قبائلی امور کے مرکزی وزیر مملکت جناب درگاداس اوئیکے نے آج لوک سبھا میں بتایا کہ متعلقہ وزارتوں اور محکموں کی جانب سے فراہم کردہ معلومات کی بنیاد پر مغربی بنگال میں پی ایم جن من کے تحت مختلف اقدامات کی پیش رفت کی تفصیلات 30 جون 2026 تک درج ذیل ہیں:

:

 

 

متعلقہ وزارتوں/محکمہ کی طرف سے فراہم کردہ معلومات کی بنیاد پر (30.06.2026 تک)، پرولیا ضلع، مغربی بنگال میں پی ایم جن من کے تحت اقدامات کی پیش رفت کی تفصیلات درج ذیل ہیں:

دھرتی آبا جنجاتی گرام اتکرش ابھیان (ڈی اے جے جی یو اے) کے تحت، موجودہ مالی سال کے دوران وزارت نے مغربی بنگال میں ابھیان کے تحت وزارتِ قبائلی امور کے اجزا سے متعلق 12,574.70 لاکھ روپے مالیت کے منصوبوں کی بھی منظوری دی ہے۔

پرولیا ضلع کے سلسلے میں درج ذیل منصوبوں کی منظوری دی گئی ہے:

1. 204 اضافی کلاس رومز کی تعمیر، جس پر 2,417.3 لاکھ روپے کی لاگت آئے گی؛

2. ایک ہاسٹل کی مرمت و تزئینِ نو کا کام، جس کی لاگت 39.99 لاکھ روپے ہے؛ اور

3. ایک قبائلی کثیرالمقاصد مارکیٹنگ مرکز (ٹی ایم ایم سی)، جس کی لاگت 100 لاکھ روپے ہے۔

ریاستی حکومت نے پی ایم گتی شکتی موبائل ایپلی کیشن کے ذریعے آبادیوں کی سطح پر اعداد و شمار جمع کرنے کی مہم چلائی تھی، تاکہ انتہائی پسماندہ قبائلی گروہوں (پی وی ٹی جی) کی آبادی کا تخمینہ لگایا جا سکے اور بنیادی ڈھانچے کی کمی کی نشاندہی کی جا سکے، تاکہ پی ایم جن من کے تحت گاؤں اور آبادیوں میں رہنے والی پی وی ٹی جی آبادی کو شامل کیا جا سکے۔

مغربی بنگال ریاست میں شناخت کی گئی پی وی ٹی جی آبادیوں کی عارضی تعداد اور پی وی ٹی جی آبادی کی تفصیلات درج ذیل جدول میں دی گئی ہیں:

 

وزارت مغربی بنگال کی ریاستی حکومت کے ساتھ پی ایم جن من کے تحت سرگرمیوں کے نفاذ کے معاملے کو باقاعدگی سے اٹھا رہی ہے۔

اس کے علاوہ، مغربی بنگال میں انتہائی پسماندہ قبائلی گروہوں (پی وی ٹی جی) کے گھرانوں کا سروے بھی جاری ہے اور ریاستی حکومت اب تک 18,173 پی وی ٹی جی گھرانوں کا سروے کر چکی ہے۔ ریاستی حکومت کو حاصل کیے گئے اعداد و شمار کا جائزہ لینا ہوگا اور متعلقہ محکموں سے مشاورت کے بعد مناسب کارروائی کرنی ہوگی، تاکہ اسکیموں کے مقررہ ضوابط اور اہلیت کے معیار کے حوالے سے شناخت کی گئی خامیوں کو دور کیا جا سکے۔

اضلاع کے لیے فنڈز مختص کرنے اور جاری کرنے کی ذمہ داری ریاستی حکومت کی ہے۔ لہٰذا ضلع وار مختص کیے گئے، جاری کیے گئے اور استعمال کیے گئے فنڈز کا ریکارڈ ریاستی حکومت کے پاس برقرار رکھا جاتا ہے۔

منصوبوں کی تجاویز تیار کرکے پیش کرنے کی ذمہ داری ریاستی حکومت اور ضلع انتظامیہ کی ہے۔ ریاستی حکومت نے پرولیا ضلع سمیت کسی بھی علاقے میں کثیرالمقاصد مراکز (ایم پی سی) کے قیام کے لیے وزارتِ قبائلی امور کو کوئی تجویز پیش نہیں کی ہے۔ تاہم، وزارتِ قبائلی امور نے ریاستی حکومت کے افسران کے لیے وزارت کی اسکیموں، بشمول پی ایم جن من اور ڈی اے جے جی یو اے، کے بارے میں ایک تعارفی پروگرام منعقد کیا ہے، تاکہ تجاویز کی تیاری اور ان پر پیش رفت کو آسان بنایا جا سکے۔

*****

ش  ح۔ک ح - ف ر

Uno-2016

(रिलीज़ आईडी: 2298931) आगंतुक पटल : 9