سینٹرل بورڈ آف ان ڈائریکٹ ٹیکسز اینڈ کسٹمز (سی بی آئی سی) نے آج نئی دہلی میں ’’اے ای او@10: ایکسلریٹنگ گروتھ ، اینہانسنگ ٹرسٹ ، آپٹیمائزنگ ٹریڈ‘‘ کے عنوان سے یادگاری تقریب کے ساتھ ہندوستان کے آتھرائزڈ اکانومک آپریٹر (اے ای او) پروگرام کی ایک دہائی مکمل ہونے کا جشن منایا ۔

اس یادگاری تقریب میں پالیسی سازوں ، صنعت کے قائدین ، لاجسٹک اسٹیک ہولڈر ، ڈبلیو سی او کے ماہرین اور مجاز اقتصادی آپریٹر پروگرام کی کامیابیوں پر غور کرنے اور اس کے مستقبل کے روڈ میپ تیار کرنے کے لیے جمع ہوئے ۔

سی بی آئی سی کے چیئرمین جناب وویک چترویدی نے مہمان خصوصی کے طور پر اجتماع سے خطاب کرتے ہوئے ہندوستان کی کسٹم انتظامیہ کو عالمی کسٹم تنظیم کے سیف فریم ورک آف اسٹینڈرڈز کے ساتھ منسلکہ جدید ، قابل اعتماد اور سہولت بخش نظام میں تبدیل کرنے میں اے ای او پروگرام کے اہم کردار کی نشاندہی کی ۔

انہوں نے کہا کہ یہ پروگرام رضاکارانہ تعمیل کو فروغ دے کر ، سپلائی چین کے تحفظ کو مضبوط بنا کر اور سامان کی تیزی سے ، زیادہ متوقع سرحد پار نقل و حرکت کو قابل بنا کر ہندوستان کے تجارتی سہولیاتی ڈھانچے کی بنیاد کے طور پر ابھرا ہے ۔  سی بی آئی سی کے چیئرمین نے اگلی دہائی کے لیے پانچ بڑے خیالات کا خاکہ پیش کیا:

• ٹیکنالوجی پر مبنی سہولت
• ایم ایس ایم ای کے لیے بنیادی شمولیت
• ہموار بین ایجنسی ہم آہنگی
• باہمی شناخت کے وسیع تربندوبست کے ذریعے عالمی قیادت اور
• بالواسطہ ٹیکس کے زمروں میں باہمی ربط و ضبط

چیئرمین نے شراکت داروں  پر مرکوز اصلاحات کے لیے سی بی آئی سی کے عزم کو اجاگر کرتے ہوئے اے ای او پورٹل پر خاکہ بند فیڈ بیک رسپانس فارم کے آغاز کا اعلان کیا تاکہ اے ای او اداروں اور دیگر اسٹیک ہولڈر سے مسلسل اور منظم ان پٹ کو قابل بنایا جا سکے ۔

ڈبلیو سی او سیف فریم ورک اور سی بی آئی سی سٹیزن چارٹر کے ستون 2 پر روشنی ڈالتے ہوئے ، انہوں نے اس بات پر زور دیا کہ ایک قابل اعتماد ماحولیاتی نظام کی تعمیر میں تجارت مساوی شراکت دار ہے اور یہ ردعمل مسلسل ہونا چاہیے ۔  انہوں نے اہل مینوفیکچرر امپورٹر (ای ایم آئی) اسکیم کا بھی تذکرہ کیا ، جسے مرکزی وزیر خزانہ نے مرکزی بجٹ کی تقریر میں ایک اہم قدم کے طور پر اجاگر کیا تھا ، جو جلد تعمیل کا موجب بنتی ہے اور اعلیٰ اے ای او درجے کے لیے ایک قدرتی راستہ بناتی ہے ۔

اپنے خطاب میں ممبر (کسٹمز) سی بی آئی سی نے سرکلر نمبر 33/2016-کسٹمز   کے ذریعے موجودہ اے ای او فریم ورک کے نفاذ کے بعد سے کسٹمز کی ٹرانزیکشن پر مبنی نقطہ نظر سے رسک اور اعتماد پر مبنی انتظامیہ کے ماڈل میں تبدیلی کو یاد کیا ۔ انہوں نے اس بات پر زور دیا کہ رضاکارانہ تعمیل سے اچھی حکمرانی کو فروغ ملتا ہے ، سپلائی چین کے خطرے اور لین دین کے اخراجات کم ہوتے ہیں اور یہ کہ سپلائی چین کا تحفظ  ہندوستان کے تجارتی ماحولیاتی نظام کی لچک کے لیے مرکزی حیثیت رکھتاہے ۔  انہوں نے کہا کہ کولکاتہ میں منعقدہ کسٹمز کنسلٹیٹو گروپ کی سالانہ میٹنگ میں اہم بات چیت ، تجارت کی نمائندگی کے ساتھ ، اب زیر غور تجارتی دوستانہ عمل میں کئی بہتریوں سے آگاہ کیا ہے ۔  ان میں تمام علاقوں میں یکساں پروسیسنگ کے لیے یکساں معیاری آپریٹنگ طریقہ؛  درخواست دہندگان اور زونل اے ای او پروگرام منیجروں کے لیے واضح چیک لسٹ ؛ واحد خامی کا نقطہ نظر ؛ مقررہ وقت پر پروسیسنگ؛ درخواست دہندہ کو خامی کے بیانات کی نقل فراہمی؛ مالیاتی سالوینسی پر واضح موقف ؛ اور تجارتی سہولت کاقومی ایکشن پلان کے مطابق سرشار کلائنٹ ریلیشن شپ منیجروں اور تربیت یافتہ توثیق کاروں کو مضبوط کرنا  کار شامل ہے۔

ممبر (کسٹمز) نے یہ بھی بتایا کہ تعمیل کے بوجھ کو کم کرنے کے اسی جذبے کے تحت ، ای ایم آئی اسکیم کے تحت دستاویزات کی ضروریات کو پہلے ہی سرکلر نمبر  39/2026-کسٹمز مورخہ 3 ستمبر 2026 کے ذریعے معقول بنایا جا چکا ہے، اپ لوڈ کیے جانے والے دستاویزات کو دس سے گھٹا کر تین کردیا گیا ، جس کا اطلاق 15 ستمبر 2026 سے ہوگا ۔

اس تقریب میں یادگاری اشاعت ’’اے ڈیک آف اے ای او ان انڈیا: سلیبریٹنگ ٹرسٹڈ ٹریڈ پارٹنرشپ‘‘ کااجراء کیا گیا ، جس میں گزشتہ دس سالوں کے دوران ہندوستان کے اے ای او پروگرام کے ارتقاء ، سنگ میل اور اثرات کو دستاویزی شکل دی گئی ، اور سی بی آئی سی کے افسران ، بین الاقوامی شراکت داروں ، تجارت اور صنعت کے تعاون کو شامل کیا گیا ۔  مستقبل کی اصلاحات کی رہنمائی کے لیے صنعت سے ان پٹ حاصل کرنے کے لیے اے ای او پروگرام پر اسٹیک ہولڈر فیڈ بیک سروے کا بھی اعلان کیا گیا ۔  اس کے علاوہ ، بین الاقوامی تجارت کو محفوظ اور تعمیل کرنے کے لیے ان کے عزم کو تسلیم کرتے ہوئے ، منتخب کاروباروں کو نئے اے ای او سرٹیفکیٹ پیش کیے گئے ۔

اس سے قبل اپنے استقبالیہ خطاب میں ، پرنسپل کمشنر اور نیشنل اے ای او پروگرام منیجر ، ڈاکٹر کویتا بھٹناگر نے اس پروگرام کے آغاز کے بعد سے اس کی قابل ذکر ترقی پر روشنی ڈالی اور قابل اعتماد اور لچکدار تجارتی ماحول کی تعمیر میں کسٹمز اور تجارتی برادری کے درمیان مسلسل تعاون کی اہمیت پر زور دیا ۔

فیڈریشن آف فریٹ فارورڈرز ایسوسی ایشنز ان انڈیا (ایف ایف ایف اے آئی) سمیت سرکردہ صنعتی اداروں کے نمائندوں نے کاروبار کرنے میں آسانی کو بہتر بنانے ، لین دین کے اخراجات کو کم کرنے اور سپلائی چین کے دائرےکو بڑھانے کے لیے اے ای او پروگرام کے اہم تعاون کو سراہا ۔  اے ای او کے سرکردہ اداروں نے بھی اپنے تجربات شیئر کیے ، جس میں کسٹم کلیئرنس میں تیزی ، بہتر کاروباری  کارکردگی اور عالمی کاروباری اعتماد کو مضبوط کرنے جیسے ٹھوس فوائد کو اجاگر کیا گیا ۔

بھارت کا اے ای او پروگرام ، گزشتہ دہائی کے دوران ، سپلائی چین کے مضبوط تحفظ کو برقرار رکھتے ہوئے آسان کسٹم طریقہ کار اور خطرے پر مبنی سہولت کے ساتھ تعمیل کنندہ کاروباروں کو انعام دے کر سی بی آئی سی کے تجارتی سہولیاتی اقدامات کا اہم ستون بن گیا ہے ۔  آج تک درآمد کنندگان ، برآمد کنندگان ، مینوفیکچرر ، کسٹم بروکر ، لاجسٹک آپریٹر اور گودام آپریٹر پر مشتمل 5,967 اداروں کو ٹی 1 ، ٹی 2 ، ٹی 3 اور ایل او زمروں میں اے ای او پروگرام کے تحت تصدیق کی گئی ہے ۔

اس پروگرام نے لاجسٹک چین کی اپنی کوریج کو مستقل طور پر بڑھایا ہے ، درخواست کے عمل کو ڈیجیٹل بنایا ہے ، مخصوص اے ای او سیل قائم کیے ہیں اور ایم ایس ایم ای کے لیے خصوصی سہولت فراہم کرنے والی دفعات متعارف کرائی ہیں ۔   ہندوستان دنیا بھر میں قابل اعتماد تجارتی شراکت داروں کے ساتھ اپنی وابستگی کو بڑھانا جاری رکھے ہوئے ہے ، سی بی آئی سی اسٹیک ہولڈرپر مرکوز اصلاحات، ٹیکنالوجی کو اپنانے ، بین الاقوامی تعاون اور تجارتی اداروں سے مسلسل فیڈ بیک کے ذریعے اے ای او پروگرام کو مزید مستحکم کرنے کے لیے پرعزم ہے ، اس طرح وہ وکست  بھارت @2047 کے مقاصد میں کردار ادا کرتا ہے اور ہندوستان کو عالمی تجارت اور سرمایہ کاری کے لیے تیزی سے ترجیحی مقام عطا کرتاہے ۔

*******

 

) ش ح – م ش ع-  ش ہ ب )

U.No. 3635

 

(ریلیز آئی ڈی: 2310904) وزیٹر کاؤنٹر : 6