 سے ستمبر 2026 کے دوران 22,365 عوامی شکایات، 4,850 عوامی شکایات سے متعلق اپیلوں اور ارکان پارلیمنٹ کے 226 حوالوں کا ازالہ کیا گیا۔ جائزے کے بعد 626 فزیکل فائلوں اور 127 ای فائلوں کو تلف کیا گیا اور تقریباً 1,167 مربع فٹ جگہ خالی کرائی گئی۔ مزید برآں، وزارت کے افسران نے فیلڈ دفاتر اور اداروں کا دورہ کرکے عملے کو مہم کے بارے میں آگاہ کیا اور مہم کے تحت ان کی کارکردگی کا جائزہ لیا۔

 

 

ان کامیابیوں کو آگے بڑھاتے ہوئے، وزارت اور اس کے ادارے خصوصی مہم 6.0 کو اسی عزم اور جوش کے ساتھ آگے بڑھانے کے لیے پرعزم ہیں، تاکہ مزید صاف ستھری اور زیادہ جوابدہ حکمرانی کو فروغ دیا جا سکے۔

******

ش ح۔ ع ح۔ ر ب

U.NO: 3860

 

 

(ریلیز آئی ڈی: 2313022) وزیٹر کاؤنٹر : 7