ملازمین کے پروویڈنٹ فنڈ آرگنائزیشن (ای پی ایف او) کے تحت لازمی شمولیت کے لیے ماہانہ اجرت کی حد 15,000 روپے سے بڑھا کر 25,000 روپے کر دی گئی ہے۔ یہ فیصلہ 17 ستمبر 2026 کو وشوکرما جینتی اور سیوا دیوس سے نافذ العمل ہوگا۔ اس کا اعلان آج ایک پریس بریفنگ میں مرکزی وزیر محنت و روزگار اور نوجوانوں کے امور او رکھیل- کود ڈاکٹر منسکھ مانڈویا نے کیا۔ مرکزی کابینہ نے آج ہی اس فیصلے کی منظوری دی ہے، جس سے بڑی تعداد میں مزید ملازمین کے لیے ای پی ایف او کی لازمی شمولیت کا دائرہ وسیع ہونے اور قانونی سماجی تحفظ تک ان کی رسائی بڑھنے کی توقع ہے۔

میڈیا سے خطاب کرتے ہوئے ڈاکٹر منسکھ مانڈویہ نے کہا کہ ای پی ایف او کے تحت لازمی شمولیت کے لیے قانونی اجرت کی حد کو ماہانہ 15,000 روپے سے بڑھا کر 25,000 روپے کرنا، کارکنوں کے سماجی تحفظ کو مضبوط بنانے کی سمت میں ایک اہم قدم ہے۔ نئی اجرت کی حد 17 ستمبر 2026 کو وشوکرما جینتی اور سیوا دیوس کے موقع پر نافذ ہوگی۔ اس سے زیادہ تعداد میں ملازمین کو ای پی ایف او کی متعلقہ اسکیموں کے تحت پروویڈنٹ فنڈ کی بچت، پنشن اور بیمہ تحفظ سے فائدہ اٹھانے کا موقع ملے گا۔

श्रमेव जयते!

माननीय प्रधानमंत्री श्री नरेंद्र मोदी जी का हृदय से आभार। आज उनके नेतृत्व में केंद्रीय मंत्रिमंडल ने EPFO की wage ceiling को ₹15,000 से बढ़ाकर ₹25,000 प्रतिमाह करने का महत्वपूर्ण निर्णय लिया है।

यह निर्णय देश के श्रमिकों को सामाजिक सुरक्षा का व्यापक कवच प्रदान… pic.twitter.com/GzacWuKXco

— Dr Mansukh Mandaviya (@mansukhmandviya) September 16, 2026

ڈاکٹر مانڈویا نے کہا کہ یہ فیصلہ لیبر کوڈز کے تحت تمام کارکنوں کو سماجی تحفظ فراہم کرنے کے حکومت کے عزم کو مزید آگے بڑھائے گا اور روزگار کو باقاعدہ بنانے کے عمل کو بھی تقویت دے گا۔ انہوں نے کہا کہ اجرت کی حد میں ستمبر 2014 سے کوئی تبدیلی نہیں کی گئی تھی، حالاں کہ اس عرصے میں اجرتوں، کم از کم اجرت اور زندگی گزارنے کے اخراجات میں نمایاں اضافہ ہوا ہے۔ اس وقت 15,000 روپے ماہانہ سے زیادہ اجرت پر کسی ادارے میں ملازمت اختیار کرنے والے ملازمین، قابل اطلاق قانونی دفعات کے تابع، لازمی ای پی ایف کے دائرے میں خودکار طور پر شامل نہیں ہوتے۔ انہوں نے کہا کہ نظرثانی شدہ اجرت کی حد کے تحت 15,000 سے 25,000 روپے ماہانہ اجرت حاصل کرنے والے ملازمین لازمی شمولیت کے اہل ہو جائیں گے، جس سے باقاعدہ سماجی تحفظ کا دائرہ مزید وسیع ہوگا۔

اس دائرہ کار میں توسیع کے نتیجے میں قابل اطلاق قانونی دفعات اور متعلقہ اسکیموں کی شرائط کے مطابق، ملازمین کو ای پی ایف او کے زیر انتظام تین اہم اجزا—ملازمین کا پروویڈنٹ فنڈ (ای پی ایف)، ملازمین کی پنشن اسکیم (ای پی ایس) اور ملازمین کی ڈپازٹ لنکڈ انشورنس اسکیم (ای ڈی ایل آئی)—تک رسائی حاصل ہوگی۔ اس سے کارکنوں کے ایک بڑے طبقے کے لیے ریٹائرمنٹ کی بچت، پنشن کا تحفظ اور بیمہ سے منسلک سماجی تحفظ مزید مضبوط ہوگا۔

اس فیصلے سے کارکنوں کو ملازمت میں برقرار رہنے اور افرادی قوت کے استحکام کو بھی تقویت ملنے کی توقع ہے، جبکہ ملازمین کو زیادہ مالی تحفظ حاصل ہوگا۔ آجروں کے لیے بھی زیادہ محفوظ افرادی قوت کو ملازمت میں برقرار رکھنے، افرادی قوت کے استحکام اور حوصلے میں بہتری کا باعث بن سکتی ہے، جس سے مستقبل کے تقاضوں کے لیے زیادہ تیار افرادی قوت تشکیل دینے میں مدد ملے گی۔

Under the leadership of Hon’ble Prime Minister Shri Narendra Modi, the Union Cabinet has approved the enhancement of the EPF wage ceiling from ₹15,000 to ₹25,000 per month.#ExpandingSocialSecurity pic.twitter.com/rWK5Fe1OGB

— Ministry of Labour & Employment, GoI (@LabourMinistry) September 16, 2026

اس تجویز پر بین وزارتی سطح پر تفصیلی صلاح و مشورہ کیا گیا اور 16 جون 2026 کو منعقدہ اجلاس میں اخراجات سے متعلق مالیاتی کمیٹی (ای ایف سی) نے اس کی سفارش کی۔ اجرت کی حد میں اضافے کے نتیجے میں حکومت پر سالانہ تقریباً 11,339 کروڑ روپے کا اضافی مالی بوجھ پڑنے کا اندازہ ہے، جبکہ موجودہ سالانہ بجٹ میں تقریباً 10,250 کروڑ روپے کی امداد مختص ہے۔ پانچ سال کی مدت کے دوران متوقع اخراجات تقریباً 56,696 کروڑ روپے ہوں گے۔

یہ فیصلہ ایک جامع، مستحکم اور مستقبل کے تقاضوں کے لیے تیار سماجی تحفظ کا نظام تشکیل دینے کی سمت میں ایک اور اہم قدم ہے۔ اس کے ذریعے اس امر کو یقینی بنایا جائے گا کہ معاشی ترقی اور باقاعدہ روزگار کے بڑھتے ہوئے مواقع کے ساتھ سماجی تحفظ بھی مزید مضبوط ہو، کیونکہ ہندوستان وکست بھارت@2047 کے ہدف کی جانب آگے بڑھ رہا ہے۔

وزارتِ محنت و روزگار اور ای پی ایف او اس فیصلے پر عمل درآمد کے لیے ضروری قانونی اور انتظامی اقدامات کریں گے۔

 

*****

ش ح۔ م ش  ۔ ص ج

U. N-3651

(ریلیز آئی ڈی: 2311034) وزیٹر کاؤنٹر : 32