হিমাচল প্ৰদেশত ডাৱৰ বিস্ফোৰণ, আকস্মিক বান, ভূমিস্খলন আৰু অত্যাধিক বৰষুণৰ ঘটনাৰ বৰ্ধিত হাৰ আৰু তীব্ৰতাৰ প্ৰতি লক্ষ্য ৰাখি এক বহুক্ষেত্ৰীয় কেন্দ্ৰীয় দল (এমএছচিটি) গঠন কৰা হৈছে। এই দলটো ৰাষ্ট্ৰীয় দুৰ্যোগ ব্যৱস্থাপনা কৰ্তৃপক্ষ (এনডিএমএ), কেন্দ্ৰীয় অট্টালিকা গৱেষণা প্ৰতিষ্ঠান (চি বি আৰ আই), ৰুৰকী, ভাৰতীয় ক্রান্তীয় বতৰ বিজ্ঞান প্ৰতিষ্ঠান (আই আই টি এম), পুনে, ভাৰতীয় প্ৰযুক্তিবিদ্যা প্ৰতিষ্ঠান (আই আই টি), ইন্দোৰ আৰু অন্যান্য সংশ্লিষ্ট সংস্থাৰ বিশেষজ্ঞসকলক লৈ গঠন কৰা হৈছে। ইয়াৰ উপৰি, ভাৰতীয় বতৰ বিজ্ঞান বিভাগ (আইএমডি), কেন্দ্ৰীয় জল আয়োগ (চিডব্লিউচি) আৰু ভাৰতীয় ভূতাত্ত্বিক জৰীপ (জিএছআই) ৰ পৰা পোৱা তথ্যসমূহো অন্তৰ্ভুক্ত কৰা হৈছে।

 

দলটোক ৰাজ্যখনত বৰ্ধিত বতৰৰ এনে চূড়ান্ত পৰ্যায়ৰ ঘটনাৰ কাৰণসমূহৰ বৈজ্ঞানিক মূল্যায়ন, আটাইতকৈ ক্ষতিগ্ৰস্ত অঞ্চলসমূহৰ ভৌগোলিক আৰু স্থল পৰিস্থিতি বিশ্লেষণ, বিভিন্ন সংস্থাৰ পৰা প্ৰাপ্ত তথ্য সংকলন আৰু পৰীক্ষণ আৰু এনে দুৰ্যোগৰ প্ৰভাৱ হ্ৰাস কৰিবলৈ দীৰ্ঘম্যাদী ব্যৱস্থাৰ পৰামৰ্শ দিয়াৰ দায়িত্ব প্ৰদান কৰা হৈছে।

বতৰ বিশেষজ্ঞ, বৈজ্ঞানিক প্ৰতিষ্ঠান আৰু ৰাজ্যিক কৰ্তৃপক্ষই প্ৰদান কৰা মূল্যায়নে ইংগিত দিয়ে যে জলবায়ু পৰিৱৰ্তনৰ ফলস্বৰূপে হিমালয় অঞ্চলত অত্যাধিক বৰষুণৰ ঘটনাৰ তীব্ৰতা আৰু মাত্ৰা বৃদ্ধি পাইছে। বৰফৰ গলন বৃদ্ধি আৰু হিমবাহে এৰি যোৱা শিল আৰু আৱৰ্জনাৰ অস্থিৰতাই অসময়ত ঢালৰ বিফলতা আৰু উচ্চ উচ্চতাৰ অঞ্চলত উচ্চ বৰষুণৰ সৃষ্টি কৰে। এমএছচিটি অধ্যয়ন অনুসৰি, মানৱসৃষ্ট কাৰকসমূহেও অঞ্চলটোত বৃদ্ধি পোৱা বিপদাশংকাৰ ক্ষেত্ৰত অৰিহণা যোগাইছে।

লোকসভাত এক প্ৰশ্নৰ লিখিত উত্তৰত গৃহ পৰিক্ৰমা মন্ত্ৰালয়ৰ ৰাজ্যিক মন্ত্ৰী শ্ৰী নিত্যানন্দ ৰায়ে এই কথা প্ৰকাশ কৰে।

*****

RK/RR/PR/PS/SC/HS

(रिलीज़ आईडी: 2298007) आगंतुक पटल : 7