برکس سربراہی اجلاس کے موقع پر بھارت اور ویتنام کے وزرائے اعظم کے درمیان حالیہ اعلیٰ سطحی دو طرفہ ملاقات کے بعد، دفاعی سکریٹری جناب راجیش کمار سنگھ نے 13 ستمبر 2026 کو نئی دہلی میں ویتنام کے نائب وزیرِ قومی دفاع، سینئر لیفٹیننٹ جنرل نگوین ترونگ تھانگ سے ملاقات کی۔ ملاقات میں دوستی کے رشتوں کو مضبوط بنانے، علاقائی سلامتی کو فروغ دینے اور دو طرفہ جامع اسٹریٹجک شراکت داری کو مزید مستحکم کرنے پر توجہ مرکوز کی گئی۔

 

 

بات چیت میں مشترکہ اقدامات کو تیز کرنے، ٹیکنالوجی کے تبادلے اور دفاعی صنعتی تعاون پر توجہ مرکوز کی گئی۔ دونوں فریقوں نے ایک پُرامن، مستحکم اور قواعد پر مبنی علاقائی سلامتی کے نظام کو یقینی بنانے کے لیے بحری اور دفاعی تعلقات کو وسعت دینے کے اپنے مشترکہ عزم کا اعادہ کیا۔

بھارت اور ویتنام نے پیچیدہ سلامتی کے حالات سے نمٹنے کے لیے کثیر فریقی فورم میں قریبی تال میل کی اہمیت پر زور دیا۔ خاص طور پر، دونوں نے آسیان وزرائے دفاع کے اجلاس پلس (اے ڈی ایم ایم-پلس) کے تحت فعال شمولیت کی اہمیت پر روشنی ڈالی۔

دونوں فریقوں نے آسیان کی قیادت میں کام کرنے والے طریقۂ کار کے ذریعے عملی دفاعی تعاون کو مزید مضبوط بنانے کے اپنے مشترکہ عزم کا اعادہ کیا۔ انہوں نے اس بات کا ذکر کیا کہ اے ڈی ایم ایم-پلس کے ماہرین کے ورکنگ گروپس جیسے باہمی تعاون کے پلیٹ فارم علاقائی استحکام برقرار رکھنے اور ہند-بحرالکاہل خطے میں اجتماعی سلامتی کے ڈھانچے تشکیل دینے کے لیے نہایت اہم ہیں۔ دونوں فریقوں نے اگلے دفاعی پالیسی مذاکرات کے انعقاد پر اتفاق کیا، جس کی میزبانی بھارت میں ایرو انڈیا 2027 کے موقع پر کی جائے گی۔

 

 

یہ ملاقات بھارت اور ویتنام کے درمیان دفاعی تعلقات میں بڑھتی ہوئی پیش رفت کی عکاسی کرتی ہے، جو برکس سربراہی اجلاس میں دونوں وزرائے اعظم کی جانب سے پیش کیے گئے اسٹریٹجک وژن کی بنیاد پر مزید آگے بڑھ رہی ہے۔

***********

ش ح۔ ف ش ع

                                                                                                                                       U: 3374

(ریلیز آئی ڈی: 2309732) وزیٹر کاؤنٹر : 4