آئندہ 'اسپیشل مہم 6.0'  ان ٹھوس اور نمایاں نتائج پر مبنی ہے جو 'اسپیشل مہم 5.0' (جو 2 اکتوبر سے 31 اکتوبر 2025 تک چلائی گئی تھی) کے دوران حاصل کیے گئے تھے، جہاں محکمہ مالیاتی خدمات نے تمام طے شدہ اہداف حاصل کیے، ملک بھر میں 41,000 سے زائد مقامات کی صفائی کی اور کباڑ کو ٹھکانے لگا کر 3.20 کروڑ روپے کی آمدنی حاصل کی۔

وزارتِ خزانہ کا محکمہ مالیاتی خدمات (ڈی ایف ایس)، اپنے منسلک دفاتر، ماتحت اداروں اور پبلک سیکٹر کے مالیاتی اداروں کے ساتھ مل کر، 2 اکتوبر 2026 سے شروع ہونے والی 'اسپیشل مہم 6.0'  کے آغاز کے لیے مکمل طور پر تیار ہے۔ یہ پہل قدمی تمام انتظامی سطحوں پر 'سوچھتا' کو مستقل نظام کا حصہ بنانے اور دفتری التوا کو کم سے کم کرنے کی حکومتی مہم کا تسلسل ہے۔

اس تسلسل اور رفتار کو برقرار رکھنے کے لیے، محکمہ مالیاتی خدمات نے نومبر 2025 سے اگست 2026 تک کے درمیانی عرصے کے دوران صفائی ستھرائی اور التوا کو کم کرنے کی اپنی مہمات کو جاری رکھا، جس کے تحت ماہانہ پیش رفت کی نگرانی 'ایس سی ڈی پی ایم' پورٹل کے ذریعے کی گئی۔

• صفائی ستھرائی کی مہمات / صاف کیے گئے مقامات / دفاتر: 968
• خالی کی گئی جگہ: 96328 مربع فٹ
• کباڑ کو ٹھکانے لگاکر حاصل ہوئی آمدنی: 102344 روپے
• عوامی شکایات کا ازالہ:14590
• عوامی شکایات کی اپیلوں کا ازالہ: 3987

اسپیشل مہم 6.0 کے لیے ایک تفصیلی روڈ میپ کو حتمی شکل دے دی گئی ہے، اور محکمہ مالیاتی خدمات کے انتظامی کنٹرول میں آنے والے تمام فیلڈ دفاتر، بینکوں اور مالیاتی اداروں کو خصوصی ویڈیو کانفرنسنگ سیشنز اور باضابطہ مراسلوں کے ذریعے فعال طور پر آگاہ اور متحرک کر دیا گیا ہے۔

**********

 

 

 (ش ح –ا ب ن)

U.No:3566

(ریلیز آئی ڈی: 2311170) وزیٹر کاؤنٹر : 5