કેન્દ્રીય રેલવે મંત્રી શ્રી અશ્વિની વૈષ્ણવે આજે નવી દિલ્હીસ્થિત રેલ ભવનથી આનંદ વિહાર ટર્મિનલ અને ઉધના રેલવે સ્ટેશન ખાતે પેસેન્જર હોલ્ડિંગ એરિયા પ્રોજેક્ટ્સની પ્રગતિની સમીક્ષા કરી હતી. આ બેઠકમાં કેન્દ્રીય રેલવે રાજ્ય મંત્રી શ્રી વી. સોમન્ના પણ ઉપસ્થિત રહ્યા હતા. સમીક્ષામાં ચાલુ કામગીરીને ઝડપી બનાવવા, સાઇટ સંબંધિત પડકારો ઉકેલવા અને સુવિધાઓ સમયસર પૂર્ણ થાય તે સુનિશ્ચિત કરવા પર ધ્યાન કેન્દ્રિત કરવામાં આવ્યું હતું. તેમાં સિવિલ વર્ક્સ, અવરોધો દૂર કરવા, ઉપયોગિતા (utility) શિફ્ટિંગ, સ્ટ્રક્ચરલ વર્ક્સ, મુસાફરોની સુવિધાઓ અને અન્ય સંબંધિત સવલતોનો પણ સમાવેશ કરવામાં આવ્યો હતો. આવનારા મુખ્ય તહેવારોની ભીડ પહેલાં વધુ સુરક્ષિત, વધુ સુવ્યવસ્થિત અને મુસાફરો માટે અનુકૂળ વ્યવસ્થા પૂરી પાડવા માટે આ યાત્રી સુવિધા કેન્દ્ર પૂર્ણ કરવાનું આયોજન છે.

મુસાફરોની વધુ પડતી ભીડ દરમિયાન સ્ટેશનના પ્લેટફોર્મ, સરક્યુલેટિંગ એરિયા અને સ્ટેશન તરફ આવતા રસ્તાઓ પર ભીડ ઓછી કરવામાં મદદ કરવા માટે અનટિકિટ અને પ્રતીક્ષા કરતા મુસાફરો માટે સમર્પિત જગ્યા પૂરી પાડવા યાત્રી સુવિધા કેન્દ્રો (પેસેન્જર હોલ્ડિંગ એરિયા) વિકસાવવામાં આવી રહ્યા છે. આ સુવિધાઓ મુસાફરોના ક્રમબદ્ધ પરિભ્રમણને સુનિશ્ચિત કરવા અને મુસાફરો સ્ટેશન/પ્લેટફોર્મ વિસ્તારમાં પ્રવેશે તે પહેલાં તેમને આરામદાયક પ્રતીક્ષા વાતાવરણ પૂરું પાડવા માટે ડિઝાઇન કરવામાં આવી છે.

આ કેન્દ્રો વિશાળ છત વાળા પ્રતીક્ષા અને બેસવાના વિસ્તારો, સમર્પિત ટિકિટિંગ સુવિધાઓ, પુરુષો અને મહિલાઓ માટે શૌચાલય અને વૉશરૂમની સુવિધાઓ, પીવાનું પાણી અને અન્ય આવશ્યક પેસેન્જર સુવિધાઓ પૂરી પાડશે. પબ્લિક એડ્રેસ અને પેસેન્જર ઇન્ફર્મેશન સિસ્ટમ્સ, CCTV સર્વેલન્સ અને સુરક્ષા વ્યવસ્થા, પૂરતી રોશની, ઇલેક્ટ્રિકલ અને S&T સુવિધાઓ, ડિસ્પ્લે બોર્ડ, સાઇનેજ, સુવ્યવસ્થિત પેસેન્જર સર્ક્યુલેશન અને ફર્નિચર પણ પૂરા પાડવામાં આવી રહ્યા છે.

આનંદ વિહાર ટર્મિનલ

આનંદ વિહાર ટર્મિનલ ખાતે, યાત્રી સુવિધા કેન્દ્ર બે તબક્કામાં વિકસાવવામાં આવી રહ્યું છે. તબક્કો-I આશરે 4,000 મુસાફરો માટે સુવ્યવસ્થિત જગ્યા પૂરી પાડશે, જેમાં ફાઉન્ડેશન, પ્લિન્થ બીમ, સ્ટ્રક્ચરલ સ્ટીલ ફેબ્રિકેશન અને અન્ય સંબંધિત પ્રવૃત્તિઓનું કામ ઝડપી ગતિએ આગળ વધી રહ્યું છે.

(પ્રસ્તાવિત)

તબક્કો-II આ સુવિધાની પેસેન્જર-હેન્ડલિંગ ક્ષમતાને વધુ મજબૂત કરશે, જે પૂર્ણ થવા પર લગભગ 7,000 મુસાફરોને સમાવવામાં સક્ષમ બનાવશે.

(પ્રસ્તાવિત)

ઉધના રેલવે સ્ટેશન

ઉધના રેલવે સ્ટેશન ખાતે, યાત્રી સુવિધા કેન્દ્રમાં એક સાથે આશરે 15,000 મુસાફરોને સમાવવાનું આયોજન છે. સાઇટ પર નોંધપાત્ર પ્રગતિ થઈ ચૂકી છે.

(પ્રસ્તાવિત)

પૂર્ણ થયા પછી, ઉધના સ્ટેશન હોલ્ડિંગ એરિયા અને પ્લેટફોર્મ વચ્ચે સુધારેલી કનેક્ટિવિટી પૂરી પાડશે, જે મુસાફરોની ક્રમબદ્ધ અવરજવર અને સ્ટેશન પરિસરમાં પેસેન્જર ફ્લોના બહેતર સંચાલનને સપોર્ટ કરશે.

(પ્રસ્તાવિત)

આનંદ વિહાર ટર્મિનલ અને ઉધના રેલવે સ્ટેશન ખાતેના યાત્રી સુવિધા કેન્દ્રો ભારતીય રેલવેની મોટી સંખ્યામાં મુસાફરોની ભીડને સુરક્ષિત, આરામદાયક અને સુવ્યવસ્થિત રીતે સંભાળવાની ક્ષમતાને મજબૂત બનાવશે, સાથે જ ભીડ ઘટાડશે અને પીક ટ્રાવેલ સમયગાળા દરમિયાન મુસાફરોની અવરજવરમાં સુધારો કરશે.

આ પહેલો ભારતીય રેલવેના મુખ્ય સ્ટેશનો પર સુધારેલી સુવિધાઓ, ટેકનોલોજી અને સુવ્યવસ્થિત પેસેન્જર મેનેજમેન્ટ દ્વારા પેસેન્જર ઇન્ફ્રાસ્ટ્રક્ચરને અપગ્રેડ કરવાના સતત ફોકસને પ્રતિબિંબિત કરે છે, જે દરરોજ રેલવે નેટવર્ક પર નિર્ભર રહેતા કરોડો મુસાફરો માટે વધુ સીમલેસ મુસાફરીનો અનુભવ સુનિશ્ચિત કરે છે.

SM/IJ/JD

(रिलीज़ आईडी: 2299568) आगंतुक पटल : 20