داخلی اموراورامداد باہمی کے مرکزی وزیر جناب امت شاہ نے لوک سبھا میں ایک سوال کے تحریری جواب میں بتایا کہ ملک بھر میں امدادی اداروں کے کام کاج، بشمول تمل ناڈو کے ویلور ضلع میں قائم اداروں کا جائزہ لینے کے لیے، امدادباہمی کی وزارت نے ریاستی اور ضلعی سطح پر امدادی شعبے سے متعلق اقدامات کی نگرانی کے لیے ایک کثیر سطحی ادارہ جاتی نظام اختیار کیا ہے، جس کا مقصد مؤثر تال میل، عمل درآمد اور نگرانی کو یقینی بنانا ہے۔ اس مقصد کے لیے قومی سطح سے لے کر ضلعی سطح تک مختلف سطحوں پر کمیٹیاں تشکیل دی گئی ہیں۔ ان میں درج ذیل شامل ہیں:

i. بین وزارتی کمیٹی (آئی ایم سی) –داخلی امور اورامداباہمی کے مرکزی وزیر کی زیر صدارت؛

ii. قومی سطح کی رابطہ کمیٹی (این ایل سی سی) – امدادباہمی کی وزارت کے سکریٹری کی زیر صدارت؛

iii. باہمی تعاون کے فروغ سے متعلق ریاستی کمیٹی (ایس سی ڈی سی) – متعلقہ ریاست/مرکز کے زیر انتظام علاقے کے چیف سکریٹری کی زیر صدارت؛ اور

iv. باہمی تعاون کے فروغ سے متعلق ضلع کمیٹی (ڈی سی ڈی سی) – متعلقہ ضلع کے ضلع کلکٹر کی زیر صدارت۔

تمل ناڈو ریاست سے موصولہ اطلاعات کے مطابق اب تک باہمی تعاون کے فروغ سے متعلق ریاستی کمیٹی (ایس سی ڈی سی) کے دو اور باہمی تعاون کے فروغ سے متعلق ضلع کمیٹی (ڈی سی ڈی سی) کے دو اجلاس منعقد کیے جا چکے ہیں۔

مزید یہ کہ وزارت نے ’’باہمی اداروں کی درجہ بندی کا فریم ورک‘‘ شروع کیا ہے، جس میں آڈٹ کی تکمیل، مالی کارکردگی اور عملی سرگرمیوں سمیت معیاری پیمانے مقرر کیے گئے ہیں۔ ان پیمانوں کی مدد سے ریاستی رجسٹرار برائے باہمی انجمنیں (آر سی ایس) آزادانہ جائزہ لے سکتے ہیں اور ریاست، ضلع اور بلاک کی سطح پر باہمی اداروں کو مضبوط بنانے کے لیے ضروری اقدامات کر سکتے ہیں۔

ویلور ضلع میں شعبہ وار مجموعی باہمی اداروں اور سرگرم باہمی اداروں کی تعداد کی تفصیلات ضمیمہ-اے میں منسلک ہیں۔

حکومت نے باہمی اداروں، بشمول ویلور ضلع میں کام کرنے والے اداروں، کے نظم و نسق، پیشہ ورانہ انتظام، خدمات کی فراہمی، عملی کارکردگی اور عوام تک رسائی کو مضبوط بنانے کے لیے ڈیجیٹل، مالی اور صلاحیت سازی کے حوالے سے متعدد اقدامات کیے ہیں:

• ہر غیر احاطہ شدہ پنچایت/گاؤں میں پانچ سال کے عرصے کے دوران نئے کثیرمقصدی پی اے سی ایس، ڈیری اور ماہی گیری سے متعلق باہمی ادارے قائم کرکے باہمی دائرۂ کار کو وسعت دینے کے قومی پروجیکٹ کے تحت، 15جولائی2026 تک تمل ناڈو میں 27 پی اے سی ایس، 940 ڈیری امدادباہمی کی سوسائٹیاں اور 36 ماہی گیری سے متعلق باہمی سوسائٹیاں رجسٹر کی گئی ہیں، جن میں ویلور ضلع کی 11 ڈیری سے متعلق باہمی سوسائٹیاں بھی شامل ہیں۔
• پی اے سی ایس کی کمپیوٹرائزیشن کے مرکزی شعبہ جاتی منصوبے کے تحت تمل ناڈو میں 4,561  پی اے سی ایس کی منظوری دی گئی ہے اور ریاست کو 55.73 کروڑ روپے جاری کیے گئے ہیں۔ 15جولائی2026 تک 4,532 پی اے سی ایس کو ہارڈ ویئر فراہم کیا جا چکا ہے اور 4,481 پی اے سی ایس کو مشترکہ ای آر پی پر مبنی قومی سافٹ ویئر پر شامل کیا جا چکا ہے، جن میں ویلور ضلع کے 64 پی اے سی ایس بھی شامل ہیں۔ اس اقدام کا مقصد شفافیت، حساب کتاب، آڈٹ، نگرانی، ڈیجیٹل خدمات کی فراہمی اور باہمی بینکاری کے نظام کے ساتھ انضمام کو بہتر بنانا ہے۔
• امدادباہمی کی وزارت کی جانب سے جاری کردہ اور ریاست کی جانب سے اختیار کیے گئے ماڈل ضمنی قوانین کے تحت پی اے سی ایس 25 سے زیادہ مختلف کاروباری سرگرمیاں انجام دے سکتے ہیں۔
• تمل ناڈو ریاست سے فراہم کردہ معلومات کے مطابق، ویلور ضلع میں 55 پی اے سی ایس مشترکہ خدمات مراکز اور مناسب قیمت کی دکانوں کے طور پر کام کر رہے ہیں؛ 43 پی اے سی ایس مائیکرو اے ٹی ایم کی سہولت فراہم کر رہے ہیں اور 55 پی اے سی ایس پی ایم کسان سمردھی کیندروں کے طور پر کام کر رہے ہیں۔
• مزید یہ کہ 28 پی اے سی ایس زرعی مشینری کی خدمات فراہم کر رہے ہیں، 9 ادویات خانوں/طبی دکانوں کے طور پر کام کر رہے ہیں، ایک باہمی طبی دکان چلا رہا ہے جبکہ43 پی اے سی ایس کے پاس گودام موجود ہیں۔
• پیشہ ورانہ انتظام کو بہتر بنانے اور اداروں کی طویل مدتی پائیداری کویقینی بنانے کے لیے نیشنل کونسل فار کوآپریٹو ٹریننگ کے ذریعے صلاحیت سازی کے پروگرام منعقد کیے جاتے ہیں۔ تمل ناڈو میں یہ پروگرام چنئی کے ناتیسن انسٹی ٹیوٹ آف کوآپریٹو مینجمنٹ اور مدورئی کے انسٹی ٹیوٹ آف کوآپریٹو مینجمنٹ کے ذریعے نافذ کیے جاتے ہیں۔ گزشتہ پانچ برسوں کے دوران ان اداروں نے ریاست میں 1,31,499 افراد کو تربیت فراہم کی ہے، جن میں ویلور ضلع کے 2,688 افراد بھی شامل ہیں۔ تربیت میں باہمی اداروں کی حکمرانی، مالی انتظام، ڈیجیٹل خواندگی، کمپیوٹرائزیشن اور کاروباری سرگرمیوں میں تنوع جیسے شعبے شامل ہیں۔
• اس کے علاوہ، تمل ناڈو میں 4,097 پی اے سی ایس سکریٹریوں کو مشترکہ خدمات مرکز کی خدمات کے مؤثر استعمال کی تربیت فراہم کی گئی ہے؛ ایم-پی اے سی ایس کے 105 بورڈ آف ڈائریکٹرز/سکریٹریوں کی صلاحیت سازی کے لیے 4 پروگرام منعقد کیے جاچکے ہیں، جن میں اچھی حکمرانی، پیشہ ورانہ انتظام، کاروباری سرگرمیوں میں تنوع اور باہمی اداروں کے مؤثر کام پر زور دیا گیا۔
• گاؤں کی سطح پر بیداری کے پروگرام منعقد کیے جا رہے ہیں تاکہ سرکاری اسکیموں، ادارہ جاتی قرض، منڈی سے روابط اور کاروباری سرگرمیوں میں تنوع سے متعلق معلومات عام کی جا سکیں۔ تمل ناڈو میں ایسے 560 پروگراموں سے 72,885 ارکان مستفید ہوئے ہیں، جن میں ویلور ضلع کے 2,234 ارکان بھی شامل ہیں۔
• نبارڈ(این اے بی اے آرڈی) نے باہمی اداروں کے لیے مختلف تربیتی پروگرام منعقد کیے ہیں، جن میں پی اے سی ایس کے عملے کے لیے خواتین کو بااختیار بنانا، کاروباری ترقیاتی پروجیکٹ تیار کرنا، پی اے سی ایس کی مالی صحت پر غیر فعال اثاثوں کے اثرات اور پی اے سی ایس میں کارپوریٹ حکمرانی جیسے اہم شعبے شامل ہیں۔ مالی سال 2023-24 سے 2025-26 کے دوران تمل ناڈو، بشمول ویلور، میں ایسے کل 578 باہمی تربیتی پروگرام منعقد کیے گئے، جن میں 15,635 عہدیداروں کو تربیت فراہم کی گئی۔
• اس کے علاوہ، نیشنل کوآپریٹو ڈیولپمنٹ کارپوریشن کے ذریعے زراعت، ڈیری، ماہی گیری، ہتھ کرگھا، مارکیٹنگ، پراسیسنگ، ذخیرہ کاری اور متعلقہ شعبوں میں اہل باہمی پروجیکٹوں کے لیے مقررہ اہلیت کی شرائط اور پروجیکٹ کے جائزے کے تحت مالی اور تکنیکی معاونت بھی دستیاب ہے۔ گزشتہ پانچ برسوں کے دوران نیشنل کوآپریٹو ڈیولپمنٹ کارپوریشن کی جانب سے تمل ناڈو میں فراہم کی گئی مالی معاونت کی تفصیلات ضمیمہ-بی میں دی گئی ہیں۔

***

ضمیمہ-اے

تمل ناڈو کے ویلور ضلع میں شعبہ وار باہمی اداروں کی تعداد

 

ماخذ: 15جولائی2026 تک این سی ڈی پورٹل۔

 

ضمیمہ-بی

تمل ناڈو ریاست میں گزشتہ 5 برسوں کے دوران سرگرمی کے حساب سے جاری کی گئی رقم

(رقم کروڑ روپے میں)

 

 

******

 

ش ح ۔ ش م ۔ م ا

UR No-1843

(ریلیز آئی ڈی: 2297822) وزیٹر کاؤنٹر : 37