ਭਾਰਤ ਸਰਕਾਰ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਅਧੀਨ ਭਾਰਤੀ ਫਾਰਮਾਕੋਪੀਆ  ਕਮਿਸ਼ਨ (ਆਈਪੀਸੀ) ਨੇ ਕੋਲਕਾਤਾ ਵਿੱਚ ਕੇਂਦਰੀ ਡਰੱਗਜ਼ ਪ੍ਰਯੋਗਸ਼ਾਲਾ (ਸੀਡੀਐੱਲ) ਅਤੇ ਕੇਂਦਰੀ ਕੌਸਮੈਟਿਕਸ ਪ੍ਰਯੋਗਸ਼ਾਲਾ (ਸੀਸੀਐੱਲ) ਵਿਖੇ ਇੱਕ ਇੰਟਰਐਕਟਿਵ ਮੀਟਿੰਗ ਦਾ ਆਯੋਜਨ ਕੀਤਾ। ਪੱਛਮੀ ਬੰਗਾਲ ਦੇ ਕੋਲਕਾਤਾ ਵਿੱਚ ਪਹਿਲੀ ਵਾਰ ਆਯੋਜਿਤ, ਮਾਹਿਰਾਂ ਅਤੇ ਹਿੱਸੇਦਾਰਾਂ ਨੇ ਦੇਸ਼ ਵਿੱਚ ਫਾਰਮਾਕੋਪੀਆ  ਮਿਆਰਾਂ ਅਤੇ ਦਵਾਈਆਂ ਦੀ ਗੁਣਵੱਤਾ ਵਿੱਚ ਸੁਧਾਰ ਬਾਰੇ ਚਰਚਾ ਕੀਤੀ।

ਮੀਟਿੰਗ "ਆਈਪੀ 2026: ਦ੍ਰਿਸ਼ਟੀਕੋਣ, ਸੁਝਾਅ ਅਤੇ ਅੱਗੇ ਵਧਣ ਦਾ ਰਸਤਾ" ਵਿਸ਼ੇ 'ਤੇ ਕੇਂਦ੍ਰਿਤ ਸੀ ਅਤੇ ਦਵਾਈਆਂ ਦੀ ਗੁਣਵੱਤਾ, ਸੁਰੱਖਿਆ ਅਤੇ ਪ੍ਰਭਾਵਸ਼ੀਲਤਾ ਨੂੰ ਯਕੀਨੀ ਬਣਾਉਣ ਲਈ, ਭਾਰਤ ਵਿੱਚ ਤਿਆਰ ਅਤੇ ਵੇਚੀਆਂ ਜਾਣ ਵਾਲੀਆਂ ਦਵਾਈਆਂ ਲਈ ਅਧਿਕਾਰਤ ਗੁਣਵੱਤਾ ਮਿਆਰ ਕਿਤਾਬ, ਇੰਡੀਅਨ ਫਾਰਮਾਕੋਪੀਆ  ਦੇ ਸੰਦਰਭ ਮਿਆਰਾਂ ਦੀ ਮਹੱਤਤਾ ਅਤੇ ਅਸ਼ੁੱਧਤਾ 'ਤੇ ਚਰਚਾ ਕੀਤੀ ਗਈ।

ਇਸ ਸਮਾਗਮ ਵਿੱਚ ਸੱਤ ਭਾਰਤੀ ਫਾਰਮਾਕੋਪੀਆ  ਨਾਈਟ੍ਰੋਸਾਮਿਨ ਅਸ਼ੁੱਧਤਾ ਸੰਦਰਭ ਮਿਆਰ ਜਾਰੀ ਕੀਤੇ ਗਏ। ਇਹ ਸੰਦਰਭ ਮਿਆਰ ਪਹਿਲੀ ਵਾਰ ਆਈਪੀਸੀ ਦੁਆਰਾ ਸ਼ਾਮਲ ਕੀਤੇ ਗਏ ਹਨ। ਨਾਈਟ੍ਰੋਸਾਮਾਇਨ ਅਸ਼ੁੱਧੀਆਂ ਰਸਾਇਣਕ ਮਿਸ਼ਰਣ ਹਨ ਜੋ ਉਦੋਂ ਬਣਦੇ ਹਨ ਜਦੋਂ ਅਮੀਨ-ਯੁਕਤ ਪਦਾਰਥ ਨਾਈਟ੍ਰਾਇਟਸ ਨਾਲ ਪ੍ਰਤੀਕਿਰਿਆ ਕਰਦੇ ਹਨ ਅਤੇ ਉਹਨਾਂ ਨੂੰ ਕਾਰਸੀਨੋਜਨਿਕ ਮੰਨਿਆ ਜਾਂਦਾ ਹੈ। ਪਹਿਲੀ ਵਾਰ ਜਾਰੀ ਕੀਤੇ ਗਏ ਸੰਦਰਭ ਮਿਆਰਾਂ ਵਿੱਚ ਐੱਨ-ਨਾਈਟ੍ਰੋ ਸੋਡੀਮੇਥਾਈਲਾਮਾਇਨ - ਐੱਨਡੀਐੱਮਏ, ਐੱਨ-ਨਾਈਟ੍ਰੋਸੋਡੀਮੇਥਾਈਲਾਮਾਇਨ - ਐੱਨਡੀਈਏ, ਐੱਨ-ਨਾਈਟ੍ਰੋਸੋਥੀਲੀਸੋਪ੍ਰੋਪਾਈਲਾਮਾਇਨ - ਐੱਨਈਆਈਪੀਏ, ਐੱਨ-ਨਾਈਟ੍ਰੋਸੋਡੀਬਿਊਟੀਲਾਮਾਇਨ - ਐੱਨਡੀਬੀਏ, ਐੱਨ-ਨਾਈਟ੍ਰੋਸੋਮੀਥਾਈਲ ਫੇਨੀਲਾਮਾਇਨ - ਐੱਨਏਐੱਮਪੀਏ, ਐੱਨ-ਨਾਈਟ੍ਰੋਸੋਡੀਮੇਥਾਈਲਾਮਾਇਨ - ਐੱਨਡੀਆਈਪੀਏ ਅਤੇ ਐੱਨ-ਨਾਈਟ੍ਰੋਸੋ-ਐੱਨ-ਮਿਥਾਈਲ-4-ਐਮੀਨੋਬਿਊਟ੍ਰਿਕ ਐਸਿਡ - ਐੱਨਏਐੱਮਬੀਏ ਸ਼ਾਮਲ ਹਨ।

ਨਾਈਟ੍ਰੋਸਾਮਾਇਨ ਬਹੁਤ ਹੀ ਸ਼ਕਤੀਸ਼ਾਲੀ ਜੀਨੋਟੌਕਸਿਕ ਅਤੇ ਕਾਰਸੀਨੋਜਨਿਕ ਮਿਸ਼ਰਣ ਹਨ ਜੋ ਨਿਰਮਾਣ, ਸਟੋਰੇਜ, ਪੈਕੇਜਿੰਗ ਦੌਰਾਨ ਜਾਂ ਫਾਰਮਾਸਿਊਟੀਕਲ ਉਤਪਾਦਨ ਵਿੱਚ ਵਰਤੀਆਂ ਜਾਣ ਵਾਲੀਆਂ ਵੱਖ-ਵੱਖ ਸਮੱਗਰੀਆਂ ਤੋਂ ਗੰਦਗੀ ਦੁਆਰਾ ਅਣਜਾਣੇ ਵਿੱਚ ਪੈਦਾ ਹੋ ਸਕਦੇ ਹਨ। ਹਾਈ ਬਲੱਡ ਪ੍ਰੈਸ਼ਰ, ਪੇਟ ਦੀਆਂ ਬਿਮਾਰੀਆਂ, ਸ਼ੂਗਰ ਅਤੇ ਟੀਬੀ ਦੇ ਇਲਾਜ ਲਈ ਵਰਤੀਆਂ ਜਾਣ ਵਾਲੀਆਂ ਕੁਝ ਦਵਾਈਆਂ ਵਿੱਚ ਇਹਨਾਂ ਅਸ਼ੁੱਧੀਆਂ ਨੂੰ ਕੰਟਰੋਲ ਕਰਨਾ ਬਹੁਤ ਜ਼ਰੂਰੀ ਹੈ।

ਇਹਨਾਂ ਸੱਤ ਅਸ਼ੁੱਧੀਆਂ ਲਈ ਸੰਦਰਭ ਮਾਪਦੰਡ ਜਾਰੀ ਕਰਨ ਨਾਲ ਫਾਰਮਾਸਿਊਟੀਕਲ ਉਤਪਾਦਨ ਵਿੱਚ ਨਾਈਟ੍ਰੋਸਾਮਾਇਨ  ਅਸ਼ੁੱਧੀਆਂ ਦਾ ਸਹੀ ਪਤਾ ਲਗਾਉਣ ਅਤੇ ਮਾਤਰਾ ਨਿਰਧਾਰਿਤ ਕਰਨ ਦੀ ਯੋਗਤਾ ਵਿੱਚ ਸੁਧਾਰ ਹੋਵੇਗਾ। ਇਹ ਪਹਿਲਕਦਮੀ ਡਰੱਗ ਟੈਸਟਿੰਗ, ਵਿਧੀ ਪ੍ਰਮਾਣਿਕਤਾ, ਗੁਣਵੱਤਾ ਭਰੋਸਾ ਅਤੇ ਰੈਗੂਲੇਟਰੀ ਪਾਲਣਾ ਦਾ ਸਮਰਥਨ ਕਰੇਗੀ। ਇਹ ਅੰਤਰਰਾਸ਼ਟਰੀ ਗੁਣਵੱਤਾ ਮਾਪਦੰਡਾਂ ਦੀ ਬਿਹਤਰ ਪਾਲਣਾ ਵਿੱਚ ਵੀ ਯੋਗਦਾਨ ਪਾਵੇਗੀ ਅਤੇ ਮਹੱਤਵਪੂਰਨ ਸੰਦਰਭ ਸਮੱਗਰੀ ਵਿੱਚ ਸਵੈ-ਨਿਰਭਰਤਾ ਵਧਾਏਗੀ।

ਆਪਣੇ ਉਦਘਾਟਨੀ ਭਾਸ਼ਣ ਵਿੱਚ, ਡਾ. ਵੀ. ਕਲਾਈਸੇਲਵਨ, ਸਕੱਤਰ-ਕਮ-ਵਿਗਿਆਨਕ ਨਿਰਦੇਸ਼ਕ, ਇੰਡੀਅਨ ਫਾਰਮਾਕੋਪੀਆ ਕਮਿਸ਼ਨ (ਆਈਪੀਸੀ) ਨੇ ਦਵਾਈਆਂ ਦੀ ਗੁਣਵੱਤਾ ਨੂੰ ਯਕੀਨੀ ਬਣਾਉਣ ਵਿੱਚ ਸੀਡੀਐਲ ਪ੍ਰਯੋਗਸ਼ਾਲਾ ਨਾਲ ਸਹਿਯੋਗੀ ਪਹੁੰਚ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ। ਡਾ. ਸੁਪਰਨਾ ਚੈਟਰਜੀ, ਪ੍ਰੋਫੈਸਰ ਅਤੇ ਮੁਖੀ, ਫਾਰਮਾਕੌਲੋਜੀ ਵਿਭਾਗ, ਇੰਸਟੀਟਿਊਟ ਆਫ ਪੋਸਟ ਗ੍ਰੈਜੂਏਟ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ (ਆਈਪੀਜੀਐਮਈਆਰ), ਕੋਲਕਾਤਾ, ਅਤੇ ਡਾ. ਰਾਕੇਸ਼ ਕੁਮਾਰ ਰਿਸ਼ੀ, ਡਾਇਰੈਕਟਰ, ਸੈਂਟਰਲ ਡਰੱਗਜ਼ ਲੈਬੋਰਟਰੀ, ਵੀ ਇਸ ਮੌਕੇ ਮੌਜੂਦ ਸਨ।

ਇਹ ਮੀਟਿੰਗ ਰੈਗੂਲੇਟਰੀ ਅਥਾਰਿਟੀਆਂ, ਪ੍ਰਯੋਗਸ਼ਾਲਾਵਾਂ ਅਤੇ ਭਾਰਤੀ ਫਾਰਮਾਕੋਪੀਆ ਮਾਹਿਰਾਂ ਲਈ ਭਾਰਤੀ ਫਾਰਮਾਕੋਪੀਆ ਅਤੇ ਰਾਸ਼ਟਰੀ ਦਵਾਈ ਗੁਣਵੱਤਾ ਵਾਤਾਵਰਣ ਪ੍ਰਣਾਲੀ 'ਤੇ ਚਰਚਾ ਕਰਨ, ਸੁਝਾਅ ਸਾਂਝੇ ਕਰਨ ਅਤੇ ਮਜ਼ਬੂਤ ​​ਕਰਨ ਲਈ ਇੱਕ ਮਹੱਤਵਪੂਰਨ ਪਲੈਟਫਾਰਮ ਸੀ।

*****

ਐੱਸਆਰ/ਏਕੇ
HFW/IPC Organises First-Ever Interactive Meeting with CDL Kolkata /25August2026/2

(Release ID: 2303851) ਵਿਜ਼ੀਟਰ ਕਾਊਂਟਰ : 2