قابل رسائی علاج، مشاورت، ہمدردانہ رویے اور بحالی کی مدد سے منشیات پر منحصر افراد اپنی زندگی کو دوبارہ بہتر بنا سکتے ہیں۔ مریناس کا سفر اس بات کی عکاسی کرتا ہے کہ منشیات کی مانگ میں کمی کے لیے قومی ایکشن پلان ( این اے پی ڈی ڈی آر ) کے تحت آسام کے جورہاٹ میں سی او ایس ای ایچ ڈی اے ( کوسیدھا ) کے نشہ چھڑانے کے ضلعی مرکز ( ڈی ڈی اے سی ) کے ذریعے فراہم کی گئی مدد نے اسے صحت یاب ہونے اور زیادہ مستحکم زندگی کی جانب بڑھنے میں کس طرح مدد دی۔

مریناس (نام تبدیل کر دیا گیا ہے)، آسام کے جورہاٹ ضلع سے تعلق رکھنے والا 26 سالہ نوجوان ہے اور دیگر پسماندہ طبقات (او بی سی) سے تعلق رکھتا ہے۔ وہ اس وقت کل وقتی ملازمت کر رہا ہے۔ این اے پی ڈی ڈی آر کے تحت ملنے والی مدد نے اسے منشیات پر انحصار سے نجات پانے، اپنی زندگی کو دوبارہ سنوارنے کے لیے ضروری ہنر سیکھنے اور مالی  طور پر خود کفیل بننے کی جانب بڑھنے میں مدد دی ہے۔

اس کا بچپن مشکل خاندانی حالات اور جذباتی تعاون کی کمی کے درمیان گزرا۔ کم عمری میں والد کے انتقال سے اس کے گھریلو حالات متاثر ہوئے اور اسے اپنی تعلیم چھوڑنی پڑی۔ مناسب دیکھ بھال، رہنمائی اور نگرانی نہ ہونے کی وجہ سے اس نے 11 سال کی عمر میں نشہ آور اشیا ء کا استعمال شروع کر دیا۔

مریناس نے بتایا کہ خاندان کی جانب سے تعاون کی کمی اور معاشرے کی جانب سے محدود قبولیت اور حوصلہ افزائی نے اس کی جذباتی کیفیت کو متاثر کیا۔ ان مشکلات کے باوجود اس نے بھارتی ریزرو بٹالین ( آئی آر بی این ) میں شامل ہونے اور خدمت اور باعزت روزگار کے ذریعے ایک مستحکم مستقبل بنانے کی خواہش برقرار رکھی۔

31 اگست  ، 2025  ء کو اسے این اے پی ڈی ڈی آر کے تحت جورہاٹ میں کوسیدھا کے نشہ چھڑانے کے ضلعی مرکز ( ڈی ڈی اے سی ) کے ذریعے مدد فراہم کی گئی۔ اس مدد میں انتہائی رعایتی شرح پر علاج، مشاورت کی خدمات اور بحالی کے لیے معاونت شامل تھی، تاکہ اسے نشے پر انحصار سے نجات پانے اور اپنی زندگی کو دوبارہ سنوارنے میں مدد مل سکے۔

 

 

مشاورت اور بحالی کے لیے فراہم کی گئی مدد نے اس کی شخصیت کی نشو و نما میں معاونت کی اور اسے اپنی زندگی کو دوبارہ سنوارنے کے لیے ضروری ہنر حاصل کرنے میں مدد دی۔ برادری کی حمایت اور نشے سے بچاؤ کے اقدامات نے اس کی صحت یابی کو مزید مضبوط کیا اور اسے معاشرے میں دوبارہ گھلنے ملنے اور طویل مدتی بحالی کی جانب بڑھنے میں مدد دی۔

علاج، مشاورت، ہمدردانہ رویے اور برادری کی حمایت نے مریناس کو اپنی زندگی دوبارہ سنوارنے اور زیادہ مستحکم مستقبل کی جانب بڑھنے میں مدد دی۔

آج مریناس کل وقتی ملازمت کر رہا ہے۔ آئی آر بی این میں خدمات انجام دینے کی اس کی خواہش اب بھی اس کے مستقبل کی امیدوں کا حصہ ہے۔ اس کا سفر ظاہر کرتا ہے کہ آسانی سے دستیاب علاج، مشاورت اور مسلسل برادری کی حمایت سے منشیات  پر انحصار کرنے والے افراد اپنی زندگی کی سمت دوبارہ متعین کر سکتے ہیں اور زیادہ مستحکم اور بامقصد زندگی کی جانب بڑھ سکتے ہیں۔

 

.................. .

( ش ح ۔ م  م ۔ ع ا )

U. No. 3428

 

(ریلیز آئی ڈی: 2310153) وزیٹر کاؤنٹر : 4