محکمہ ٹیلی مواصلات (ڈی او ٹی) کے شہریوں پر مرکوز اہم اقدام ’سنچار ساتھی‘ نے حال ہی میں گم شدہ یا چوری شدہ موبائل ہینڈ سیٹ کی بازیابی کے حوالے سے اہم سنگ میل عبور کیے ہیں۔ ’سنچار ساتھی‘ کے آغاز کے بعد پہلی مرتبہ پورے بھارت میں ایک ماہ کے دوران 75,000 سے زائد موبائل ہینڈ سیٹ بازیاب کرانے میں کامیابی حاصل ہوئی ہے۔ یہ کامیابی اس اقدام پر عوام کے بڑھتے ہوئے اعتماد، ٹیکنالوجی پر مبنی حکمرانی کے ذریعے شہریوں کو بااختیار بنانے اور ریاستوں و مرکز کے زیر انتظام علاقوں میں محکمہ ٹیلی مواصلات، ٹیلی کام سروس فراہم کنندگان (ٹی ایس پی) اور پولیس محکموں کے درمیان مضبوط تال میل کی عکاسی کرتی ہے۔

محکمہ ٹیلی مواصلات باہمی تعاون کے ذریعے متعلقہ فریقوں سے مسلسل رائے حاصل کر رہا ہے تاکہ نظام میں مسلسل بہتری لائی جا سکے اور موبائل ہینڈ سیٹ کی بازیابی کی شرح میں اضافہ ہو۔ اس کامیابی کے حصول کے لیے کی گئی اہم اصلاحات درج ذیل ہیں:

 

• شہریوں کو ایس ایم ایس، ای میل اور پورٹل و ایپ کے ذریعے فراہم کی جانے والی ٹریس ایبلٹی رپورٹس میں متعلقہ پولیس اسٹیشن کا نام بھی بتایا جاتا ہے۔
• گم شدہ یا چوری شدہ موبائل ہینڈ سیٹس میں استعمال کیے جانے والے سم کارڈ کی تفصیلات پولیس حکام کو فراہم کی جاتی ہیں، جن میں متبادل موبائل نمبر بھی شامل ہوتا ہے، تاکہ بازیابی کی شرح میں اضافہ کیا جا سکے۔
• بازیاب شدہ موبائل ہینڈ سیٹ کو فیکٹری ری سیٹ کرنے کے لیے شہریوں کو ایس ایم ایس کے ذریعے مشورہ دیا جاتا ہے، تاکہ کسی بھی مشتبہ میل ویئر سے تحفظ یقینی بنایا جا سکے۔

 

یہ کامیابی ایک مضبوط بنیاد اور نظام میں مسلسل کی جانے والی بہتری کا نتیجہ ہے۔ محکمہ ٹیلی مواصلات کا ڈیجیٹل انٹیلی جنس یونٹ (ڈی آئی یو) اور اس کی فیلڈ یونٹ، لائسنس سروس ایریا (ایل ایس اے) کے ساتھ ساتھ ریاستوں/مرکز کے زیر انتظام علاقوں کے پولیس اہلکار قریبی تال میل سے کام کر رہے ہیں تاکہ ڈیوائس کا مؤثر طریقے سے سراغ لگایا جا سکے اور انہیں ان کے اصل مالکان کو واپس کیا جا سکے۔ محکمہ ٹیلی مواصلات اور ریاستی/مرکز کے زیر انتظام علاقوں کی پولیس کی مسلسل اور خصوصی کوششوں کے نتیجے میں اپریل 2025 سے جولائی 2026 کے دوران ماہانہ موبائل ہینڈ سیٹ کی بازیابی میں 201 فیصد کا نمایاں اضافہ ہوا ہے، جیسا کہ ذیل میں دکھایا گیا ہے:

 

 

یہ اہم سنگ میل ایک مضبوط اور مقامی طور پر تیار کردہ پلیٹ فارم، خودکار مربوط ورک فلو اور ریئل ٹائم ڈیوائس ٹریس ایبلٹی کا نتیجہ ہے۔ شہری گم شدہ یا چوری شدہ موبائل ہینڈ سیٹ کی اطلاع سنچار ساتھی پر چند آسان مراحل میں ویب پورٹل یا موبائل ایپ کے ذریعے دے سکتے ہیں۔ اطلاع موصول ہونے کے بعد موبائل ہینڈ سیٹ کو بھارتی ٹیلی کام نیٹ ورک پر بلاک کر دیا جاتا ہے، جس سے ایسے ڈیوائس کے غلط استعمال کو روکا جا سکتا ہے۔ گم شدہ یا چوری شدہ ہینڈ سیٹ کو استعمال کرنے کی کسی بھی کوشش کا نیٹ ورک کے ذریعے سراغ لگا لیا جاتا ہے، جس کے نتیجے میں شہری اور متعلقہ پولیس اسٹیشن کو الرٹ موصول ہوتا ہے تاکہ ڈیوائس بازیاب کر کے اس کے اصل مالک کو واپس کی جا سکے۔

سنچار ساتھی ویب پورٹل کے ذریعے محکمہ ٹیلی مواصلات ڈیجیٹل انڈیا کے حکومتی وژن سے ہم آہنگ رہتے ہوئے شہریوں کو بااختیار بنانے اور ان کے ڈیجیٹل اثاثوں کے تحفظ کے لیے پُرعزم ہے۔ شہریوں کو ترغیب دی جاتی ہے کہ وہ سنچار ساتھی پورٹل یا موبائل ایپ کے ذریعے گم شدہ یا چوری شدہ موبائل فونز کی اطلاع دیں، جو درج ذیل پلیٹ فارمز پر دستیاب ہیں:

 

اینڈرائیڈ کے لیے:

https://play.google.com/store/apps/details?id=com.dot.app.sancharsaathi

آئی او ایس کے لیے:

 https://apps.apple.com/in/app/sanchar-saathi/id6739700695

 

Sanchar Saathi has flipped the plot on lost phones…what a game changer!📱

75,000+ handsets recovered in just ONE MONTH pan-India for the first time since its inception…

A milestone powered by citizen trust, smarter technology and seamless coordination between @DoT_India,… pic.twitter.com/lgodHyg56A

— Jyotiraditya M. Scindia (@JM_Scindia) August 28, 2026

Follow DoT Handles for more: - X - https://x.com/DoT_India Insta-  https://www.instagram.com/department_of_telecom?igsh=MXUxbHFjd3llZTU0YQ== Fb - https://www.facebook.com/DoTIndia Youtube: https://youtube.com/@departmentoftelecom?si=DALnhYkt89U5jAaa

***********

ش ح۔ ف ش ع

     U: 2740

(ریلیز آئی ڈی: 2304409) وزیٹر کاؤنٹر : 6