ગુજરાતમાં રોડ ટ્રાફિકની સુરક્ષિત અને વધુ સુગમ અવરજવર તરફના એક મોટા પગલા તરીકે, ભારતીય રેલવેએ પશ્ચિમ રેલવેના ગેરતપુર-અમદાવાદ સેક્શન પર લેવલ ક્રોસિંગ નંબર 305 પર 4 લેન રોડ ઓવર બ્રિજ (ROB)ના નિર્માણને મંજૂરી આપી છે. આ કામ ₹153 કરોડના ખર્ચે મંજૂર કરવામાં આવ્યું છે.

આ પ્રોજેક્ટને પશ્ચિમ રેલવેના ચાલી રહેલા કામ હેઠળ મંજૂરી આપવામાં આવી છે. આ કામમાં રોડ ઓવરબ્રિજ અને અન્ડરબ્રિજનું નિર્માણ, ફૂટ ઓવરબ્રિજ બનાવવું, ડ્રેનેજ વ્યવસ્થામાં સુધારો કરવો તેમજ જૂના રોડ ઓવરબ્રિજ અને અન્ડરબ્રિજનું પુનર્નિર્માણ સામેલ છે.

આ ક્રોસિંગ ગીચ વસ્તી ધરાવતા શહેરી વિસ્તારમાં આવેલું છે, જેના માટે લાંબા એપ્રોચ અને મોટા માળખાની જરૂર છે. રેલવે બ્રિજના ભાગની કુલ લંબાઈ 106 મીટર હશે. તેમાં દરેક 53 મીટરના બે કમ્પોઝિટ ગર્ડર હશે. ત્યારબાદ 150 મીટરનો વાયડક્ટ આવશે. રેલવે એપ્રોચ 595 મીટર સુધી વિસ્તરશે.

મુસાફરો માટે સુરક્ષિત અને ઝડપી અવરજવર

નવો રોડ ઓવર બ્રિજ રોડ યુઝર્સ માટે લેવલ ક્રોસિંગ પર રાહ જોવાની જરૂરિયાતને દૂર કરશે. તે ચોવીસે કલાક રેલવે લાઇન પર વાહનોની અવિરત અવરજવરની મંજૂરી આપશે. આ વિસ્તારના રોડ યુઝર્સને વધુ સુરક્ષિત માર્ગ, પ્રવાસના ઓછા સમય અને ક્રોસિંગ પર ટ્રાફિક જામમાંથી રાહત મળશે.

આ મંજૂરી દર્શાવે છે કે ભારતીય રેલવે દેશમાં લેવલ ક્રોસિંગ દૂર કરવા, લોકોની સલામતી વધારવા અને આધુનિક તથા કાર્યક્ષમ પરિવહન માળખું ઊભું કરવા માટે સતત કામ કરી રહી છે.

SM/BS/JD