প্রধানমন্ত্রীগী লোইশঙ
প্রধান মন্ত্রীনা ওগষ্ট ২৭ দা খেলো ইন্দিয়া দাইলোগতা নহারোলশিংদা ৱা ঙাংগনি
খেলো ইন্দিয়া দাইলোগনা শান্নবা, নহারোলশিংনা লুচিংবা ওইবা, মীয়ামগী দাইত্ব, মীয়ামগী থবক তৌবা, হকচাং ফবা অমসুং লৈবাক শেমগৎপা মফম অমদা পুনশিনগনি
খেলো ইন্দিয়া দাইলোগকী মখাদা যুব সংবাদনা মরুওইবা থিম মঙা: শান্নবা, ওলেম্পিক, অনিংবশিং, নহারোলশিংনা লুচিংবা ওইহনবা, বিকসিত ভারত অমসুং নশা মুক্ত যুবদা মীৎয়েং থমগনি
থাগৎখিবা:
26 AUG 2026 10:22AM by PIB Imphal
প্রধান মন্ত্রী শ্রী নরেন্দ্র মোদীনা ওগষ্ট ২৭ গী অয়ুক পুং ১১ তাবদা ভিদিও কনফরেন্সকী খুৎথাংদা খেলো ইন্দিয়া দাইলোগতা নহারোলশিংদা ৱা ঙাংগনি। ভারতকী শান্নবগী খোঙচত্ত শরুক য়ারিবা নহারোলশিং মতেং পাংনবা, মখোয়গী অনিংবশিং শরুক য়ানবা অমসুং হেন্না মপাঙ্গল কনবা নহারোলশিংনা লুচিংবা বিকসিত ভারত অমগীদমক অনৌবা ৱাখল্লোনশিং পুথোক্নবা থৌরম অসিনা পান্দম থম্লি।
নেসনেল স্পোর্তস দে ২০২৬ গী শরুক অমা ওইনা মেরা যুব ভারত (মাই ভারত) না শীনবা থৌরম অসি রাজ্যশিং অমসুং য়ু.তিশিং শীনবা থুংবগী জিলা খুদিংমক্ত কোলেজ অনিদা নহারোলশিং শরুক য়াদুনা লৈবাক শীনবা থুংনা পাংথোক্কনি। লৈবাক অসিগী চাউখৎপদা পান্দমগী ময়াইদা নহারোলশিংগী অপাম্বশিং থম্বগা লোয়ননা মশা ফবা, থকসি-খাসি লৈবা অমসুং শান্নবদা মাংজিল থাবা লৈবাক অমা শেমগৎনবা প্রধান মন্ত্রীগী পান্দমগী শরুক অমা ওইনা থৌরম অসি পাংথোক্কদবনি।
লৈবাক শীনবা থুংনা পাংথোক্কদৌরিবা খেলো ইন্দিয়া দাইলোগনা শান্নবা, নহারোলশিংনা লুচিংবা ওইবা, মীয়ামগী দাইত্ব, মীয়ামগী থবক তৌবা, হকচাং ফবা অমসুং লৈবাক শেমগৎপা মফম অমদা পুনশিনগনি। লৈবাক অসিগী শান্নবগী পান্দমশিং ফংনবা থবক তৌনবা লোয়ননা মখোয়গী অনৌবা ৱাখলশিং অমসুং মীৎয়েংশিং ভারতকী নহারোল অমসুং শান্নবগী থবকশিংদা মখা তানা শরুক অমা ওইনবা পাম্বৈ অমা থৌরম অসিনা ওইগনি।
লৈবাক্কী থৌরম অসিগী মতুংদা নহারোলশিং, মাই ভারত ভোলুন্তিয়ারশিং, লৈকায়গী শান্নরোয়শিং অমসুং মীয়ামগী মীহুৎশিং শরুক য়াদুনা লমদম লমদমগী ওইনা খন্ন-নৈনবশিং পাংথোক্কনি। শান্নবা পামজবা নহারোলশিংগা ভারতকী শান্নরোয়শিং অমসুং মেদল ফংলবা শান্নরোয়শিংগা হকথেংননা উনবনা থৌরম অসিগী মরুওইবা শক্তম অমা ওইগনি। থৌরম অসিগী মরুওইবা শক্তম অমা ওইনা মখোয়গী অনৌবা ৱাখলশিং, মীৎয়েংশিং অমসুং অপাম্বশিং ফোঙদোক্নবা নহারোলশিংনা শরুক য়াগদবা যুব সংবাদনা ওইগনি। থিরম মঙাদা খন্ন-নৈনবা পাংথোক্কনি:
• হেন্না ফবা খুদোংচাবশিং, কোচিং, স্পোর্তস সাইন্স অমসুং খুদিংমক কোনশিন্দুনা ভারতকী শান্নবগী থবকশিং ফগৎহনবা;
• সাইন্তিফিক ওইনা অফবা শান্নরোয় খঙদোকপা, মীচং-মীখাই নাইদনা খন্দুনা অমসুং মতম শাংনা শান্নরোয় শেমগৎতুনা ২০৩৬ ওলেম্পিক্সকী শান্নরোয় শেমগৎপা;
• লৈঙাক্কী প্লেতফোর্মশিং অমসুং মাই ভারতনা লুচিংবা ভোলুন্তরিংগী খুৎথাংদা নহারোলশিং লুচিংবা ওইনা শেমগৎপা;
• মীয়ামগী থবক তৌনবা ৱাখল্লোন চেহন্দুনা, তুংগী দরকার ওইবা লৌশিং লৈহন্দুনা অমসুং ভোলুন্তরিং তৌদুনা বিকসিত ভারতকীদমক নহারোলশিংগী ফিবম ফগৎহনবা;
• ময়াই কাবা পোৎলমশিং শীজিন্নবা থিংনবা শান্নবা অমসুং মরুপ-মপাংগী নেতৱার্কশিং শীজিন্নদুনা নশা মুক্ত যুব কেম্পেন অমা য়োকখৎপা, ওগষ্ট ২,২০২৬ দা প্রধান মন্ত্রীগী চহি ১০০ গী লৈবাক শীনবা থুংবা কেম্পেন হৌদোক্তুনা চয়োলগী জন ভাগিদারিগী থবকশিংনা মখা তানা ফগৎহল্লে।
***
(রিলিজ আই.দি.: 2303612)
ভিজিতর কাউন্তর : 20
রিলিজ অসি মসিদা পাবীয়ু:
Telugu
,
Bengali
,
Bengali-TR
,
Odia
,
English
,
Urdu
,
Marathi
,
हिन्दी
,
Assamese
,
Punjabi
,
Gujarati
,
Tamil
,
Kannada
,
Malayalam