39મો નેશનલ ગુડ ગવર્નન્સ વેબિનાર 25 ઓગસ્ટ 2026 ના રોજ યોજાયો હતો જેમાં 'PMA હેઠળ પુરસ્કૃત પહેલોની ટકાઉપણા અને પ્રતિકૃતિ' ની થીમ હેઠળ જાહેર વહીવટમાં ઉત્કૃષ્ટતા માટેના PM એવોર્ડ, 2024થી સન્માનિત શિક્ષા સેતુ, અસમની પહેલ રજૂ કરવામાં આવી હતી. આ પ્રસ્તુતિઓમાં નીચેનાનો સમાવેશ થાય છે:

ડૉ. ઓમ પ્રકાશ, કમિશનર અને સચિવ; વન, પર્યાવરણ અને આબોહવા પરિવર્તન, અસમ સરકાર દ્વારા પુરસ્કૃત પહેલ અને પહેલના ટકાઉપણાના પાસાઓ પ્રસ્તુત કરવામાં આવ્યા હતા અને

શ્રીમતી દીપિકા ચૌધરી, ઇન્સ્પેક્ટર ઓફ સ્કૂલ, કામરૂપ મેટ્રોપોલિટન, ગુવાહાટી, અસમ દ્વારા મુખ્ય પાસાઓનું અમલીકરણ અને પહેલનો વધુ વિસ્તાર પ્રસ્તુત કરવામાં આવ્યો હતો.

આ વેબિનારની અધ્યક્ષતા DARPG ના એડિશનલ સેક્રેટરી શ્રી પુનીત યાદવે કરી હતી અને તેમાં વિભાગના વરિષ્ઠ અધિકારીઓએ હાજરી આપી હતી. આ વેબિનારમાં ભારતમાં 600 થી વધુ સ્થળોએથી રાજ્યો/કેન્દ્રશાસિત પ્રદેશોના વહીવટી સુધારણા વિભાગોના વરિષ્ઠ અધિકારીઓ, જિલ્લા કલેક્ટરો, રાજ્ય અને જિલ્લા ક્ષેત્રીય અધિકારીઓ, સેન્ટ્રલ અને સ્ટેટ એડમિનિસ્ટ્રેટિવ ટ્રેનિંગ ઇન્સ્ટિટ્યૂટ્સના અધિકારીઓએ હાજરી આપી હતી.

પ્રધાનમંત્રી શ્રી નરેન્દ્ર મોદીએ એપ્રિલ 2022માં, પ્રશાસનિક સુધારણા અને જાહેર ફરીયાદ વિભાગ (DARPG) ને જિલ્લા કલેક્ટરો અને અન્ય અધિકારીઓ સાથે વર્ચ્યુઅલ પરિષદો/વેબિનાર યોજવા નિર્દેશ આપ્યો હતો, જેમાં વધુ પ્રસાર અને પ્રતિકૃતિના ઉદ્દેશ્ય સાથે જાહેર વહીવટમાં ઉત્કૃષ્ટતા માટેના PM એવોર્ડ્સ (PMA)ના ભૂતપૂર્વ વિજેતાઓને તેમના અનુભવો રજૂ કરવા માટે આમંત્રિત કરવામાં આવે.

અત્યાર સુધીમાં 38 વેબિનાર યોજાયા છે. દરેક વેબિનારમાં લાઇન ડિપાર્ટમેન્ટ્સ, રાજ્ય સરકારો, જિલ્લા કલેક્ટર્સ, સ્ટેટ એડમિનિસ્ટ્રેટિવ ટ્રેનિંગ ઇન્સ્ટિટ્યૂટ્સ અને સેન્ટ્રલ ટ્રેનિંગ ઇન્સ્ટિટ્યૂટ્સના લગભગ 1000 અધિકારીઓ હાજરી આપે છે.

SM/IJ/JD

(રીલીઝ આઈડી: 2303321) મુલાકાતી સંખ્યા : 10