ਨੈਸ਼ਨਲ ਲੈਂਡ ਮੋਨੇਟਾਈਜ਼ੇਸ਼ਨ ਕਾਰਪੋਰੇਸ਼ਨ (ਐੱਨਐੱਲਐੱਮਸੀ), ਭਾਰਤ ਸਰਕਾਰ ਦੀ ਪੂਰੀ ਮਲਕੀਅਤ ਵਾਲਾ ਅਤੇ ਵਿੱਤ ਮੰਤਰਾਲੇ ਦੇ ਜਨਤਕ ਉੱਦਮ ਵਿਭਾਗ (ਡੀਪੀਈ) ਦੇ ਪ੍ਰਸ਼ਾਸਨਿਕ ਕੰਟਰੋਲ ਵਿੱਚ ਆਉਣ ਵਾਲਾ, ਨੇ ਆਂਧਰ ਪ੍ਰਦੇਸ਼ ਦੇ ਵਿਸ਼ਾਖਾਪਟਨਮ ਸਥਿਤ ਰਾਸ਼ਟਰੀਯ ਇਸਪਾਤ ਨਿਗਮ ਲਿਮਿਟੇਡ (ਆਰਆਈਐੱਨਐੱਲ-ਵਿਸ਼ਾਖਾਪਟਨਮ ਸਟੀਲ ਪਲਾਂਟ) ਦੀ ਰਣਨੀਤਕ ਤੌਰ ‘ਤੇ ਮਹੱਤਵਪੂਰਨ ਲੈਂਡ ਪਾਰਸਲ ਦੀ ਈ-ਨੀਲਾਮੀ ਦਾ ਐਲਾਨ ਕੀਤਾ ਹੈ।

ਕੁੱਲ 93,572.21 ਵਰਗ ਗਜ਼ ਖੇਤਰਫਲ ਵਿੱਚ ਫੈਲੇ 459 ਲੈਂਡ ਪਾਰਸਲਾਂ ਦਾ ਇੱਕ ਪੋਰਟਫੋਲੀਓ ਸਪਸ਼ਟ ਅਤੇ ਬੋਝ-ਮੁਕਤ ਸਰਕਾਰੀ ਦਸਤਾਵੇਜ਼ਾਂ ਦੇ ਨਾਲ ਸਿੱਧੇ ਵਿਕਰੀ ਲਈ ਪੇਸ਼ ਕੀਤਾ ਜਾ ਰਿਹਾ ਹੈ। ਵਿਅਕਤੀਗਤ ਪਲਾਟਾਂ ਦਾ ਆਕਾਰ ਲਗਭਗ 128.94 ਵਰਗ ਗਜ਼ ਤੋਂ ਲੈ ਕੇ 2,728 ਵਰਗ ਗਜ਼ ਤੱਕ ਹੈ। ਨੀਲਾਮੀ ਪ੍ਰਕਿਰਿਆ ਨੂੰ ਅਸਾਨ ਬਣਾਉਣ ਲਈ ਕੁਇਕਰ ਇੰਡੀਆ ਪ੍ਰਾਈਵੇਟ ਲਿਮਿਟੇਡ (ਕਿਊਆਈਪੀਐੱਲ) ਨੂੰ ਲੈਣ-ਦੇਣ ਸਲਾਹਕਾਰ ਦੇ ਤੌਰ ‘ਤੇ ਨਿਯੁਕਤ ਕੀਤਾ ਗਿਆ ਹੈ।

ਰਣਨੀਤਕ ਤੌਰ ‘ਤੇ ਸਥਿਤ ਲੈਂਡ ਪੋਰਟਫੋਲੀਓ

• ਐੱਚਬੀ ਕਲੋਨੀ, ਮੈਡੀਲਾਪਾਲੇਮ: ਇੱਥੇ ਕੁੱਲ 456 ਰਿਹਾਇਸ਼ੀ ਐੱਮਆਈਜੀ/ਐੱਲਆਈਜੀ ਪਲਾਟ ਹਨ, ਜੋ ਇੱਕ ਵਿਕਸਿਤ ਸ਼ਹਿਰੀ ਖੇਤਰ ਵਿੱਚ ਸਥਿਤ ਹਨ ਅਤੇ ਪੂਰੀ ਤਰ੍ਹਾਂ ਨਾਲ ਸੱਭਿਅਕ ਅਤੇ ਸਮਾਜਿਕ ਬੁਨਿਆਦੀ ਢਾਂਚੇ ਨਾਲ ਲੈਸ ਹਨ। ਇਨ੍ਹਾਂ ਸੰਪਤੀਆਂ ਵਿੱਚ 24 ਤੋਂ 60 ਫੁੱਟ ਚੌੜੀ ਕੰਕ੍ਰੀਟ ਦੀਆਂ ਸੜਕਾਂ ਹਨ ਅਤੇ ਨੈਸ਼ਨਲ ਹਾਈਵੇਅ 16 (ਐੱਨਐੱਚ-16)  ਦੇ ਬਿਲਕੁਲ ਨਜ਼ਦੀਕ ਸਥਿਤ ਹਨ।
• ਆਟੋ ਨਗਰ, ਗਾਜੂਵਾਕਾ: ਇਸ ਵਿੱਚ ਐੱਨਐੱਚ-16 ਤੋਂ 0.5 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਬਲੌਕ 2 ਵਿੱਚ ਇੱਕ ਪ੍ਰਮੁੱਖ 2,728 ਵਰਗ-ਗਜ਼ ਨਾਲ ਲੱਗਦੀ ਜ਼ਮੀਨ (ਵਪਾਰਕ ਅਤੇ ਲੌਜਿਸਟਿਕਸ ਵਰਤੋਂ ਲਈ ਉਪਯੁਕਤ) ਅਤੇ ਬਲੌਕ 3 ਵਿੱਚ ਦੋ ਰਿਹਾਇਸ਼ੀ ਪਲਾਟ ਸ਼ਾਮਲ ਹਨ।

ਪਾਰਦਰਸ਼ੀ ਈ-ਨੀਲਾਮੀ ਪ੍ਰਕਿਰਿਆ

ਪ੍ਰਤੀਯੋਗੀ ਬੋਲੀ ਪ੍ਰਕਿਰਿਆ ਰੇਲਟੈੱਲ ਈ-ਪ੍ਰੋਕਿਊਰਮੈਂਟ ਪਲੈਟਫਾਰਮ ‘ਤੇ ਦੋ ਨਿਰਧਾਰਿਤ ਮਿਤੀਆਂ: 12 ਅਕਤੂਬਰ, 2026 ਅਤੇ 16 ਅਕਤੂਬਰ, 2026 ਨੂੰ ਆਯੋਜਿਤ ਕੀਤੀ ਜਾਵੇਗੀ।

ਹਿੱਸਾ ਲੈਣ ਲਈ, ਇਛੁੱਕ ਬੋਲੀਕਾਰਾਂ ਨੂੰ ਨਿਰਧਾਰਿਤ ਸਮੇਂ ਸੀਮਾ ਦੇ ਅੰਦਰ ਅਧਿਕਾਰਤ ਪੋਰਟਲ ਰਾਹੀਂ ਔਨਲਾਈਨ ਰਜਿਸਟ੍ਰੇਸ਼ਨ, ਕੇਵਾਈਸੀ ਤਸਦੀਕ ਪੂਰੀ ਕਰਨੀ ਹੋਵੇਗੀ ਅਤੇ ਪ੍ਰਤੀ ਪਲਾਟ 2 ਲੱਖ ਰੁਪਏ ਦੀ ਨਿਰਧਾਰਿਤ ਅਰਨੈਸਟ ਮਨੀ ਡਿਪੌਜ਼ਿਟ (ਈਐੱਮਡੀ) ਜਮ੍ਹਾਂ ਕਰਵਾਉਣੀ ਹੋਵੇਗੀ।

• ਨੀਲਾਮੀ ਪੋਰਟਲ ਅਤੇ ਆਰਐੱਫਪੀ ਜਾਣਕਾਰੀ: https://eauction.enivida.com

ਜਨਤਕ ਸੰਪੱਤੀਆਂ ਨੂੰ ਅਨਲੌਕ ਕਰਨ ਲਈ ਰਾਸ਼ੀ

ਇਹ ਪਹਿਲ ਕੇਂਦਰੀ  ਜਨਤਕ ਖੇਤਰ ਦੇ ਉਪਕ੍ਰਮਾਂ (ਸੀਪੀਐੱਸਈ) ਅਤੇ ਸਰਕਾਰੀ ਏਜੰਸੀਆਂ ਦੇ ਕੋਲ ਮੌਜੂਦ ਵਾਧੂ ਜ਼ਮੀਨਾਂ ਅਤੇ ਗੈਰ-ਜ਼ਰੂਰੀ ਸੰਪੱਤੀਆਂ ਦਾ ਤਿਆਰ ਕੀਤਾ ਹੋਇਆ ਅਤੇ ਪਾਰਦਰਸ਼ੀ ਫ੍ਰੇਮਵਰਕ ਰਾਹੀਂ ਮੁਦਰੀਕਰਣ ਕਰਨ ਦੇ ਐੱਨਐੱਲਐੱਮਸੀ ਦੇ ਮੂਲ ਉਦੇਸ਼ ਦੇ ਅਨੁਸਾਰ ਹੈ। ਡਿਜੀਟਲ ਤੌਰ ‘ਤੇ ਸਮਰੱਥ ਬੋਲੀ ਪ੍ਰਕਿਰਿਆ ਯੋਗ ਨਿਵੇਸ਼ਕਾਂ, ਵਿਕਾਸਕਰਤਾਵਾਂ ਅਤੇ ਵਿਅਕਤੀਗਤ ਭਾਗੀਦਾਰਾਂ ਨੂੰ ਵਿਸ਼ਾਖਾਪਟਨਮ ਦੇ ਪ੍ਰਮੁੱਖ ਅਤੇ ਸਥਾਪਿਤ ਖੇਤਰਾਂ ਵਿੱਚ ਸੰਪੱਤੀਆਂ ਨੂੰ ਹਾਸਲ ਕਰਨ ਦਾ ਇੱਕ ਸੁਰੱਖਿਅਤ ਮੌਕਾ ਪ੍ਰਦਾਨ ਕਰਦੀ ਹੈ।

ਨੈਸ਼ਨਲ ਲੈਂਡ ਮੋਨੇਟਾਈਜ਼ੇਸ਼ਨ ਕਾਰਪੋਰੇਸ਼ਨ (ਐੱਨਐੱਲਐੱਮਸੀ) ਬਾਰੇ

ਐੱਨਐੱਲਐੱਮਸੀ ਭਾਰਤ ਸਰਕਾਰ ਦੀ 100% ਮਲਕੀਅਤ ਵਾਲੀ ਕੰਪਨੀ ਹੈ, ਜੋ ਵਿੱਤ ਮੰਤਰਾਲੇ ਦੇ ਜਨਤਕ ਉੱਦਮ ਵਿਭਾਗ ਦੇ ਅਧੀਨ ਆਉਂਦੀ ਹੈ ਅਤੇ ਇਸ ਨੂੰ ਸੀਪੀਐੱਸਈ ਅਤੇ ਸਰਕਾਰੀ ਸੰਸਥਾਨਾਂ ਦੀ ਬਚੀ ਹੋਈ ਜ਼ਮੀਨ ਅਤੇ ਗੈਰ-ਮੁੱਖ ਸੰਪੱਤੀਆਂ ਦੇ ਮੁਦਰੀਕਰਣ ਨੂੰ ਲਾਗੂਕਰਨ ਲਈ ਸਥਾਪਿਤ ਕੀਤਾ ਗਿਆ ਹੈ।

ਰਾਸ਼ਟਰੀਯ ਇਸਪਾਤ ਨਿਗਮ ਲਿਮਿਟੇਡ (ਆਰਆਈਐੱਨਐੱਲ) ਬਾਰੇ

ਵਿਸ਼ਾਖਾਪਟਨਮ ਸਟੀਲ ਪਲਾਂਟ ਦੀ ਕਾਰਪੋਰੇਟ ਯੂਨਿਟ, ਆਰਆਈਐੱਨਐੱਲ, ਭਾਰਤ ਸਰਕਾਰ ਦੇ ਸਟੀਲ ਮੰਤਰਾਲੇ ਦੇ ਅਧੀਨ ਸੰਚਾਲਿਤ ਇੱਕ ਨਵਰਤਨ ਕੇਂਦਰੀ ਜਨਤਕ ਖੇਤਰ ਦਾ ਉੱਦਮ ਹੈ।

 

*******

ਐੱਸਆਰ/ਜੀਕੇਪੀ/ਏਕੇ

(Release ID: 2305877) ਵਿਜ਼ੀਟਰ ਕਾਊਂਟਰ : 5