సంస్థ వ్యాప్తంగా కార్యాలయ పరిశుభ్రతను మెరుగుపరచడం, సుస్థిరతను ప్రోత్సహించడం, కార్యాచరణ సామర్థ్యాన్ని మెరుగుపరచడం పట్ల తన నిబద్ధతను పునరుద్ఘాటిస్తూ... భారత ప్రభుత్వ పరిపాలనా సంస్కరణలు, ప్రజా ఫిర్యాదుల విభాగం ఆధ్వర్యంలో ‘వ్యర్థాల నుంచి సంపద’, బొగ్గు మంత్రిత్వ శాఖ ఆధ్వర్యంలో ‘ఇ-వ్యర్థాల నిర్వహణ’ అనే అంశాల కింద ప్రత్యేక ప్రచారం-6.0ను ఈస్టర్న్ కోల్‌ఫీల్డ్స్ లిమిటెడ్ (ఈసీఎల్) సంస్థ ప్రారంభించింది.

 

 

నాలుగు కీలక రంగాలైన ఇ-వ్యర్థాల నిర్వహణ, పెండింగ్‌ను తగ్గించడం, స్థల వినియోగాన్ని మెరుగుపరచడం, డిజిటలైజేషన్ ద్వారా ఇ-వ్యర్థాల సమర్థ సేకరణ, విభజన, డిస్పోజల్ ప్రక్రియలపై ఈ ప్రచారం ప్రధానంగా దృష్టి సారిస్తుంది. దీనికోసం ఒక సమగ్ర కార్యాచరణ ప్రణాళికను రెండు దశల్లో అమలు చేయనున్నారు. సన్నాహక దశను ఈ నెల 15 నుంచి 30 వరకు, ఆ తర్వాతి అమలు దశను అక్టోబర్ 2 నుంచి 31 వరకు చేపట్టనున్నారు.

ఈ ప్రచారాన్ని ఈసీఎల్ సంస్థ సీఎండీ శ్రీ సతీష్ ఝా అధికారికంగా ప్రారంభించారు. ఈ సందర్భంగా ఏర్పాటు చేసిన సమావేశాన్ని ఉద్దేశించి శ్రీ ఝా మాట్లాడుతూ... ప్రత్యేక ప్రచారం-6.0 లక్ష్యాలను సాధించడంలో సమష్టి భాగస్వామ్య ప్రాముఖ్యతను స్పష్టం చేశారు. ప్రచార కార్యక్రమాన్ని విజయవంతంగా అమలు చేయడం కోసం చురుకైన, అర్థవంతమైన సహకారం అందించాలని ఉద్యోగులకు ఆయన పిలుపునిచ్చారు.

 

 

ఈ ప్రారంభోత్సవ కార్యక్రమానికి డైరెక్టర్ (ఫైనాన్స్) శ్రీ మహమ్మద్ అన్జర్ ఆలం, డైరెక్టర్ (హెచ్‌ఆర్) శ్రీ గుంజన్ కుమార్ సిన్హా, డైరెక్టర్ (టెక్నికల్/పి&పి) శ్రీ గిరీష్ గోపినాథన్ నాయర్, డైరెక్టర్ (టెక్నికల్/ఆపరేషన్స్) శ్రీ చిత్రరంజన్ కుమార్, ఈ ప్రత్యేక ప్రచారం-6.0 నోడల్ ఆఫీసర్ శ్రీ నజ్రుల్ ఇస్లాం, జనరల్ మేనేజర్ (హెచ్‌ఆర్) లతో పాటు ప్రధాన కార్యాలయం నుంచి హెచ్‌ఓడీలు, వివిధ ప్రాంతాల జనరల్ మేనేజర్లూ హాజరయ్యారు.

ప్రత్యేక ప్రచారం-6.0 కింద ఎలక్ట్రానిక్ వ్యర్థాల క్రమబద్ధమైన సేకరణ, విభజన, బాధ్యతాయుత పరిశుభ్రత కోసం 'ఈ రోజు చర్య తీసుకోండి, రేపు ప్రభావం చూపండి' అనే నినాదంతో ఈసీఎల్ ప్రత్యేక చర్యలు చేపడుతోంది. పార్లమెంట్ సభ్యులు, రాష్ట్ర ప్రభుత్వాలు సహా వివిధ భాగస్వాముల నుంచి అందిన ఫిర్యాదుల్లో పెండింగ్‌లో ఉన్న ప్రజా ఫిర్యాదులు, అప్పీళ్లు, సూచనలు, సమాచారాలను సకాలంలో పరిష్కరించేందుకు చేసే ప్రయత్నాలనూ ఇది బలోపేతం చేస్తుంది.

 

***

(రిలీజ్ ఐడి: 2306834) సందర్శకుల సూచీ సంఖ్య : : 7