অঙাং অমা চাউনবা য়োক্নবগীদমক্তা খুঙ্গং অমা চঙই হায়বা অরিবা হায়নবা অমা লৈ। অদুবু মদুগী শেনফম অদু কনানা পুথোক্কদগে হায়বদুদি হায়দে! অপিকপা ইমুং অমনা অনৌবা পুন্সি অমবু তরাম্না ওকপা মতমদা পুন্সিগী মওং-মতৌ হোংলকই: অহিং থেংনা হৌবা, অঙাংগী দাইপর অমসুং ৱাইপস, দোক্তরদা চৎপা, হিদাক-লাংথক, অমসুং নৌনা  পোক্লিবা অঙাং অদুবু নুংশিবা অমসুং য়েংশিনবগা লোয়ননা লৌগদবা অপীকপা ৱারেপ কয়া অমা লৈ। হরাওবা-নুংঙাইবা য়াম্না ফংই, অদুবু থৌদাং অমসুং শেলশু য়াম্না চংই। অঙাং শেন্নবদগী হৌরগা পোক্লবা মতুংগী য়েংশিনবা ফাওবদা, হকশেলগী য়েংশিনবগী পোৎলমশিং অসি য়ুম অদু চাউখৎলকপা মতমদা তঙাইফদবা ওইরক্লি।

 

হিদাক-লাংথক্না চাদিংগী মরুওইবা শরুক অমা ওইরবসু, মসি অনৌবা অঙাং পোকপা, ওপরেসন তৌরবা মতুং নত্রগা অহল ওইরবা মমা-মপা অমসুং ইমুংদা তাংবা মীওই লৈবা ইমুং অমগীদমক্তদি অমুত্তা ঙাইরবা চাদিং নত্তে। মরম অদুনা মমল হোংবা হকশেলগী পোৎলমশিং ফংহন্নবা লৈঙাক্না প্রধান মন্ত্রী ভারতিয়া জনঔসধি পরিয়োজনা (PMBJP) পাকথোক-চাউথোক্লি। লৈবাক শিনবা থুংনা লৈরিবা জনঔসধি কেন্দ্র ২০,০০০+ দগী হেনবগী নেতৱার্ক্কী খুত্থাংদা, খোঙথাং অসিনা ইমুং-মনুংদা মমল হোংবা সর্জিকেল অমসুং হেল্থ কিয়রগী পোৎলমশিং য়ুমদগী নকশিন্না ফংহল্লি।

নহা ওইরিবা ইমুং অমগীদমক্তদি, অঙাং অমা পোকপা অসিনা নুমিৎ খুদিংগী মথৌ তাবা পোৎলমশিংগী অনৌবা তাঙ্কক অমা হৌহল্লি। জনঔসধি বচপনগী খুত্থাংদা, জনঔসধি কেন্দ্রশিংদা ফংবা অঙাংগী পোৎলমশিং, ইমুং-মনুংনা তোঙান-তোঙানবা সাইজগী বেবি দাইপরশিং অমসুং ৱাইপস য়াওনা তঙাইফদবা পোৎলমশিং মমল হোংনা ফংবা ঙম্লি। খুদম ওইনা, বেবি ৱাইপস (পেক অমদা ৱাইপস ২০ য়াওবা) অসি শুপ্নগী লুপা ৪৫দা ফংই, মসিনা খ্বাইদগী তোইনা শিজিন্নবা অঙাংগী পোৎলমশিংগী মমল হোংবা ওপসন অমা পীরি। জনঔসধিগী পোৎলমশিংগী মনুংদা বেবি ফিদিং বোতল (২৫০ এম.এল.), মেন্যুৱেল ব্রেস্ত পম্প, হোত ৱাতর বেগ, ইনফেন্ত ফিদিং ত্যুবনচিংবসু য়াওরি।

য়েংশিনবা শেন্নবগী খোঙচৎ অসিদা মমা ওইবীবুসু য়াওরি। অঙাং পোক্লবা মতুংদা ফগৎলক্নবা মতিক চাবা পোথাবা, সপ্পোর্ত অমসুং হকচাংগী ফীভমদা মীৎয়েং থম্বা মথৌ তাই। পোস্ত-দেলিভরী কিয়রগীদমক জনঔসধি নেতৱার্ক্কী খুত্থাংদা এবদোমিনেল বেল্তশিং ফংলি। অসিগুম্না, লুপা ৫২৫দা ফংবা সর্ভাইকেল পিলোনসু নুংঙাইবা অমসুং সপ্পোর্ত পীরি অমসুং মীরোনবা মতমদা অমসুং মসিগী মতুংদসু কান্নবা পী।

 

চাউখৎলক্লিবা অঙাং অমগী মথৌ তাবশিং অসি অনৌবা পোকপা অঙাং অমগী মথৌ তাবশিংদগী য়াম্না তোঙাল্লি। স্বর হোনবগী অৱাবা অমসুং অতোপ্পা হকশেলগী ফীভমশিংদদি করিগুম্বা মতমদা য়ুমদা ফাওবা সপ্পোর্তকী ওইবা পোৎলমশিং মথৌ তাগনি, মসিনা ইমুং-মনুংগীদমক মমল হোংবা হেল্থকেয়ার দিভাইসশিং ফংবা অসি মরুওইবা ওইহল্লি। জনঔসধি কেন্দ্রশিংনা লুপা ৯৩৭.৫০দা ইলেক্ত্রিকেল নেবুলাইজর মেছিন, অমসুং লুপা ২০০দা ত্যুবিং য়াওবা নেবুলাইজর মাস্ক (অঙাংগী) ফংহল্লি। জনঔসধি কেন্দ্রশিংনা হিদাক-লাংথক খক্তা নত্তনা, মোনিতর তৌবা, ফগৎলকপা অমসুং নুমিৎ খুদিংগী হেল্থকেয়ার য়েংশিনবদা সপ্পোর্ত পীবগী পোৎলমশিংসু ফংহল্লি।

 

চাং নাইনা ব্লদ সুগর য়েংনবা লুপা ৫০০দা গ্লুকোমিতর তেস্ত স্ত্রিপস (স্ত্রিপ ২৫) গুম্বা পোৎলমশিং জনঔসধি নেতৱার্ক্কী খুত্থাংদা ফংলি। ঈদা ওক্সিজেন য়াওবগী চাং য়েংনবা পাল্স ওক্সিমিতরসু, ফংলিবা মেদিকেল দিভাইসশিংগী মনুংদা য়াওরি।

 

মমা-মপা অমসুং ইমুংগী অতৈ মীওইশিংনা অহল ওইরকপা মতমদা, মখোয়বু য়েংশিনবগী মথৌদাং অসি ইমুংগী পুন্সিগী মরুওইবা শরুক অমা ওইরকই। অহল ওইরবশিং, মীদা তাংবা নত্রগা ফমুংদগী হৌগৎপা ঙমদ্রবশিংগীদমক, লুনানবা, নুংঙাইবা, ইকায়খুম্নবা অমসুং নুমিৎ খুদিংগী য়েংশিনবা অসি চপ মান্ননা মরু ওই।

মতম শাংনা নুংশিজরবা ইমুংগী মীওই অমগী হকশেল য়েংশিল্লিবা ইমুং অমগীদমক্তদি, পোৎলমশিং অসি তোইনা লৈবা মথৌ তাগনি। তোইনা শিজিন্নবা হকশেলগী পোৎলমশিংদা খরা ফাওবা তুংশিনবা ঙমবা অসিনা থা অমসুং চহিগী ওইনদি শেন্মিৎলোন্দা অচৌবা তেংবাং অমা ওইবা ঙম্মি। মথৌ তাবা অসি মশক খঙলদুনা, লৈঙাক্না অহলশিংগী দাইপরগীদমক অখন্নবা কাংলুপ অমা ওইরিবা জন ঔসধি স্বাভিমান হৌদোকখ্রে।

মমা-মপা ওইবগী অহানবা নুমীৎশিংদগী হৌরগা অঙাং ওইরিঙৈ ফাওবা, চাং নাইনা হকশেল য়েংশিনবদগী হৌরগা অহল ওইরবা নুংশিজরবশিংবু য়েংশিনবা ফাওবা, ইমুং অমগী হেল্থকেয়ারগী খোঙচৎ অসি লেপ্তনা চত্থৈ, অমসুং মসিগা লোয়নরিবা চাদিংসু লেপতে। সর্জিকেল অমসুং শিজিন্নবা য়াবা পোৎলমশিং য়াওবা জনঔসধিগী কাংলুপ অসিনা মসিগী পাম্বৈ অমা ওইনবা পান্দম থম্লি।

হৌজিক্কী ওইনা নেতৱার্ক অসিগী খুত্থাংদা হাপচিন্নবা থৌরাং তৌরিবা হেল্থকেয়ার অমসুং সপ্পোর্ত-কিয়রগী পোৎলম কয়ানা কাংলুপ অসি মখাতানা পাকথোক-চাউথোক্নবা থৌরাং তৌরি। মসিদা রেঞ্জ ওফ মোসন-নী ব্রেস, ৱাকর (সিত এসিস্ত-তু-স্তেন্দ সপোর্ত), মেদিকেল স্তীম ভেপোরাইজর), ফুত এলিভেতর পিলো, প্রেগনেন্সী বেক সপ্পোর্ত বেল্ত), অমসুং সর্ভাইকেল কোলার য়াওরি।  লাউথোক্লিবা পাকথোক-চাউথোকপা অসিনা হিদাক-লাংথক্কী ৱাংমদা মমল হোংবা হকশেলগী খুদোংচাবশিং পাকথোক-চাউথোকহন্নবা অমসুং তঙাইফদবা হেল্থকেয়ার, চত্থোক-চৎশিন, রিহেবিলিতেসন, অমসুং সপ্পোর্ত-কিয়রগী পোৎলম কয়া অমা মীয়াম পুম্নমক্তা ফংহন্নবা লৈঙাক্না লেপ্তনা হোৎনরিবা অদু উৎলি।

 

রিফরেন্স

কেমিকেল অমসুং ফর্তিলাইজর মন্ত্রালয়

পি.দি.এফ. য়েংনবগীদমক্তা অসিদা ক্লিক তৌবীয়ু

 

***

(রিলিজ আই.দি.: 2310358) ভিজিতর কাউন্তর : 9