پی ایم ای-ڈرائیو اسکیم کے تحت مالی سال26-2025 کے دوران ریاست مدھیہ پردیش میں 94,277الیکٹرک گاڑیاں استعمال میں لائی گئیں۔

مالی سال26-2025 میں مدھیہ پردیش میں 88,209 الیکٹرک گاڑیوں پر سبسڈی دی گئی، جس کی تفصیلات ضمیمے میں فراہم کی گئی ہیں۔

پی ایم ای-ڈرائیو اسکیم کے تحت مدھیہ پردیش کے لیے کوئی الیکٹرک بس مختص نہیں کی گئی ہے۔

مدھیہ پردیش میں کام کرنے والے گاڑیوں کے خریداروں اور اصل سازوسامان تیار کرنے والی کمپنیوں کو براہِ راست فراہم کی گئی مراعات کی مجموعی  مقدار کی تفصیلات مرکزی سطح پر مرتب نہیں کی جاتی ہیں۔

بھاری صنعتوں  کی وزارت نے اس سلسلے میں کوئی ایسا جائزہ نہیں لیا ہے۔

حکومت نے صاف توانائی پر مبنی نقل و حمل کے نظام کے استعمال کو فروغ دینے کے لیے مدھیہ پردیش کے دو درجے اور تین درجے کے شہروں سمیت پورے ملک میں درج ذیل اسکیمیں نافذ کی ہیں:

ہندوستان میں ہائبرڈ اور  الیکٹرک گاڑیوں کو تیزی سے اپنانے اور ان کی تیاری کے فروغ کی اسکیم، (ایف اے ایم ای انڈیا ) مرحلہ دوم: حکومت نے اس اسکیم کو یکم اپریل 2019 سے 31 مارچ 2024 تک پانچ سال کی مدت کے لیے نافذ کیا، جس کے لیے مجموعی طور پر 11,500 کروڑ روپے کی بجٹ امداد مختص کی گئی تھی۔ اس اسکیم کے تحت ای-2 پہیہ، ای-3 پہیہ اور ای-4 پہیہ گاڑیوں کے لیے طلب پر مبنی مراعات، جبکہ ای-بسوں اور الیکٹرک گاڑیوں کے عوامی چارجنگ مراکز قائم کرنے کے لیے مالی امداد فراہم کی گئی۔  ایف اے ایم ای-2 کے تحت تقریباً 16.72 لاکھ  الیکٹرک گاڑیوں، جن میں ای-2 پہیہ، ای-3 پہیہ اور ای-4 پہیہ گاڑیاں شامل ہیں، کی فروخت میں معاونت کی گئی۔ مختلف شہروں کے لیے 6,862 ای-بسوں کی منظوری دی گئی، جن میں سے 31 جولائی 2026 تک 5,299 ای-بسیں تعینات کی جا چکی ہیں۔ اس اسکیم کے تحت برقی گاڑیوں کے عوامی چارجنگ مراکز کے قیام کے لیے 912.50 کروڑ روپے مختص کیے گئے ہیں۔

ہندوستان میں آٹوموبائل اور آٹو کمپوننٹ صنعت کے لیے پیداوار سے منسلک ترغیبی اسکیم (پی ایل آئی-آٹو): حکومت نے ہندوستان میں آٹوموبائل اور آٹو کمپوننٹ صنعت کے لیے 23 ستمبر 2021 کو اس اسکیم کا اعلان کیا، جس کا مقصد  الیکٹرک گاڑیوں سمیت جدید آٹوموٹیو ٹیکنالوجی (اے اے ٹی) سے متعلق مصنوعات کی تیاری میں ہندوستان کی صلاحیتوں کو بڑھانا ہے۔ اس اسکیم کے لیے 25,938 کروڑ روپے کا بجٹ کاتخمینہ رکھا گیا ہے۔

جدید کیمیکل سیل (اے سی سی) بیٹری اسٹوریج کے قومی پروگرام کے لیے پیداوار سے منسلک ترغیبی اسکیم (پی ایل آئی): حکومت نے ملک میں اے سی سی کی تیاری کے لیے 9 جون 2021 کو پی ایل آئی اسکیم کا اعلان کیا، جس کے لیے 18,100 کروڑ روپے کا بجٹ میں تخمینہ رکھا گیا ہے۔ اس اسکیم کا مقصد 50 گیگا واٹ گھنٹے کی اے سی سی بیٹریوں کے لیے ملک میں مسابقتی اور مضبوط گھریلو مینوفیکچرنگ نظام قائم کرنا ہے۔

پی ایم الیکٹرک ڈرائیو ریوولوشن اِن اِنّوویٹو وہیکل انہانسمنٹ (پی ایم ای-ڈرائیو) اسکیم:

10,900 کروڑ روپے کے بجٹ  کےتخمینے والی اس اسکیم کا اعلان 29 ستمبر 2024 کو کیا گیا۔ اس اسکیم کے تحت تقریباً 28.30 لاکھ  الیکٹرک گاڑیوں، جن میں ای-2 پہیہ، ای-3 پہیہ، ای-ٹرک، ای-بس اور ای-ایمبولینس شامل ہیں، کے استعمال کی حوصلہ افزائی کی جا رہی ہے۔ اس کے علاوہ اس اسکیم کے تحت جانچ ایجنسیوں کو اپ گریڈ کرنے کے لیے مالی امداد بھی دستیاب ہے۔ اسکیم کے تحت 14,028 ای-بسوں کی تعیناتی کے لیے 4,391 کروڑ روپے مختص کیے گئے ہیں، جن میں سے 14,000 ای-بسیں مختص کی جا چکی ہیں۔ ملک بھر میں الیکٹرک گاڑیوں کے عوامی چارجنگ مراکز کی تنصیب کے لیے 2,000 کروڑ روپے مختص کیے گئے ہیں۔

پی ایم ای-بس سیوا-پیمنٹ سیکیورٹی میکانزم (پی ایس ایم) اسکیم: 28 اکتوبر 2024 کو اعلان کردہ اس اسکیم کے لیے 3,435.33 کروڑ روپے کا بجٹی تخمینہ رکھا گیا ہے اور اس کا مقصد 38,000 سے زائد الیکٹرک بسوں کی تعیناتی میں معاونت فراہم کرنا ہے۔ اس اسکیم کا مقصد عوامی نقل و حمل کے اداروں کی جانب سے ادائیگی میں ناکامی کی صورت میں ای-بس آپریٹروں کو ادائیگی کی ضمانت فراہم کرنا ہے۔

اس کے علاوہ، ملک میں الیکٹرک گاڑیوں کے استعمال کو بڑھانے کے لیے حکومت ہند کی جانب سے درج ذیل اقدامات بھی کیے گئے ہیں:

الیکٹرک گاڑیوں اور  الیکٹرک گاڑیوں کے چارجرز/چارجنگ اسٹیشنوں پر جی ایس ٹی کی شرح کم کرکے 5 فیصد کر دی گئی ہے۔

وزارت سڑک نقل و حمل و شاہراہوں نے اعلان کیا ہے کہ بیٹری سے چلنے والی گاڑیوں کو سبز نمبر پلیٹیں دی جائیں گی اور انہیں پرمٹ کی ضرورت سے مستثنیٰ قرار دیا جائے گا۔

سڑک نقل و حمل و شاہراہوں کی وزارت نے ریاستوں کو مشورہ دیا ہے کہ وہ برقی گاڑیوں پر روڈ ٹیکس معاف کر دیں، جس سے الیکٹرک گاڑیوں کی ابتدائی لاگت کم کرنے میں مدد ملے گی۔

ضمیمہ

مالی سال26-2025 کے دوران مدھیہ پردیش میں  پی ایم ای -ڈرائیو اسکیم کے تحت اضلاع کے لحاظ سے حوصلہ افزائی کی گئی ای-2ڈبلیو ز اور  ای-3ڈبلیو کی تعداد:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

**** *****

(ش ح۔ م ع ن ۔ ن م)

UR-1891

(रिलीज़ आईडी: 2298147) आगंतुक पटल : 8