سینٹرل کونسل فار ریسرچ ان آیورویدک سائنسز (سی سی آر اے ایس)، وزارتِ آیوش کے زیرِ اہتمام کام کرنے والے سینٹرل آیوروید ریسرچ انسٹی ٹیوٹ (سی اے آر آئی)، نئی دہلی نے آج نئی دہلی میں ایک توسیعی آؤٹ پیشنٹ ڈیپارٹمنٹ (او پی ڈی) کا افتتاح کیا۔ اس نئی سہولت کا مقصد روہنی اور اس کے قریبی علاقوں کے لوگوں کے لیے آسان، معیاری اور شواہد پر مبنی آیورویدک صحت کی خدمات کی فراہمی کو مزید مضبوط بنانا ہے۔

سی سی آر اے ایس کے ڈائرکٹر جنرل پروفیسر (ویدیہ) ربی نرائن آچاریہ نے سینئر افسران اور معززین کی موجودگی میں سہولت کا افتتاح کیا۔

اجتماع سے خطاب کرتے ہوئے، پروفیسر (ویدیہ) ربی نرائن آچاریہ نے شواہد پر مبنی آیوروید کے دائرہ کار کو وسیع کرنے اور عوام کے لیے معیاری آیورویدک صحت کی خدمات کو مزید آسان بنانے کے لیے سی سی آر اے ایس کے عزم کا اعادہ کیا۔ انہوں نے کلینیکل خدمات کو مضبوط بنانے اور ادارہ جاتی اور آؤٹ ریچ پہل قدمیوں کے ذریعے آیوروید کے فوائد کو برادریوں تک پہنچانے کی اہمیت پر زور دیا۔

سی اے آر آئی کے انسٹی ٹیوٹ انچارج، ڈاکٹر ہیمنت پنی گڑھی نے افتتاحی خطاب کیا، جبکہ سی سی آر اے ایس کے ڈپٹی ڈائرکٹر جنرل ڈاکٹر این شری کانت نے برادری کی سطح پر شواہد پر مبنی آیورویدک طبی خدمات کی توسیع کی اہمیت کو اجاگر کیا۔ سی سی آر اے ایس کے ڈپٹی ڈائرکٹر (انتظامیہ) جناب دیپک کوچر اور سی پی ڈبلیو ڈی کے سپرنٹنڈینٹ انجینئر جناب ایم شیو کمار ریڈی نے سہولت کے انتظامی اور بنیادی ڈھانچے سے متعلق پہلوؤں کے بارے میں بات کی۔

یہ نیا توسیعی او پی ڈی روہنی اور اس کے قریبی علاقوں کے رہائشیوں کو آسان آیورویدک آؤٹ پیشنٹ خدمات فراہم کرے گا، جس سے سی اے آر آئی، نئی دہلی کی کلینیکل پہنچ مضبوط ہوگی اور شواہد پر مبنی آیوروید برادری کے مزید قریب آئے گا۔

یہ پہل قدمی وزارتِ آیوش کی ان مسلسل کوششوں کے عین مطابق ہے جن کا مقصد آیوش ہیلتھ کیئر ایکو سسٹم کو مضبوط بنانا، ادارہ جاتی صحت کے انفراسٹرکچر کو وسعت دینا اور علاج کے روایتی طریقوں کو شہریوں کے لیے مزید آسان بنانا ہے۔ ایسے آؤٹ ریچ مراکز آیوروید کے شواہد پر مبنی طریقوں کو آسان اور کمیونٹی پر مبنی صحت کی خدمات کی فراہمی میں شامل کرنے کے وسیع تر مقصد میں بھی مددگار ثابت ہوتے ہیں۔

یہ افتتاح قومی دارالحکومت میں آیورویدک کلینیکل خدمات کے نیٹ ورک کو مضبوط بنانے اور سب کے لیے آسان، معیاری اور شواہد پر مبنی آیوش ہیلتھ کیئر کے وژن کو آگے بڑھانے کی جانب ایک اور قدم ہے۔

توسیع شدہ او پی ڈی سہولت کا پتہ: ایف سی-5، بلاک-اے، سیکٹر – 28، روہنی، نئی دہلی

**********

 

 

 

 (ش ح –ا ب ن)

U.No:1867

(रिलीज़ आईडी: 2297885) आगंतुक पटल : 12