প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী ইকোনোমিক তাইমস ৱার্ল্দ লিদরস ফোরম ২০২৬ দা ৱা ঙাংখ্রে
মালেম্না ভারত অসি চাউখৎপা অমসুং থাজবগী অফবা মফম অমা ওইনা উরে: প্রধান মন্ত্রী
ঙসিদি, ভারতনা থৌশিল শেম্বদা অনৌবা থবকশিং পায়খৎলে অমসুং লৈবাক ঙাকপদা অওনবশিং পুরক্লে: প্রধান মন্ত্রী
মমাংঙৈদা পোৎথোক হেনগৎহনবগী চৈরাক ফংখি অদুবু ঙসিদি, ঐখোয়গী সরকারনা পোৎথোক হেনগৎহনবগীদমক শেনগী মতেং পাংলে: প্রধান মন্ত্রী
ভারতকী রাজনিতিগী তুংদু-লৈতাবা লৈরে অমসুং মসি থৌশিলশিংদা মখা চৎথরি: প্রধান মন্ত্রী
মমাংদা, চৎন-কাংলোনগী থবকশিং ‘অয়াবা পীদ্রবদি অথিংবা লৈখি’; ঐখোয়না মসিগী থৌওং অসি হোংদোক্লে অমসুং মসি ‘অথিংবা লৈত্রিবা ফাওবদা অয়াবা পীবগী’ মাইকৈদা পুরক্লে: প্রধান মন্ত্রী
সরকার অমসুং মীয়ামগী মরক্ত লৈনরিবা মরী থাজনবদা য়ুম্ফম ওইগদবনি, চিংনবদা ওইরোইদবনি: প্রধান মন্ত্রী
ঙসিদি, ঐখোয়না মীয়ামগী খনবা, চাউখৎনবা অমসুং হেনগৎহন্নবা থৌশিলশিং শেম্লে: প্রধান মন্ত্রী
থাগৎখিবা:
21 AUG 2026 10:22PM by PIB Imphal
প্রধান মন্ত্রী শ্রী নরেন্দ্র মোদী ইকোনোমিক তাইমস ৱার্ল্দ লিদরস ফোরম ২০২৬ দা ৱা ঙাংখ্রে। ইকোনোমিক তাইমস ৱার্ল্দ লিদরস ফোরমদা তিনখিবা শক্নাইরবশিং, মীয়ামগী লুচিংবশিং অমসুং ললোন-ইতিক্কী লুচিংবশিং তরাম্না ওকখি, লেমজনিঙাই ওইরবা মীফম অসিদা শরুক য়াবগীদমক প্রধান মন্ত্রীনা হরাওবা ফোংদোকখি। চহি অসিগী থিম ‘সিয়ার ভেলুস’ গী চুনবা অদু ফোংদোক্লদুনা, প্রধান মন্ত্রীনা হায়খি মদুদি চহি খর অসিদা মালেমগী ওইনা অকা-অকুম কয়া থেংনবা অসিগা লৈবাকশিংগী মরাইবকশিংগা মরী লৈনরে। ফিবম অসিদা মালেমগী লৈবাকশিং মাঙলোমদা চঙশিল্লি, মসি ভারতনা য়ুম্বু ওইদুনা পাংথোকখিবা জি-২০ মীফম মনুংদা উখিবা ‘মালেম অমা, ইমুং অমা, তুংলমচৎ অমা’ না ময়েক শেংনা তাক্লে। শরুক য়ামিন্নরিবা তুংলমচৎ অমসুং মসিগা লোয়নরিবা দাইত্বগী ৱাখল্লোন অসিনা ২১শুবা মালেমগী খুদোংচাদবা কয়াগী পাম্বৈ অমা ওইরে।
চাউখৎপা, কান্নবা পোৎলমশিং খুৎলায়শিং ওইনা শীজিন্নবা অমসুং থাজন্দবা লৈরিবা মালেম শীনবা থুংবগী নুঙনাংবশিং পল্লদুনা, প্রধান মন্ত্রীনা হায়খি মদুদি মালেমগী লৈবাকশিংনা ভারত অসি চাউখৎপা অমসুং থাজবগী অফবা মফম অমা ওইনা উবা হেনগৎলকপা উরে। লৈবাক অসিনা মাইপাক্না মীওই করোর ২৫ লায়রবা কোকহল্লে অমসুং লৈবাক অসি মালেমদা খ্বাইদগী য়াংনা চাউখৎলক্লিবা অচৌবা ইকোনোমি অমা ওইহল্লে। নিংতম্বা নুমিৎকী ৱারোলদা মহাক্না লাউথোকখিবা, মেনুফেকচরিং, তেক্নোলোজি অমসুং গ্রিন ইকোনোমিশিং য়াওনা মরুওইবা হিরম তরেৎ ‘ সাপ্তধারা’ দা সরকারনা অকনবা মীৎয়েং থম্লে হায়না প্রধান মন্ত্রীনা ফোঙদোকখি। মরম অদুনা, প্রধান মন্ত্রীনা হায়খি মদুদি ঙসি, ভারতনা থৌশিল শেম্বদা অনৌবা থবকশিং পায়খৎলে অমসুং লৈবাক ঙাকপদা অওনবশিং পুরক্লে অমসুং হিংবদা লাইনবগীদমক অহোংবশিং থবক ওইনা পায়খৎলে। অহোংবশিং অসি ঐখোয়না নমদুনা পাংথোকপা নত্তে; মসিগী অমতা ঙাইরবা থবক্নি অমসুং ঐখোয়গী অমতা ঙাইরবা থাজবনি।
মমাংঙৈগী অথিংবা পীবা থৌশিলশিংগা হৌজিক ওইরিবা শেন-থুমগী ফিবমগা খেন্নবা লৈরিবা অসি পল্লদুনা, প্রধান মন্ত্রীনা হায়খি মদুদি অকক্নবা চাংদগী হেন্না পোৎথোক পুথোকপগীদমক কম্পেনিশিং চৈরাক পীবা নত্ত্রগা পোৎ-চৈশিং নমদুনা মাঙহনবগী ‘প্রদক্সন লিঙ্ক পনিসমেন্ত’ (পি এল পি) গী ৱাখল্লোন অমা লাইসেন্স রাজগী যুগতা লৈখি। মমাঙগী সরকারশিংনা নমদুনা মীয়াম মীগী মখা পোন্নবা অতম্ননা পোৎ-চৈ তাংবা থোকহনখি, মসি থবক ফংহন্দনবা হোৎনবা শাথিরবা থবক অমনি। ৱাখল্লোন অসি চেনবা মীওইশিংনা মতম পুম্নমক্ত তঙাইফদবা পোৎলমশিং ফংহন্দবা পাম্মী; মসি মীয়াম লায়রহন্নবা মখোয়না অতম্ননা পায়খৎপা থৌশিল অমনি।
লৈবাক ঙাকপগী ৱাঙুলোন্দা অচৌবা অহোংবা অমা পুরক্লিবা অসি পল্লদুনা, প্রধান মন্ত্রীনা অপনবা পীখিবা পি.এল.পি মোদেলগা হৌজিক পায়খৎলিবা প্রদক্সন লিঙ্ক ইন্সেন্তিপ (পি এল আই) স্কিমগা চাংদম্নখি, কমদৌনা ৱাখল খনবদা অহোংবা পুরকপদগী মরুওইবা শেন-থুমগী অহোংবশিং পুরকখিবগে হায়বগী মতাংদা শন্দোক্না তাকখি। মহাক্না হায়খি মদুদি পি.এল.আই স্কিম মাইপাক্না পায়খৎতুনা লুপা করোর লাখ ২.৫ থাদখ্রে, লুপা করোর লাখ ২২ গী পোৎথোক পুথোকখ্রে অমসুং য়োনখ্রে, মপান্দা থাদোকপদা লুপা করোর লাখ ১৫ ফংবা ঙমখ্রে অমসুং থবক লাখ ১৪ ফংহনখ্রে। মমাংগী লাইসেন্স রাজগী চৈরাক পীবগী নমুনা অদুনা থবক ফংদবা হেনগৎহনখি, ঙসি ঐখোয়গী শেনগী মতেং পাংবগী নমুনা অসিনা অনৌবা থবক লাখ কয়া পীরে।
ভারতকী রাজনিতিগী তুংদু-লৈতাবা লৈবদগী অমসুং থৌশিলশিংদা মখা চৎথদবগী লৈবাক অসিগী চাউখৎপা য়াংখৎলক্লিবা অসি পল্লদুনা, প্রধান মন্ত্রীনা হায়খি মদুদি লৈবাক ঙাকপগী থবকশিংদা অওনবশিং পুরক্নবা নাখৈ শেংলবা লম্বী অমনা মীৎয়েং চঙলে। মমাংদা, চৎন-কাংলোনগী থবকশিং ‘অয়াবা পীদ্রবদি অথিংবা লৈখি’; ঐখোয়না মসিগী থৌওং অসি হোংদোক্লে অমসুং মসি ‘অথিংবা লৈত্রিবা ফাওবদা অয়াবা পীবগী’ মাইকৈদা পুরক্লে, ফম্নাইবশিংদগী লেপ্তনা অয়াবশিং লৌবগী দরকার ওইবা অদু অঙকপা ফংনা হন্থহল্লে। সরকার অমসুং মীয়ামগী মরক্ত লৈনরিবা মরী থাজনবদা য়ুম্ফম ওইগদবনি, চিংনবদা ওইরোইদবনি।
ৱাঙুলোন অসিগী মমি তারদুনা অকক্নবা আইনশিং শেম্লক্লিবা অসি পল্লদুনা, প্রধান মন্ত্রীনা হায়খি মদুদি জন বিশ্বাস বিলনা অপীকপা অশোইবা কয়া চৈরাক ফংহন্দ্রে, জেলদা লৈগদবা অদু শেন-থুমগী চৈরাকশিং ওইনা পীরে। কমপ্লাইয়েন্স ৪০,০০০ হেন্না লৌথোকখ্রে অমসুং উদ্যোগশিংগী পোৎলুমশিং হন্থহন্নবা অরিবা আইন ১,৫০০ হেন্না মুৎথৎলে। হায়রিবা অচৌবা অওনবশিং অসি ঐখোয়না উবা মতমদা, ঐখোয়গী ললোন-ইতিক্কী থবকশিংদগী কমদৌনা অচৌবা পোৎলুম অমা থাংদবগে হায়বগে অনৌবা ৱাখল অমা ঐখোয়না ফংলে।
রাজনিতিগী অথিংবা লৈরবসু আইনগী থবকশিং মতমগা চুন্নবা সরকারনা চোকথবা লৈতনা পায়খৎলিবা থবকশিং পল্লদুনা, প্রধান মন্ত্রীনা হায়খি মদুদি হন্দক নোংজু মীফম মনুংদা বেঙ্করস বুক্স ইভিদেন্স বিল পাস তৌখিবদা হরাউই। ১৯শুবা চহিচাগী বৃতিস লো অমা অনৌবা আইন্না মহুৎশীন্দুনা বেঙ্কগী দিজিতেল রেকোর্দশিং আইন্না মশক খঙদুনা অরুবা থবকশিং শিংথাবা য়ানা হন্থহল্লে অমসুং ললোন-ইতিকশিং লাইনা পাংথোকপা হেনগৎহল্লে। মসিনা আইনগী অরুবা থবকশিং হন্থহনগনি, সরকারগী থবকশিংদা অঙকপা ফংনা অরোন-অথুপ লৈতনা হেনগৎহনগনি অমসুং লাইনা ললোন-ইতিক পাংথোকপা শিংথাবা য়ানা হেনগৎহনগনি।
মীওইবা খুন্নাইগী য়াইফনবা খনবা লৈঙাক্কী মরুওইবা পল্লদুনা, প্রধান মন্ত্রীনা হায়খি মদুদি ষ্টেসন ৬,০০০ হেনবা অমসুং লেভেল ক্রোশিং ১০,০০০ হেনবদা ইলেক্ত্রোনিক ইন্তরলোক্কিং থম্বা য়াওনা, ভারত রেলৱেজনা অকনবা চেকশিন-থৌরাংশিং পায়খৎলে। মী থমদবা ক্রোশিং ৯,০০০ হেন্না লৌথোক্তুনা ২০১৪ গী মমাংশিংগা চাংদম্নবদা ত্রেন এক্সিদেন্তশিং চাদা ৯০ ফাওবা মাইপাক্না হন্থহল্লে। মীওইবগী পুন্সি খুদিংমক অমসুং মখোয়গী মমল য়াম্লবা মতম কন্নবা মাইকৈদা থবকশিং পায়খৎকদবনি।
অনৌবা লৈঙাক্কী মরুওইবা খুদম অমা ওইনা রেলৱেজদা লু-নানবা অঙকপা ফংনা হেনগৎলক্লিবা অসিগী মতাং পল্লদুনা, প্রধান মন্ত্রীনা হায়খি মদুদি ২০১৪ দগী হৌনা ত্রেনশিংদা বাইও-তোইলেত লাখ ৩.৬ হেন্না হাপখ্রে, মসিনা ত্রেকশিংদা মীওইবা অমাংবা তাবগী নুংঙাইতবা কোকহল্লে। অচৌবা অহোংবা অসি লু-নানবা খক্তগী নত্তে; মসি পেসেঞ্জরশিংগী ইকায়খুম্নবা, লু-নানবা অমসুং অনৌবা মতমগী লৈঙাক্কী মরুওইবনি।
মতম চানা থবক পাংথোকপা অসি অফবা লৈঙাক্কী মরুওইবা মচাক অমনি হায়না ফোঙদোক্লদুনা, প্রধান মন্ত্রীনা হায়খি মদুদি ন্যু য়োক, হোং কোং অমসুং পেরিসকী থবকশিংগা লাম্বা তৌনরদুনা, দিল্লি-মেত্রো নমো ভারত রেপিৎ রেল অমসুং দিল্লি মেত্রো অনিমক চাদা 99.9 মতম চানা চেল্লে। মসি মেত্রো অমা অমসুং নমো রেপিৎ রেল মতম চানা চেনবা খক্তগী নত্তে; মসি মতমগী মতুংইন্না য়াংনা হোংলিবা ভারত অমগী চাউথোকচনিঙাই ওইরবা শক্তম্নি।
থৌশিলদা অওনবশিং পুরক্নবা মীৎয়েং চঙলিবা অসি পল্লদুনা, প্রধান মন্ত্রীনা হায়খি মদুদি লৈবাক অসি নমদুনা অথিংবা পীবা নিয়মশিং ইনহনবগী মহুত্ত লৈবাক্কী দরকার ওইবা অফবা, মীয়ামগী খনবা অমসুং চাউখৎনবা খনবা থৌশিলশিং সরকারনা শেম্লে। পুৱারিদা মীয়াম্না মশাগীদমক ভারতকী মেপ য়েকপা অসি আইন্না য়াদবা ওইরমখি, চৎন-কাংলোন অসি লৌথোকপদগী জিওস্পাসিয়েল দেতা অসিনা ষ্টার্দঅপ চাউখৎনবা ইনোৎ হাপ্লে। লৈবাক অসিগী অমসুং লৈবাক অসিগী মীয়ামগী তশেংনা দরকার ওইবশিং ফংনবা থৌশিলশিং শেমগদবনি।
প্রধান মন্ত্রীনা মখা তানা হায়খি মদুদি লৌউ-শিংউ, ঙাক-শেন অমসুং কন্তেন্ত শেম্বদা ভারতকী দ্রোন উদ্যোগ শিংথাবা য়ানা চাউখৎলে, মসি মমাঙদগী অথিংবা চৎন-কাংলোনশিংগী মখাদা চাউৎপা ঙমদনা লৈরমখিবনি। ঐখোয়না দ্রোন পাইবগী অথিংবশিং মপুংফানা লৌথোক্লে অমসুং ঙসিদি ভারতকী দ্রোন উদ্যোগ মমাংদা অমুক্ত ওইখিদ্রিবা মওং অমদা পাইরে। খুদোংথিনিঙাই ওইবগী মহুত্ত মরুওইবা অচৌবা পাঙ্গল অমা ওইনা ঙমখৈগী ইনফ্রাষ্ট্রকচর শেমগৎপদা অচৌবা অহোংবা অমা লৈরে। ২০২৪ অমসুং ২০২৫ খক্তদা বোর্দর রোদস ওর্গনাইজেসন (বি আর ও)না লৈবাক অসিগী মীয়ামদা ইনফ্রাষ্ট্রকচর প্রোজেক ২৫০ কৎথোকখ্রে। ঙাক-শেনগী ৱাখল মপুংফানা অহোংবা পুরকপা মতমদা, ঙমখৈগী ইনফ্রাষ্ট্রকচরগী অপুনবা শক্তমসু মপুংফানা অহোংবা পুরক্লে।
য়াম্না চেকশিনবা হিরমশিংদা অওনবশিং পুরকপগী মতাংদা, প্রধান মন্ত্রীনা হায়খি মদুদি শান্তি বিলনা মাইপাক্না ন্যুক্লিয়ার ইনর্জি সেক্তরদা লনাই কাংবু শরুক য়াওবা য়াহল্লে অমসুং ওর্দিনান্স ফেক্তরি ৪০ হেন্না অনৌবা কোর্পোরেতশিং ওইনা ওন্থোক্লে। লৈবাক অসিগী অত্মনির্ভর হেনগৎনবা হায়রিবা অচৌবা থবকশিং অসি পায়খৎপনি অমসুং ২০১৪ গা চাংদম্নবদা দিফেন্স এক্সপোর্ত শরুক ৫৫ হেনগৎলে। ঙসিদি ভারত মসিগী দরকার ওইবা ঙাক-শেনগী খুৎলায়শিংগীদমক মপুংফানা অত্মনির্ভর ওইরে অমসুং ঐখোয়গী দিফেন্স এক্সপোর্তসু মপুংফানা হেনগৎলে।
হিংবদা লাইহন্নবা অওনবশিংগা নোংমগী পুন্সিগী থৌদাশিংগা মপুংফানা পুনশিনবগী মতাংদা পল্লদুনা, প্রধান মন্ত্রীনা হায়খি মদুদি অচা-অথকশিং ওর্দর তৌবা, ক্বিউ.আর কোদশিং স্কেন তৌবা অমসুং খুদক্ত মীওই অমদগী মীওই অমদা শেন থাদোক-থাজিন তৌনবা দিজিতেলগী খুমাঙচাউশিনবশিং অসিনা ইচম চম্বা অমা ওইরবসু ইচম চম্বা ভারতমচা অমগী পুন্সিদা অওনবা পুরকপা শরুক অমনি। হায়রিবা থবকশিং অসি ইচম চম্বা থবকশিংনিং, অদুবু ভারতকী মীচম মীয়াম অমগী পুন্সিগী শরুক অমা ওইরে।
প্রধান মন্ত্রীনা হায়খি মদুদি ভারতকী মিদল ক্লাসনা ফংলিবা অওনবশিং অসি চাউখৎলবা লৈবাক কয়াদা ফাওবদা মঙফাওনবদা ৱারগদবা মঙলান অমা ওইরি। ভারতনা পুরক্লিবা অওনবশিং অসিনা মরম ওইদুনা, মীয়ামগী পুন্সিদা মপুংফানা অহোংবা পুরক্লিবা অসি ঙসিদি চাউখৎলবা লৈবাক কয়াদা লাপ্না লৈরিবা মঙলান অমা ওইরি।
ভারতকী দিজিতেলগী অওনবশিংগী মরুওইবা য়ুম্বীশিং পল্লদুনা, প্রধান মন্ত্রীনা হায়খি মদুদি লৈবাক অসিনা মালেমদা খ্বাইদগী মমল হোংবা দেতা ফংহল্লে অমসুং খ্বাইদগী য়াংনা ৫-জি চৎনরে। ই-কে.ৱাই.সি অমসুং দিজিতেল ওথেন্তিকেসন পাংথোক্নবগীদমক আধারগা মোবাইল অমসুং বেঙ্কগী থবকশিংগা পুনশিল্লে, বেঙ্ক একাউন্তশিং হাংদোকপা অমসুং ইনকম তেক্স রিতর্ন ফাইল তৌবা য়াওনা থবক খুদিংমক অওনবা পুরক্লে। করিগুম্বা ঙসি অদোম্না বেঙ্ক অমা হাংদোক্লবদি, সরকারনা বেঙ্ক অদু অদোমগী নাক্ত হকথেংননা পুরকপগুম্বনি।
তেলিমেদিসিনগী অচৌবা কান্নবা পল্লদুনা, প্রধান মন্ত্রীনা হায়খি মদুদি ই-সঞ্জিবানি প্লেতফোর্মনা তেলি-কন্সলতেসন করোর ৫০ রোম পাংথোকখ্রে, মতম অমদা লাপ্না চৎলম্বা অনাবশিংগী স্কৃনশিংদা মাইপাক্না মরুওইবা অনা-লাইয়েংগী থবকশিং উহল্লে। ঙসিদি দোক্তরশিং য়াম্না লাইনা উনবা ফংলে অমসুং মখোয়গী স্কৃন্দা, মখোয়গী য়ুমদা ৱারি শানবা ফংলে।
লৈবাক অসিদা চৎথোক-চৎশিনগী থবকশিং মতমগা চুনবা মওংদা পায়খৎলিবা অসি থাগৎলদুনা, প্রধান মন্ত্রীনা হায়খি এয়রপোর্তশিংদা পাক-শন্না দিজি যাত্র শীজিন্নরে অমসুং হায়ৱেশিংদা ফাষ্ট তেকশিং শীজিন্নরে, গারি খামদনা চৎখিবা য়ারে। মতম মাংহন্দ্রে, পুন্সি অসি শিংথাবা য়ানা লাইহল্লে অমসুং মীওই করোর কয়া মখোয় চাউখৎনবা মীৎয়েং চঙবা ঙম্লে।
প্রধান মন্ত্রীনা হায়খি মদুদি ঙাইহাক্কী মীখলগী খুদোংচাবশিং ফংনবগী মহুত্ত মতম শাংনা কান্নবা পীনবা ৱারেপশিং লৌনবা অশেংবা লৈবাক্কী অওনবা মথৌ তাই। লৈবাক অসি অহোংবা পুরকপা ৱারেপশিংগী কান্নবা হকথেংননা উবা ফংলে, হৌজিক্কী অমসুং তুংগী মীরোল অনিমক ৱাখলদা চেৎনা থম্লে।
প্রধান মন্ত্রীনা মখা তানা হায়খি মদুদি পি.এম কুসুম য়োজনা অমসুং পি.এম সুর্য়া ঘর মুফ বিজলি য়োজননা লৌমীশিং অমসুং মিদল ক্লাসতা মতম শাংনা কান্নবশিং পীরে। লেম্না মৈ ফংহন্নবা লাউথোকপদা পাউ-চেশিংদা চাউনা য়াওরকপগা লোয়ননা, সরকারনা ইমুং লাখ ৫০ হেনবদা অতাবা মমলদা রুপতোপ সোলার প্লান্তশিং থম্নবা লম্বী য়াৎলে। য়াম্লবা, তুংকোইনা চৎনবা য়ারবা ইনর্জি পীনবা য়ুমথোং খুদিংগী য়ুমথক্ত নুমিৎ অমা থোকহন্নবা ঐখোয়না অচেৎপা ৱারেপ লৌরে।
সুর্য়া ঘর স্কিম্না খুন্নাইগী শেন-থুমগী ফিবমদা কান্নবা পীরিবা অদু পল্লদুনা, প্রধান মন্ত্রীনা হায়খি মদুদি ইমুংশিংনা মখোয়গী মৈগী খজনা থিদবা খক নত্তনা অহেনবা মৈ গ্রিদতা য়োন্দুনা শেনসু তাল্লে, মখোয় অনৌবা পোৎলমশিং শীজিন্নবা ঙম্লে অমসুং মৈ মুৎতনা অঙাংশিং নুংঙাইনা তুম্লে। মৈ মমগেরা নত্ত্রগা মম্নোইরা, সু্র্য়া ঘর অমসুং মসিগী মঙালনা চহি কয়া লৈবাক অসিগী ইমুং কয়া মতম চুপ্পা ঙানহলগনি।
নহারোলশিং, নুপীশিং, লৌমীশিং অমসুং মিদল ক্লাস হিংবদা লাইবা অমসুং লাইনা ললোন-ইতিক পাংথোকপা মখা তানা হেনগৎহন্নবা থাজবা পীরদুনা, প্রধান মন্ত্রীনা হায়খি বিকসিত ভারতকী পান্দম ফংনবা লৈবাক ঙাকপগী রিফোর্ম এক্সপ্রেসনা মসিগী খোঙচৎ অঙকপা ফংনা য়াংখৎহনগনি। লৈবাক অসিগী মপাঙ্গলনা মালেমদা অকনবা ইথিল পীরে। লৈবাক অসিনা চৎলিবা মাইকৈ অসিনা মালেমগী লৈবাকশিংদা অকনবা তুংদু-লৈতাবা পুরক্কনি। থৌরম অসি শীল্লিবশিংদা তৌবীমল খঙবা উৎচরি। ভারতনা হেন্না তুংদু-লৈতারিবমখৈ অমসুং লৈবাক অসিগী তুংলমচৎ হেন্না ফরিবমখৈ, মালেমদা সেকুরিতিগী ৱাখল্লোন অমা পীঊনবা অহেনবা শক্তি লৈবাক অসিনা পুথোক্কনি।
***
(রিলিজ আই.দি.: 2302691)
ভিজিতর কাউন্তর : 25
রিলিজ অসি মসিদা পাবীয়ু:
Malayalam
,
Odia
,
English
,
Urdu
,
हिन्दी
,
Assamese
,
Bengali
,
Punjabi
,
Gujarati
,
Telugu
,
Kannada