مالی رکاوٹیں اعلیٰ تعلیم اور تعلیمی تحقیق کے حصول کو خاص طور پر مشکل بنا سکتی ہیں ۔ معاشی طور پر پسماندہ خاندانوں کے اسکالرز کے لیے فیلوشپ کی امداد تحقیق کو جاری رکھنے اور طویل مدتی تعلیمی امنگوں کو پورا کرنے کے لیے درکار استحکام اور وسائل فراہم کر سکتی ہے ۔

نیشنل فیلوشپ فار شیڈیولڈ کاسٹ اسٹوڈنٹس (این ایف ایس سی) اسکیم کے تحت فراہم کی جانے والی معاونت کے اثرات کی ایک نمایاں مثال مغربی بنگال کے جنوبی 24 پرگنہ ضلع سے تعلق رکھنے والی 33 سالہ محققہ محترمہ منیکا منڈل ہیں، جنہوں نے مالی مشکلات اور تعلیمی وسائل کی محدود دستیابی کے باوجود کامیابی سے پی ایچ ڈی مکمل کی۔ ان کا یہ سفر اس بات کی عکاسی کرتا ہے کہ اعلیٰ تعلیم کے میدان میں وظائف اور مالی معاونت محققین کو معاشی اور سماجی رکاوٹوں پر قابو پانے اور اپنے تعلیمی مقاصد حاصل کرنے کے قابل بنانے میں کس قدر اہم کردار ادا کرتی ہے۔

این ایف ایس سی اسکیم کے تحت مالی معاونت حاصل کرنے سے قبل منیکا کو شدید مالی مشکلات کا سامنا تھا۔ جس سے ان کی اعلیٰ تعلیم اور تحقیقی سرگرمیاں متاثر ہو رہی تھیں۔ ان کے خاندان کی مالی حالت غیر مستحکم تھی اور تعلیمی اخراجات پورے کرنا دشوار تھا، جس کے باعث ان کے لیے اعلیٰ تعلیم کا سلسلہ جاری رکھنا اور اپنی تحقیقی سرگرمیوں کو برقرار رکھنا مشکل ہو رہا تھا۔

معاشی مشکلات اور علمی وسائل تک محدود رسائی نے ان کی راہ میں مزید تعلیمی اور سماجی رکاوٹیں کھڑی کر دی تھیں۔ ڈاکٹریٹ کی تحقیق سے وابستہ اخراجات نے خاندان پر مالی دباؤ مزید بڑھا دیا تھا، جبکہ وسائل کی کمی کے باعث مانیکا کے لیے اپنے علمی مقاصد کو پورے اعتماد اور تسلسل کے ساتھ آگے بڑھانا دشوار ہو گیا تھا۔

ان تمام مشکلات کے باوجود منیکا نے پی ایچ ڈی مکمل کرنے کا عزم برقرار رکھا۔ ان کی خواہش صرف ڈاکٹریٹ کی سند حاصل کرنے تک محدود نہیں تھی، بلکہ وہ تعلیم کے ذریعے معاشرے کی خدمت کرنا اور اپنے علمی سفر کو مثبت تبدیلی لانے کا ذریعہ بنانا چاہتی تھیں۔

اپریل 2017 میں منیکا کو این ایف ایس سی اسکیم کے تحت وظیفہ ملنا شروع ہوا۔ انہوں نے تقریباً 20 لاکھ روپے کی مالی معاونت حاصل کی۔ اس معاونت سے ان کی پی ایچ ڈی کی تعلیم اور تحقیقی کام کو سہارا ملا، جبکہ ان مالی مشکلات اور تعلیمی وسائل کی کمی کو دور کرنے میں بھی مدد ملی جن کی وجہ سے اس سے قبل ان کی تعلیمی پیش رفت متاثر ہو رہی تھی۔

اس وظیفے سے ان کے خاندان پر تحقیق اور تعلیم سے متعلق اخراجات کا بوجھ کم ہوا۔ اس نے انہیں ڈاکٹریٹ کی تحقیق جاری رکھنے کے لیے درکار مالی استحکام فراہم کیا اور اپنے طویل مدتی علمی مقاصد پر توجہ مرکوز رکھنے کے قابل بنایا۔

این ایف ایس سی اسکیم کے تحت مسلسل معاونت کی بدولت منیکا ان رکاوٹوں پر قابو پانے میں کامیاب ہوئیں جو ان کی اعلیٰ تعلیم کی راہ میں حائل تھیں، اور انہوں نے کامیابی سے پی ایچ ڈی مکمل کی۔ یہ کامیابی ان کے ایک اہم ذاتی اور علمی مقصد کی تکمیل تھی، جو کبھی ان کے خاندان کے مالی حالات کے باعث دشوار دکھائی دیتا تھا۔

اس وقت منیکا پی ایچ ڈی مکمل کر چکی ہیں۔ ان کی یہ علمی کامیابی اس بات کی واضح مثال ہے کہ بروقت مالی معاونت اور وظائف محدود مالی وسائل رکھنے والے خاندانوں سے تعلق رکھنے والے محققین کو اعلیٰ تعلیم کے حصول، تحقیق کی تکمیل اور علم و تعلیم کے ذریعے معاشرے کی خدمت کے اپنے مقصد کے قریب پہنچنے میں کس طرح مدد دے سکتے ہیں۔

منیکا کا سفر اعلیٰ تعلیم تک رسائی کو وسعت دینے اور درج فہرست ذاتوں سے تعلق رکھنے والے محققین کی علمی ترقی میں معاونت فراہم کرنے میں این ایف ایس سی اسکیم کے اہم کردار کو اجاگر کرتا ہے۔ ان کی کامیابی اس عزم و حوصلے کی مثال ہے جسے ادارہ جاتی معاونت اور تعلیمی مواقع نے مزید مضبوط بنایا۔

***

) ش ح ۔ م ح۔ش ت)

U.No. 3122

(ریلیز آئی ڈی: 2307596) وزیٹر کاؤنٹر : 8