علاج اور بحالی کے ذریعے منشیات کے استعمال پر قابو پانے کے مثبت اور تبدیلی لانے والے اثرات کو اجاگر کرنے کے لیے سماجی انصاف اور تفویض اختیارات کی وزارت کل شام یہاں قومی راجدھانی میں واقع ڈاکٹر امبیڈکر انٹرنیشنل سینٹر میں ’آشیرواد کا دیا‘ تقریب کا انعقاد کرے گی۔

یہ پروگرام ’سیوا سنکلپ ابھیان‘ کے ایک حصے کے طور پر منعقد کیا جا رہا ہے، جسے حکومتِ ہند سیوا دیوس کے موقع پر شروع کر رہی ہے۔

مرکزی وزیر برائے سماجی انصاف اور تفویض اختیارات ڈاکٹر وریندر کمار اس تقریب کی قیادت کریں گے اور 200 سے 250 ایسے افراد کے ساتھ ’آشیرواد کا دیا‘ روشن کریں گے، جو منشیات کے استعمال سے نجات حاصل کر چکے ہیں اور کامیابی کے ساتھ علاج اور بحالی کے مرحلے سے گزر چکے ہیں۔

تقریب میں شرکت کرنے والے مستفیدین نے محکمہ سماجی انصاف اور تفویض اختیارات کے امداد زر حاصل کرنے والے اداروں اور دہلی-این سی آر اور ملحقہ علاقوں میں منشیات سے نجات کے پروگرام کے تحت کام کرنے والی نشہ علاج سہولتوں کے ذریعے معاونت حاصل کی ہے۔ ان کی شرکت ثابت قدمی، امید اور افراد کو منشیات کے استعمال پر قابو پانے میں مدد دینے کے لیے ادارہ جاتی تعاون کے تبدیلی لانے والے اثرات کی نمائندگی کرے گی۔

وزارت میں منشیات کی روک تھام کے جوائنٹ سکریٹری ڈاکٹر سندیپ آر راٹھور نے کہا کہ یہ پروگرام منشیات کی طلب میں کمی لانے اور متاثرہ افراد کے علاج، بحالی اور انہیں دوبارہ معاشرے کے مرکزی دھارے میں شامل کرنے کے لیے وزارت کے مسلسل عزم کو اجاگر کرے گا۔ انہوں نے کہا کہ صحت یاب ہو چکے منشیات استعمال کرنے والوں کی شرکت کے ذریعے وزارت معاشروں کو ترغیب دینا، بحالی کے پروگراموں کے مثبت نتائج کو نمایاں کرنا اور یہ پیغام مستحکم کرنا چاہتی ہے کہ مسلسل نگہداشت اور اجتماعی تعاون کے ذریعے صحت یابی ممکن ہے۔

 

 

ڈاکٹر راٹھور نے کہا کہ ’آشیرواد کا دیا‘ اقدام حکومت کے اہم پروگراموں سے مستفید ہونے والے افراد کو تسلیم کرتے ہوئے خدمت، احترام اور تشکر کی اقدار کو فروغ دینے کے مقصد سے وضع کیا گیا ہے۔

 

 

انہوں نے کہا کہ دیا روشن کرنا بااختیاری، ثابت قدمی اور وقار کی علامت ہوگا اور ایک صحت مند اور زیادہ جامع ملک کی تعمیر میں اپنا کردار ادا کرنے کے لیے وزارت کے عزم کی تجدید کرے گا۔ انہوں نے مزید کہا کہ یہ اقدام خدمت پر مبنی حکمرانی کے لیے حکومت کے وسیع تر وژن اور سیوا دیوس کے جذبے کی بھی عکاسی کرتا ہے۔

جوائنٹ سکریٹری نے بتایا کہ این اے پی ڈی ڈی آر کے تحت وزارت ریاستی حکومتوں، مرکز کے زیر انتظام علاقوں، غیر سرکاری تنظیموں اور سرکاری اسپتالوں کو احتیاطی تعلیم، بیداری پیدا کرنے، مشاورت، علاج اور بحالی کے لیے مالی امداد فراہم کرتی ہے۔

 

نشہ مکت بھارت ابھیان ایپ

ڈاکٹر راٹھور نے بتایا کہ ملک گیر سطح پر بیداری کی سرگرمیوں کے ذریعے اس مہم نے 34.55 کروڑ سے زائد شہریوں تک رسائی حاصل کی ہے، جن میں 13.71 کروڑ سے زائد نوجوان اور 10.65 کروڑ خواتین شامل ہیں۔ کمیونٹی کی شمولیت کو مزید مستحکم کرنے کے لیے 1.68 لاکھ سے زائد نشہ مکتی متر (این ایم ایم) بھی اس مہم میں شامل ہو چکے ہیں۔ انہوں نے بتایا کہ اس کے علاوہ ملک بھر میں بیداری پیدا کرنے اور عوام تک رسائی کی 31.40 لاکھ سے زائد سرگرمیاں انجام دی گئیں۔

 

این ایم بی اے پورٹل یہ ہے https://www.dosje.gov.in/organisation/nasha-mukt-bharat-abhiyaan/

 

نشہ مکتی متر رجسٹریشن

 

جوائنٹ سکریٹری نے مزید بتایا کہ نشہ مکت بھارت ابھیان (این ایم بی اے) کی چھٹی سالگرہ کی تقریبات میں عوام نے بڑے پیمانے پر شرکت کی۔ انہوں نے کہا کہ یہ کامیابیاں نگہداشت اور بحالی کی سہولتوں کو وسعت دینے، منشیات کے ناجائز استعمال کے خلاف برادریوں کو متحرک کرنے، دیہی ترقی کو آگے بڑھانے اور طلبہ کو تعلیم حاصل کرنے میں معاونت فراہم کرنے کے لیے وزارت کی کوششوں کی عکاسی کرتی ہیں۔

ڈاکٹر راٹھور نے بتایا کہ آج کی تاریخ تک ملک بھر میں نشا مکتی کے لیے کیے گئے کل عہد، بشمول ای-عہد، کی تعداد 3.42 لاکھ سے زیادہ ہے۔

این ایم بی اے حلف ایک ایسا اقدام ہے جس کے تحت منشیات کے ناجائز استعمال سے متاثرہ افراد تک پہنچنے کے لیے رضاکارانہ طور پر خدمات انجام دینے کا عہد کیا جاتا ہے۔ اس حلف کا مقصد ذمہ دارانہ رویے کی حوصلہ افزائی کرنا، لوگوں میں منشیات سے دور رہنے کے لیے ذمہ داری کا احساس پیدا کرنا، اتحاد اور عزم کے جذبے کو فروغ دینا اور متعلقہ فریقوں کو مشترکہ مقصد کے حصول کے لیے مل کر کام کرنے کی ترغیب دینا ہے۔ اس عہد کا مقصد نوجوانوں کو منشیات سے پاک معاشرے کی تشکیل میں فعال طور پر اپنا کردار ادا کرنے کے لیے بااختیار بنانا بھی ہے۔

 

این ایم بی اے ای-حلف

 

این ایم بی اے ای-حلف کا لنک یہ ہے: https://nashamukt.dosje.gov.in/epledge

 

ڈاکٹر راٹھور نے مزید بتایا کہ 1.67 لاکھ سے زائد ماسٹر رضاکاروں، کمیونٹی لیڈروں اور اہلکاروں کو نشے کی شناخت اور نگہداشت کے خصوصی طریقہ کار کے بارے میں تربیت دی گئی ہے۔ انہوں نے مزید کہا کہ ان کوششوں سے منشیات پر انحصار کی شناخت اور نگہداشت کے ضرورت مند افراد کی معاونت کے لیے کمیونٹی کی صلاحیت کو مستحکم کیا گیا ہے۔

انہوں نے کہا کہ علاج تک رسائی کو وسعت دینے کے لیے گزشتہ دو برسوں کے دوران نشہ چھڑانے کی 755 سے زائد نئی سہولتیں قائم کی گئی ہیں، جن میں ضلعی انسداد منشیات مراکز (ڈی ڈی اے سی)، نشے کے علاج کی سہولتیں (اے ٹی ایف) اور جیلوں میں قائم انسداد منشیات مراکز شامل ہیں۔

**********

 

ش ح۔ ف ش ع

 U: 3670

 

(ریلیز آئی ڈی: 2311136) وزیٹر کاؤنٹر : 5