مرکز برائے ترقی ٹیلی میٹکس (سی-ڈاٹ)، جو محکمہ ٹیلی مواصلات (ڈی او ٹی)، وزارت مواصلات، حکومت ہند کا اہم ٹیلی کام تحقیق و ترقی مرکز ہے، نے نئی دہلی میں اپنی 43ویں یوم تاسیس کی تقریبات کے دوران کوانٹم کی ڈسٹری بیوشن اور پوسٹ کوانٹم کرپٹوگرافی کے شعبوں میں تیار کردہ 14 مقامی کوانٹم مصنوعات پیش کیں۔

پیش کی گئی مصنوعات میں شامل ہیں:

کیو-اکشے سی ڈی: ایک کمپیکٹ، فائبر پر مبنی کوانٹم کی ڈسٹری بیوشن (کیو کے ڈی) نظام، جو کوہرینٹ ون وے اور ڈی پی ایس پروٹوکول پر مبنی ہے اور کمپیکٹ 1U سائز میں دستیاب ہے۔ یہ فائبر نیٹ ورکس کے ذریعے محفوظ کوانٹم کی کی تخلیق اور تقسیم کو ممکن بناتا ہے۔

کیو-اکشے ایم ڈی: ایم ڈی آئی پروٹوکول پر مبنی فائبر پر مبنی کیو کے ڈی نظام، جو پیمائشی آلات سے وابستہ کمزوریوں کے خلاف زیادہ تحفظ فراہم کرتا ہے۔ یہ محفوظ کوانٹم کی ڈسٹری بیوشن کے لیے سی-ڈاٹ کے اگلی نسل کے طریقۂ کار کی نمائندگی کرتا ہے۔

سی-ایس پی ڈی: سنگل فوٹون ڈیٹیکٹر، جو کوانٹم مواصلاتی نظاموں میں استعمال ہونے والا ایک اہم ذیلی ماڈیول ہے۔

سی-آر ڈی: ایک وسیع بینڈ کا آر ایف ڈرائیور، جو کوانٹم مواصلاتی نظاموں میں استعمال ہونے والے شدت اور فیز ماڈیولیٹرز کو چلانے کے لیے تیار کیا گیا ہے۔ یہ اعلیٰ کارکردگی کی کوانٹم مواصلاتی ایپلی کیشنز کو ممکن بنانے والا ایک اہم ذیلی ماڈیول ہے۔

کیو-سیتو: ایک کوانٹم سیف انکرپٹر، جو لیئر 3 مواصلات کو محفوظ بنانے کے لیے تیار کیا گیا ہے اور 80 ایم بی پی ایس تک تھروپٹ فراہم کرتا ہے۔ اس میں این آئی ایس ٹی کے پوسٹ کوانٹم کرپٹوگرافی الگورتھمز شامل ہیں، جو کوانٹم دور سے ابھرنے والے خطرات سے ڈیٹا کے تحفظ میں معاون ہیں۔

کیو-مہا سیتو: اگلی نسل کا کمرشل گریڈ کوانٹم سیف انکرپٹر، جو لیئر 2/3 نیٹ ورکس کو سپورٹ کرتا ہے اور 40 جی بی پی ایس تک تھرو پٹ فراہم کرتا ہے۔ یہ این آئی ایس ٹی کے پی کیو سی الگورتھم استعمال کرتے ہوئے انٹرپرائز اور اہم مواصلاتی نیٹ ورکس کے لیے تیز رفتار، کوانٹم مزاحم تحفظ فراہم کرتا ہے۔

کیو-وکرم: دفاعی درجے کا کوانٹم سیف انکرپٹر، جو لیئر 2/3 نیٹ ورکس کے لیے 1 جی بی پی ایس تک تھرو پٹ فراہم کرتا ہے۔ اس میں این آئی ایس ٹی کے پی کیو سی الگورتھم شامل ہیں، جو حساس اور تزویراتی مواصلات کے لیے بہتر تحفظ فراہم کرتے ہیں۔

کیو-اموگھ: تیز رفتار کوانٹم سیف آپٹیکل انکرپٹر، جو لیئر 1 پر 200 جی بی پی ایس تک تھرو پٹ فراہم کرتا ہے۔ این آئی ایس ٹی کے پی کیو سی الگورتھم پر مبنی یہ انکرپٹر اعلیٰ گنجائش والے آپٹیکل مواصلاتی روابط کو ابھرتے ہوئے کوانٹم خطرات سے محفوظ بنانے کے لیے تیار کیا گیا ہے۔

کیو-درشن: ایک کوانٹم سیف ویڈیو آئی پی فون، جس میں این آئی ایس ٹی کے پی کیو سی الگورتھم شامل ہیں تاکہ صوتی اور ویڈیو مواصلات کا تحفظ کیا جا سکے۔ یہ آئی پی پر مبنی مواصلاتی نظاموں میں براہِ راست کوانٹم سیف سکیورٹی فراہم کرتا ہے۔

کیو-واچن: آئی پی فون کے لیے ایک کوانٹم سیف اِن لائن نوڈ، جو این آئی ایس ٹی کے پی کیو سی الگورتھم استعمال کرتا ہے۔ یہ موجودہ آئی پی فون کو کوانٹم سکیورٹی سے لیس کرنے کی صلاحیت رکھتا ہے۔

کیو-رکشک: ایک کوانٹم سیف انٹرپرائز نیٹ ورک حل، جو انٹرپرائز مواصلات اور نیٹ ورک انفراسٹرکچر کے تحفظ کے لیے تیار کیا گیا ہے۔ اس میں این آئی ایس ٹی کے پی کیو سی الگورتھم شامل ہیں، جو موجودہ اور مستقبل کے کرپٹوگرافک خطرات سے تحفظ فراہم کرتے ہیں۔

کیو-وایو: کوانٹم سیف وائرلیس پوائنٹ ٹو پوائنٹ نیٹ ورک حل، جو وائرلیس مواصلاتی روابط کو محفوظ بنانے کے لیے تیار کیا گیا ہے۔ یہ وائرلیس کنیکٹیویٹی کے لیے کوانٹم مزاحم سکیورٹی فراہم کرنے کی غرض سے این آئی ایس ٹی کے پی کیو سی الگورتھم استعمال کرتا ہے۔

کیو-وجر 1000: ایک کوانٹم سیف ایکسیس نوڈ، جو موجودہ مواصلاتی نیٹ ورکس کو کوانٹم سکیورٹی سے لیس کرنے کے لیے تیار کیا گیا ہے۔ یہ جی پی او این اور وائرلیس ریڈیو جیسی ٹیکنالوجیز کو سپورٹ کر سکتا ہے، جس سے موجودہ نیٹ ورک انفراسٹرکچر میں کوانٹم سیف تحفظ شامل کرنا ممکن ہوتا ہے۔

کیو-پراکرم: دفاعی درجے کا کوانٹم سیف انکرپٹر، جو لیئر 2/3 نیٹ ورکس کے لیے 1 جی بی پی ایس تک تھرو پٹ فراہم کرتا ہے۔ اس میں این آئی ایس ٹی کے پی کیو سی الگورتھم کے ساتھ دیگر ملکیتی الگورتھمز بھی شامل ہیں اور اسے تزویراتی و دفاعی مواصلات کے لیے مضبوط کوانٹم مزاحم سکیورٹی فراہم کرنے کے لیے تیار کیا گیا ہے۔

کوانٹم مصنوعات کی یہ سیریز کوانٹم سیف انکرپشن، محفوظ مواصلات اور کوانٹم مواصلاتی نظاموں کے لیے اہم اجزا پر مبنی حلوں کو یکجا کرتی ہے، جو انٹرپرائز، ٹیلی کام، وائرلیس، آپٹیکل، تزویراتی اور دفاعی شعبوں کی ضروریات پوری کرتے ہیں۔ کوانٹم مصنوعات کی یہ سیریز کیو کے ڈی ٹیکنالوجیز اور پی کیو سی پر مبنی حلوں کو یکجا کرتی ہے تاکہ محفوظ کوانٹم کی کی تخلیق اور تقسیم کو ممکن بنایا جا سکے۔ یہ مصنوعات مستقبل کے کوانٹم کمپیوٹروں سے پیدا ہونے والے خطرات سے مواصلات کے تحفظ کے لیے تیار کی گئی ہیں۔ سی-ڈاٹ کے کوانٹم پورٹ فولیو میں کوانٹم مواصلات کے خصوصی اجزا بھی شامل ہیں، جنہیں اس شعبے میں کام کرنے والا ماحولیاتی نظام موجودہ اور اگلی نسل کے نیٹ ورکس کے لیے کوانٹم سیف سکیورٹی حل تیار کرنے میں استعمال کر سکتا ہے۔

یہ مصنوعات ابھرتے ہوئے کوانٹم دور میں بھارت کے مواصلاتی بنیادی ڈھانچے کے تحفظ کے لیے مقامی تحقیق اور اختراع کو قابلِ تعیناتی حلوں میں تبدیل کرنے پر مرکز کی توجہ کی عکاسی کرتی ہیں۔ یہ مصنوعات کوانٹم کمپیوٹنگ کے ظہور سے وابستہ سائبر سکیورٹی کے ابھرتے ہوئے چیلنجوں سے نمٹنے اور بھارت کے مواصلاتی نیٹ ورکس کی سکیورٹی اور لچک کو مضبوط بنانے کے لیے تیار کی گئی ہیں۔

معزز شخصیات نے کوانٹم مصنوعات کی سیریز پر مشتمل ایک کتابچہ بھی جاری کیا، جس میں سی-ڈاٹ کے مقامی طور پر تیار کردہ کوانٹم حلوں کو یکجا کیا گیا ہے۔ اس کتابچے میں کیو کے ڈی اور پی کیو سی کے شعبوں میں سی-ڈاٹ کے کام کو پیش کیا گیا ہے اور محفوظ، لچک دار اور مستقبل کی ضروریات کے مطابق مواصلاتی ٹیکنالوجیز تیار کرنے کی اس کی کوششوں کو اجاگر کیا گیا ہے۔ کتابچہ حاصل کرنے کے لیے لنک ملاحظہ کریں:

https://workdrive.publicmgovcloud.in/file/0gc1h7c7142589c0042249c63817a1c3c27fd

 

 

 

********

ش ح۔ ف ش ع

  U: 2835

 

(ریلیز آئی ڈی: 2305226) وزیٹر کاؤنٹر : 3