تجارت و صنعت اور الیکٹرانکس اور اطلاعاتی تکنالوجی کے مرکزی وزیر مملکت جناب جتن پرساد نے ٹانڈہ بیجیشی، پیلی بھیت، اتر پردیش میں 'بی ای ڈی ایف باسمتی اور آرگینک ٹریننگ سینٹر کم ڈیموسٹریشن فارم'  کے سنگِ بنیاد رکھنے کی تقریب کی صدارت کی۔ یہ مرکز ایگریکلچرل اینڈ پروسیسڈ فوڈ پروڈکٹس ایکسپورٹ ڈیولپمنٹ اتھارٹی (اے پی ای ڈی اے) اور باسمتی ایکسپورٹ ڈیولپمنٹ فاؤنڈیشن (بی ای ڈی ایف) کا ایک مشترکہ منصوبہ ہے۔

اس مرکز کو کاشتکاروں اور دیگر شراکت داروں کو عملی مظاہرے اور تکنیکی مدد فراہم کرنے کے لیے ڈیزائن کیا گیا ہے۔ مجوزہ نمائشی فارم میں نوٹیفائیڈ باسمتی اقسام اور باسمتی کی پیداوار سے متعلقہ ٹیکنالوجیز کا احاطہ کیا جائے گا، اس کے ساتھ ساتھ کیڑے مکوڑوں اور بیماریوں کے انتظام، نامیاتی کاشتکاری، نامیاتی مداخل، انٹیگریٹڈ پیسٹ مینجمنٹ اور مربوط غذائی انتظام کے طریقوں کے عملی مظاہرے شامل ہوں گے۔

اجتماع سے خطاب کرتے ہوئے، جناب پرساد نے کہا کہ پیلی بھیت میں باسمتی پیدا کرنے والے ایک بڑے علاقے کے طور پر نمایاں صلاحیت موجود ہے۔ انہوں نے کہا کہ باسمتی اور نامیاتی تربیتی مرکز کے قیام سے کسانوں کو تربیت، معیاری بیجوں اور نامیاتی مداخل تک بہتر رسائی حاصل ہو گی، جبکہ برآمداتی منڈیوں کے ساتھ مضبوط روابط بھی قائم ہوں گے۔

اے پی ای ڈی اے کے چیئرمین، جناب ابھیشیک دیو نے اپنے خطبۂ استقبالیہ میں کہا کہ یہ مرکز کسانوں کو بہتر بیجوں، معیار کے اصولوں، ٹیسٹنگ کی سہولیات، پیکیجنگ اور برآمدی طریقہ کار تک رسائی فراہم کرے گا۔ انہوں نے کہا کہ یہ نمائشی فارم کسانوں کو بہتر باسمتی اور نامیاتی کاشتکاری کے طریقوں کا عملی علم حاصل کرنے کے قابل بھی بنائے گا۔

بھارت کے باسمتی اور نامیاتی زراعت کے ایکو سسٹم میں اتر پردیش ایک اہم مقام رکھتا ہے۔ یہ ریاست باسمتی پیدا کرنے والی ایک نمایاں ریاست ہے اور باسمتی کی برآمدات میں کلیدی کردار ادا کرتی ہے۔ یہ نامیاتی پیداوار میں بھی سرکردہ ریاستوں میں شامل ہے، جو نامیاتی پیداوار کے لحاظ سے ملک میں ساتویں نمبر پر اور نامیاتی کاشتکاری کے تحت رقبے کے لحاظ سے آٹھویں نمبر پر ہے۔

اس مرکز کو کسانوں اور دیگر شراکت داروں کو عملی مظاہرے اور تکنیکی مدد فراہم کرنے کے لیے ڈیزائن کیا گیا ہے۔ مجوزہ نمائشی فارم میں نوٹیفائیڈ باسمتی اقسام اور باسمتی کی پیداوار سے متعلقہ تکنالوجیوں کا احاطہ کیا جائے گا، اس کے ساتھ ساتھ کیڑے مکوڑوں اور بیماریوں کے انتظام، نامیاتی کاشتکاری، نامیاتی مداخل ، انٹیگریٹڈ پیسٹ مینجمنٹ اور مربوط غذائی انتظام کے طریقوں کے عملی مظاہرے شامل ہوں گے۔

یہ سہولت خطے کے لیے موزوں اقسام کی جانچ اور ترقی کے لیے قومی باسمتی ٹرائلز کے ذریعے 'آل انڈیا کوآرڈینیٹڈ رائس امپروومنٹ پروگرام' (اے آئی سی آر ئی پی) کو بھی مدد فراہم کرے گی۔

بیجوں کی افزائش کا ایک کلی طور پر وقف مرکز شراکت داروں کے لیے مستند اور معیاری باسمتی بیجوں کی اقسام کی دستیابی کو آسان بنائے گا۔ اس کی سرگرمیوں میں بریڈر سیڈ کی پیداوار اور باسمتی کی اہم اقسام کی افزائش شامل ہوگی، جس میں فاؤنڈیشن سیڈ، سرٹیفائیڈ سیڈ اور ٹروتھ فل سیڈ کی تیاری، اور ساتھ ہی کسان پروڈیوسر تنظیموں (ایف پی اوز)، بیجوں کی افزائش کرنے والوں اور سرکاری ایجنسیوں کے لیے سورس سیڈ کی دستیابی شامل ہے۔ باسمتی کی اقسام کو خالص رکھنے کے لیے مینٹیننس بریڈنگ کا کام بھی کیا جائے گا۔

یہ مرکز روزگار کے مواقع پیدا کرنے کے مقصد سے کسانوں اور نوجوانوں کو بیجوں کی پیداوار کی عملی تربیت فراہم کرے گا۔ یہ فارمر پروڈیوسر تنظیموں، صنعت کاروں اور اسٹارٹ اپس کو ان کی پیداوار کی برآمد کے لیے صلاحیت سازی اور ہر قدم پر مدد بھی فراہم کرے گا۔

کاشتکاروں کو کھیت سے متعلق مسائل کے لیے آن لائن اور فون پر تکنیکی مدد فراہم کی جائے گی، ساتھ ہی ریاستی حکومت کے توسیعی کارکنوں کو بھی تکنیکی معاونت دی جائے گی۔ نیشنل سینٹر فار آرگینک اینڈ نیچرل فارمنگ (این سی او این ایف) کے تعاون سے نامیاتی اور حیاتیاتی مداخل کی پیداوار پر تربیت فراہم کی جائے گی۔ یہ مرکز نامیاتی سرٹیفیکیشن کے لیے رجسٹریشن کے طریقہ کار اور اس سے متعلقہ ضروریات پر بھی تربیت فراہم کرے گا۔

تجارت و صنعت اور الیکٹرانکس و اطلاعاتی تکنالوجی کے مرکزی وزیر مملکت، حکومت ہند، جناب جتن پرساد، اس تقریب میں مہمانِ خصوصی تھے۔ حکومتِ اتر پردیش کے وزیر زراعت، زرعی تعلیم اور تحقیق، شری سوریا پرتاپ شاہی، مہمانِ اعزازی تھے۔ اس پروگرام میں کاشتکاروں، برآمد کنندگان، مہمانوں اور دیگر شراکت داروں نے شرکت کی، جس میں شرکاء کی تعداد تقریباً 8,000 تھی۔

پروگرام کے ایک حصے کے طور پر 23 اسٹالز پر مشتمل ایک نمائش بھی لگائی گئی، جس میں باسمتی اور نامیاتی مصنوعات اور شریک تنظیموں کی سرگرمیوں کو پیش کیا گیا، جن میں اے پی ای ڈی اے، بی ای ڈی ایف، اے آئی آر ای اے، این سی او ایل، خوراک ڈبہ بندی کی صنعتوں کی وزارت (ایم او ایف پی آئی)، نابارڈ، ٹی بورڈ، اسپائسز بورڈ، ٹرمرک بورڈ، ڈائریکٹوریٹ جنرل آف فارن ٹریڈ (ڈی جی ایف ٹی)، فیڈریشن آف انڈین ایکسپورٹ آرگنائزیشنز (ایف آئی ای او) اور ڈسٹرکٹ ایگریکلچر ڈیپارٹمنٹ (شامل تھے۔

اس پہل قدمی کے ذریعے، اے پی ای ڈی اے کسانوں، ایف پی اوز، برآمد کنندگان اور دیگر شراکت داروں کے ساتھ مل کر جدید پیداواری طریقوں کو فروغ دینے، معیار اور قواعد و ضوابط کی تعمیل کو بہتر بنانے اور بین الاقوامی منڈیوں تک وسیع تر رسائی کو آسان بنانے کے لیے کام کرے گا۔ اس مرکز کا مقصد باسمتی کی پیداوار، نامیاتی کاشتکاری اور برآمدات کے درمیان روابط کو مضبوط بنانا ہے، اور زرعی برآمدات کے ایکو سسٹم میں کسانوں اور دیگر شراکت داروں کی زیادہ سے زیادہ شرکت کی حمایت کرنا ہے۔

**********

 (ش ح –ا ب ن)                                                                                                                                             

U.No:3239

(ریلیز آئی ڈی: 2308547) وزیٹر کاؤنٹر : 13