ਵਿੱਤ ਮੰਤਰਾਲੇ ਵਿੱਚ ਵਿੱਤੀ ਸੇਵਾਵਾਂ ਵਿਭਾਗ (ਡੀਐੱਫਐੱਸ) ਸਕੱਤਰ ਸ਼੍ਰੀ ਸੰਜੈ ਲੋਹੀਆ ਦੀ ਪ੍ਰਧਾਨਗੀ ਹੇਠ 02.09.2026 ਨੂੰ ਜਨਤਕ ਖੇਤਰ ਦੀਆਂ ਸਧਾਰਣ ਬੀਮਾ ਕੰਪਨੀਆਂ (PSGICs) ਦੀ ਇੱਕ ਪ੍ਰਦਰਸ਼ਨ ਸਮੀਖਿਆ ਬੈਠਕ ਆਯੋਜਿਤ ਕੀਤੀ ਗਈ। ਇਸ ਬੈਠਕ ਵਿੱਚ ਪੀਐੱਸਜੀਆਈਸੀ ਦੇ ਵਿੱਤੀ ਅਤੇ ਕਾਰੋਬਾਰੀ ਪ੍ਰਦਰਸ਼ਨ ਦੀ ਸਮੀਖਿਆ ਕੀਤੀ ਗਈ, ਜਿਸ ਵਿੱਚ ਸਾਰੇ ਕਾਰੋਬਾਰੀ ਖੇਤਰਾਂ (LoBs) ਵਿੱਚ ਬੀਮਾ ਪ੍ਰਦਰਸ਼ਨ, ਪ੍ਰਮੁੱਖ ਪ੍ਰਦਰਸ਼ਨ ਸੰਕੇਤਾਂ (KPIs), ਡਿਜੀਟਲ ਪਹਿਲਕਦਮੀਆਂ ਅਤੇ ਕੰਪਨੀਆਂ ਦੇ ਹੋਰ ਲਾਗੂਕਰਨ ਨਾਲ ਜੁੜੇ ਮੁੱਦੇ ਸ਼ਾਮਲ ਸਨ।

ਸਕੱਤਰ ਮਹੋਦਯ ਨੇ ਪੀਐੱਸਜੀਆਈਸੀ ਨੂੰ ਲਾਭਕਾਰੀ ਕਾਰੋਬਾਰੀ ਖੇਤਰਾਂ ‘ਤੇ ਆਪਣਾ ਧਿਆਨ ਕੇਂਦ੍ਰਿਤ ਕਰਨ ਅਤੇ ਇਨਕਰਡ ਕਲੇਮ ਰੇਸ਼ੋ (ਆਈਸੀਆਰ) ਨੂੰ ਘਟਾਉਣ ਲਈ ਉਚਿਤ ਉਪਰਾਲੇ ਅਪਣਾਉਣ ਦੀ ਸਲਾਹ ਦਿੱਤੀ। ਸੂਚਨਾ ਤਕਨਾਲੋਜੀ ਅਤੇ ਹੋਰ ਡਿਜੀਟਲ ਪਹਿਲਕਦਮੀਆਂ ‘ਤੇ ਖਰਚ ਨੂੰ ਅਨੁਕੂਲਿਤ ਕਰਦੇ ਹੋਏ, ਤਕਨਾਲੋਜੀ ਦੀ ਵਧੇਰੇ ਵਰਤੋਂ ਅਤੇ ਤੁਰੰਤ ਡਿਜੀਟਾਈਜ਼ੇਸ਼ਨ ‘ਤੇ ਵੀ ਜ਼ੋਰ ਦਿੱਤਾ ਗਿਆ।
ਸਕੱਤਰ ਨੇ ਵੱਖ-ਵੱਖ ਬੀਮਾ ਉਤਪਾਦਾਂ ਬਾਰੇ ਜਾਗਰੂਕਤਾ ਵਧਾਉਣ ਅਤੇ ਘੱਟ ਸੇਵਾ ਪ੍ਰਾਪਤ ਖੇਤਰਾਂ ਅਤੇ ਵਰਗਾਂ ਵਿੱਚ ਪੀਐੱਸਜੀਆਈਸੀ ਦੀ ਪਹੁੰਚ ਵਧਾਉਣ ਲਈ ਸੋਸ਼ਲ ਮੀਡੀਆ ਅਤੇ ਹੋਰ ਮੰਚਾਂ ਸਮੇਤ ਸੰਚਾਰ, ਪ੍ਰਚਾਰ ਅਤੇ ਗ੍ਰਾਹਕ ਸੰਪਰਕ ਵਿੱਚ ਸੁਧਾਰ ਦੀ ਜ਼ਰੂਰਤ ‘ਤੇ ਵੀ ਜ਼ੋਰ ਦਿੱਤਾ।

ਸਕੱਤਰ ਮਹੋਦਯ ਨੇ ਕੰਪਨੀਆਂ ਨੂੰ ਬੀਮਾ ਕਵਰੇਜ ਅਤੇ ਘਣਤਾ ਵਧਾਉਣ ਦੇ ਨਾਲ-ਨਾਲ ਸੁਰੱਖਿਆ ਪਾੜੇ ਨੂੰ ਘੱਟ ਕਰਨ ਦੀ ਸਲਾਹ ਦਿੱਤੀ। ਉਨ੍ਹਾਂ ਨੇ ਸਾਰੀਆਂ ਪੀਐੱਸਜੀਆਈਸੀਜ਼ ਵਿੱਚ ਇੱਕ ਮਜ਼ਬੂਤ ਅਤੇ ਮਿਆਰੀ KPIs ਫ੍ਰੇਮਵਰਕ ਰਾਹੀਂ ਪ੍ਰਦਰਸ਼ਨ ਨਿਗਰਾਨੀ ਨੂੰ ਮਜ਼ਬੂਤ ਕਰਨ ਦੀ ਜ਼ਰੂਰਤ ‘ਤੇ ਵੀ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਸਲਾਹ ਦਿੱਤੀ ਕਿ ਕੇਪੀਆਈ ਕੰਪਨੀਆਂ ਦੇ ਵਿੱਤੀ ਅਤੇ ਗੈਰ-ਵਿੱਤੀ ਪ੍ਰਦਰਸ਼ਨ ਦਾ ਇੱਕ ਬਰਾਬਰ ਅਤੇ ਤੁਲਨਾਤਮਕ ਮੁਲਾਂਕਣ ਯਕੀਨੀ ਕਰਨ ਅਤੇ ਇਨ੍ਹਾਂ ਦੀ ਸਮੀਖਿਆ ਤਿੰਨ-ਮਹੀਨਿਆਂ ਦੇ ਅਧਾਰ ‘ਤੇ ਕੀਤੀ ਜਾਣੀ ਚਾਹੀਦੀ ਹੈ। ਸਕੱਤਰ (ਡੀਐੱਫਐੱਸ) ਨੇ ਪੀਐੱਸਜੀਆਈਸੀ ਨੂੰ ਗ੍ਰਾਹਕਾਂ ਦੀਆਂ ਸ਼ਿਕਾਇਤਾਂ ਦੇ ਜਲਦੀ ਨਿਪਟਾਰੇ ਨੂੰ ਯਕੀਨੀ ਬਣਾਉਣ ਅਤੇ ਨਿਪਟਾਰੇ ਦੀ ਗੁਣਵੱਤਾ ‘ਤੇ ਵੀ ਧਿਆਨ ਕੇਂਦ੍ਰਿਤ ਕਰਨ ਦੀ ਸਲਾਹ ਦਿੱਤੀ।

ਇਸ ਬੈਠਕ ਵਿੱਚ ਸ਼੍ਰੀਮਤੀ ਰਾਜੇਸ਼ਵਰੀ ਸਿੰਘ ਮੁਨੀ, ਸੀਐੱਮਡੀ (ਐੱਨਆਈਸੀਐੱਲ), ਸ਼੍ਰੀ ਭੂਪੇਸ਼ ਐੱਸ. ਰਾਹੁਲ, ਸੀਐੱਮਡੀ (ਯੂਆਈਆਈਸੀਐੱਲ), ਸ਼੍ਰੀ ਸੰਜੈ ਜੋਸ਼ੀ, ਸੀਐੱਮਡੀ (ਓਆਈਸੀਐੱਲ), ਡਾ. ਲਾਵਣਯ ਆਰ. ਮੁੰਡਾਯੂਰ, ਸੀਐੱਮਡੀ (ਏਆਈਸੀਆਈਐੱਲ), ਸ਼੍ਰੀ ਐੱਸ. ਸਿਵਾਸੰਕਰ, ਈਡੀ (ਐੱਨਆਈਏਸੀਐੱਲ) ਅਤੇ PSGICs ਦੇ ਹੋਰ ਸੀਨੀਅਰ ਅਧਿਕਾਰੀ ਵੀ ਮੌਜੂਦ ਸਨ। ਬੈਠਕ ਵਿੱਚ ਡੀਐੱਫਐੱਸ ਵੱਲੋਂ ਵਧੀਕ ਸਕੱਤਰ ਡਾ. ਦੇਬਾਸੀਸ਼ ਪਰੂਸਟੀ (by Dr. Debasish Prusty) ਅਤੇ ਵਿਭਾਗ ਦੇ ਹੋਰ ਸੀਨੀਅਰ ਅਧਿਕਾਰੀ ਮੌਜੂਦ ਸਨ।           
 

**************

ਐੱਸਆਰ/ਏਡੀ/ ਏਕੇ

(Release ID: 2306358) ਵਿਜ਼ੀਟਰ ਕਾਊਂਟਰ : 4