قبائلی امور کے وزیر مملکت جناب درگاداس اوئیکے نے آج لوک سبھا میں بتایا کہ قبائلی امورکی وزارت، قبائلی طلبہ کو ان کے اپنے ماحول میں معیاری تعلیم فراہم کرنے اور مقامی فنون و ثقافت کو محفوظ رکھنے کے لیے ایکلویہ ماڈل رہائشی اسکول (ای ایم آر ایس) اسکیم نافذ کر رہی ہے۔ مردم شماری 2011 کے مطابق، ای ایم آر ایس ان قبائلی اکثریتی بلاکس میں قائم کیے جاتے ہیں جہاں درج فہرست قبائل کی آبادی 50 فیصد سے زیادہ اور قبائلی افراد کی تعداد کم از کم 20,000 ہو۔

اب تک ملک بھر میں 728 ای ایم آر ایس کی منظوری دی جا چکی ہے، جن میں سے 508 فعال ہیں۔ مغربی بنگال میں 9 ای ایم آر ایس منظور کیے گئے ہیں اور یہ تمام فعال ہیں۔ علی پور دوار ضلع کے کسی بھی بلاک میں ای ایم آر ایس کے قیام کے لیے مقررہ معیار پورا نہیں ہوتا۔

نیشنل ایجوکیشن سوسائٹی فار ٹرائبل اسٹوڈنٹس (نیسٹ)، جو وزارتِ قبائلی امور کے تحت ایک خودمختار ادارہ ہے، ملک بھر میں ای ایم آر ایس اسکیم کے لیے مجموعی پالیسی رہنمائی، تعلیمی معاونت، نگرانی، صلاحیت سازی، بھرتی، طریقۂ کار کو یکساں بنانے اور اسکیم کے نفاذ کی ذمہ داری انجام دیتا ہے۔

ریاستی ای ایم آر ایس سوسائٹیاں اپنے متعلقہ دائرۂ اختیار میں ای ایم آر ایس کے نفاذ، انتظام اور روزمرہ امور کی نگرانی کرتی ہیں۔ ضلع کلکٹر یا ضلع مجسٹریٹ کی سربراہی میں ضلعی سطح کی ای ایم آر ایس کمیٹیاں مقامی سطح پر نگرانی کرتی ہیں اور نفاذ سے متعلق مقامی مسائل کو حل کرتی ہیں۔

مغربی بنگال میں ضلع وار منظور شدہ، فعال اور زیرِ تعمیر ای ایم آر ایس کی صورتِ حال ضمیمے میں دی گئی ہے۔

ضمیمہ

13.08.2026 کو جناب منوج تگّا کی جانب سے ’’مغربی بنگال میں ای ایم آر ایس کی صورتِ حال‘‘ کے حوالے سے پوچھے گئے لوک سبھا کے غیر ستارہ والے سوال نمبر 4238 کے جواب کے حصہ (الف) تا (ہ) میں مذکور ضمیمہ

مغربی بنگال میں ضلع وار منظور شدہ، فعال اور زیرِ تعمیر ای ایم آر ایس کی صورتِ حال

*****

 (ش ح  ۔ ع ب ح۔م ذ)

U. No. 2017

(रिलीज़ आईडी: 2298933) आगंतुक पटल : 8