સ્ટીલ મંત્રાલય અને તેના સાર્વજનિક ક્ષેત્રના સાહસો (PSUs) 2 થી 31ઓક્ટોબ, 2026 દરમિયાન યોજાનાર વિશેષ ઝુંબેશ 6.0માં ભાગ લેવા માટે તૈયાર છે. આ ઝુંબેશનો ઉદ્દેશ્ય ઈ-કચરાના અસરકારક સંગ્રહ, વર્ગીકરણ અને નિકાલ પર નવેસરથી ભાર મૂકીને સ્વચ્છતા, ટકાઉપણું અને કાર્યક્ષમ શાસન પ્રત્યે મંત્રાલયની પ્રતિબદ્ધતાને વધુ મજબૂત કરવાનો છે.

વિશેષ ઝુંબેશ 5.0 (ઓક્ટોબર 2025) દરમિયાન, મંત્રાલયે તેની કચેરીઓ અને PSUsમાં વ્યાપક પ્રવૃત્તિઓ હાથ ધરી હતી, જેમાં બાકી બાબતોના ઉકેલ, અપ્રસ્તુત ફાઈલોના નિકાલ અને જગ્યાના મહત્તમ ઉપયોગમાં નોંધપાત્ર પ્રગતિ હાસિલ કરી હતી. આ પ્રયાસોએ ટકાઉ રેકોર્ડ સંચાલન અને સુધારેલી સેવા વિતરણ માટે પાયો નાખ્યો હતો.

ઝુંબેશ પછીના સમયગાળામાં, આ ગતિ જાળવી રાખવા માટે સતત પ્રયાસો કરવામાં આવ્યા હતા. જૂના રેકોર્ડ્સ દૂર કરવામાં આવ્યા હતા, ભંગાર નિકાલની પ્રક્રિયાઓને સુવ્યવસ્થિત કરવામાં આવી હતી અને ફરિયાદોનો વધુ કાર્યક્ષમતા સાથે ઉકેલ લાવવામાં આવ્યો હતો, જે સ્વચ્છતા અને વહીવટી કાર્યક્ષમતાને સતત ચાલતી પ્રક્રિયા બનાવવાનો મંત્રાલયનો સંકલ્પ દર્શાવે છે.

વિશેષ ઝુંબેશ 6.0 આ સિદ્ધિઓ પર ચાર પ્રાથમિકતા ધરાવતા ક્ષેત્રો પર વધુ તીવ્ર ધ્યાન કેન્દ્રિત કરીને આગળ વધશે:

· ઈ-કચરાનું સંચાલન: ઈ-વેસ્ટ (મેનેજમેન્ટ) રૂલ્સ, 2022 અનુસાર ઈ-કચરાનો અસરકારક સંગ્રહ અને અલગીકરણ સુનિશ્ચિત કરવું.

· યાંત્રિક સફાઈ પદ્ધતિઓ: સુવિધાઓમાં કાર્યસ્થળની સ્વચ્છતા અને કાર્યક્ષમતા જાળવવા માટે આધુનિક સફાઈ પદ્ધતિઓનો ઉપયોગ વધારવો.

· પેન્ડન્સીનો સમયસર નિકાલ: PMO, રાજ્ય સરકારો, સંસદ અને VIP બાબતો સંબંધિત બાકી સંદર્ભોનો ઉકેલ લાવવો, સાથે જૂની ફાઈલો અને રેકોર્ડ્સનો વ્યવસ્થિત નિકાલ ચાલુ રાખવો.

· જાગૃતિ અને જોડાણ: જાગૃતિ ફેલાવવા અને સ્વચ્છતા ઝુંબેશમાં જાહેર ભાગીદારીને પ્રોત્સાહિત કરવા માટે ડિજિટલ પ્લેટફોર્મ અને આઉટરીચ પ્રવૃત્તિઓનો ઉપયોગ કરવો.

આ ઝુંબેશ બે તબક્કામાં ચલાવવામાં આવશે: પ્રારંભિક તબક્કો (15-30 સપ્ટેમ્બર, 2026), જે દરમિયાન લક્ષ્યાંકો નક્કી કરવામાં આવશે અને પાયાનું કામ કરવામાં આવશે, ત્યારબાદ અમલીકરણ તબક્કો (2-31 ઓક્ટોબર, 2026), જે અમલીકરણ, દેખરેખ અને માપી શકાય તેવા પરિણામો પર ધ્યાન કેન્દ્રિત કરશે.

સ્ટીલ મંત્રાલય કાર્યક્ષમ અને નાગરિક-કેન્દ્રી શાસનના વ્યાપક લક્ષ્યો સાથે સુસંગત રહીને સ્વચ્છતા, ફરિયાદ નિવારણ અને ટકાઉ પદ્ધતિઓમાં નવા ધોરણો સ્થાપિત કરવા માટે પ્રતિબદ્ધ છે.

 

SM/BS/GP/JT

 

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com

(રીલીઝ આઈડી: 2310738) મુલાકાતી સંખ્યા : 7