ہندوستان کے ٹیکسٹائل شعبے  نے اگست 2026 میں برآمدات میں  مضبوط شرح ترقی درج کی ، جس میں کل برآمدات سال بہ سال 16.1 فیصد بڑھ کر 29,776 کروڑ روپے ہو گئیں ، جبکہ اگست 2025 میں یہ 25,656 کروڑ روپے تھی ۔ اپریل-اگست 2026 کے دوران ٹیکسٹائل کی مجموعی برآمدات 1.43 لاکھ کروڑ روپے تک پہنچ گئیں ، جو پچھلے سال کی اسی مدت کے مقابلے میں 10.3 فیصد کا اضافہ درج کرتی ہیں ۔

ٹیکسٹائل کے کئی بڑے شعبوں میں ترقی کی بنیاد وسیع تھی ۔ اگست 2026 میں ، سوتی دھاگے ، کپڑے ، میڈ اپس اور ہینڈلوم مصنوعات کی برآمدات میں 24.1 فیصد اضافہ ہوا ، جبکہ انسان ساختہ دھاگے ، کپڑے اور میڈ اپس میں 19.9 فیصد اضافہ ہوا ۔ قالین کی برآمدات میں 15.0 فیصد کا اضافہ ریکارڈ کیا گیا ، جبکہ دستکاری ، ہاتھ سے بنی قالینوں کو چھوڑ کر ، خاص طور پر 41.4 فیصد کا مضبوط اضافہ درج کیا گیا ۔ تمام ٹیکسٹائل کے تیار کپڑوں نے بھی مثبت رفتار برقرار رکھی ، جس میں مہینے کے دوران 6.1 فیصد اضافہ ہوا ۔

اپریل تااگست 2026 کے دوران مجموعی کارکردگی بھی حوصلہ افزا رہی ، کپاس کے کپڑوں میں 18.0 فیصد ، انسان ساختہ کپڑوں میں 13.6 فیصد، قالینوں میں 11.9 فیصد اور دستکاری میں 44.0 فیصد اضافہ ہوا ۔

بڑے شعبوں میں مسلسل ترقی ہندوستان کے ٹیکسٹائل ایکسپورٹ باسکٹ کی بڑھتی ہوئی مسابقت اور تنوع کی عکاسی کرتی ہے ، جسے بہتر مارکیٹ تک رسائی ، پالیسی اقدامات اور ویلیو ایڈیشن اور مارکیٹ تنوع کی طرف مسلسل کوششوں سے اس مقام تک پہنچی ہے ۔ یہ شعبہ مینوفیکچرنگ ، روزگار اور ہندوستان کی مجموعی برآمداتی ترقی میں اہم معاون ہے ۔

****

ش ح۔ع و ۔  ت ع

Urdu No. 3731

(ریلیز آئی ڈی: 2311560) وزیٹر کاؤنٹر : 4